Image may be NSFW.
Clik here to view.
ដោយ ហ៊ុំ ចំរើន RFA 2016-05-19
អ្នកបើកបរឡានឈ្នួល ឬតាក់ស៊ីបណ្ដាញសន្តិភាពនៅក្រុងប៉ោយប៉ែត ចោទប្រកាន់មន្ត្រីគយ និងរដ្ឋាករខេត្តបន្ទាយមានជ័យ ថាបានប្រព្រឹត្តអំពើពុករលួយ ដោយដាក់កុងត្រូលតាមផ្លូវជាតិលេខ៥ បង្ខំឲ្យរថយន្តដឹកទំនិញរបស់ពួកគេបង់ប្រាក់ប្រចាំខែដោយគ្មានវិក្កយបត្រ។ ការចោទប្រកាន់នេះ ធ្វើឡើងបន្ទាប់ពីមន្ត្រីគយខេត្តនេះ បានបើករថយន្តបុកតាក់ស៊ីដឹកទំនិញមួយគ្រឿង ហើយចាប់អ្នកបើកធ្វើទារុណកម្ម ខណៈពួកគេមិនបានបង់ប្រាក់ឲ្យគយ។
ក្រុមអ្នករត់តាក់ស៊ីបណ្ដាញសន្តិភាពក្រុងប៉ោយប៉ែត ស្នើឲ្យអង្គភាពប្រឆាំងអំពើពុករលួយ និងមន្ត្រីពាក់ព័ន្ធ បើកការស៊ើបអង្កេត និងចាត់វិធានការផ្លូវច្បាប់លើមន្ត្រីគយខិលខូច ដើម្បីឲ្យពួកគេបញ្ឈប់ដាក់កុងត្រូលបង្ខំយកប្រាក់ពីតាក់ស៊ីដឹកទំនិញបន្តទៀត។
ប្រធានអ្នករត់តាក់ស៊ីបណ្ដាញសន្តិភាព លោក គង់ វិសាល ឲ្យដឹងនៅថ្ងៃទី១៩ ឧសភា ថា មន្ត្រីគយ និងរដ្ឋាករខេត្តបន្ទាយមានជ័យ ដាក់កុងត្រូលស្ទាក់ចាប់រថយន្តដឹកទំនិញតាមផ្លូវជាតិលេខ៥ ពីក្រុងប៉ោយប៉ែត ទៅក្រុងសិរីសោភ័ណ រៀងរាល់ថ្ងៃ ដើម្បីបង្ខំឲ្យបង់ប្រាក់ប្រចាំខែដល់ពួកគេ។ លោកអះអាងថា ជាក់ស្ដែងកាលពីរសៀលថ្ងៃទី១៣ ឧសភា មន្ត្រីគយនៅចំណុចភូមិកូនដំរី សង្កាត់និមិត្ត ក្រុងប៉ោយប៉ែត បានបើកឡានដេញបុករថយន្តតាក់ស៊ីដឹកទំនិញមួយគ្រឿង បណ្ដាលឲ្យខូចខាតរថយន្តផ្នែកខាងមុខមួយចំហៀង ហើយចាប់អ្នកបើកតាក់ស៊ីច្របាច់កសង្កត់ទៅនឹងរថយន្ត។
លោក គង់ វិសាល បន្ថែមថា មូលហេតុដែលគយដេញបុកតាក់ស៊ី ដោយសារពួកគាត់មិនបានបង់ប្រាក់ប្រចាំខែចំនួន ១៥០ដុល្លារសហរដ្ឋអាមេរិកឲ្យទៅគយ៖ «ខ្ញុំបង់ប្រាក់ឲ្យមន្ទីរគយកន្លងមក គឺគ្មានវិក្កយបត្រទេ ហើយឲ្យតែដល់ខែមិនទាន់ទេ មន្ត្រីគយទារប្រាក់យកពីពួកខ្ញុំដោយតែម្ដង។ ហើយបើសិនជាបុគ្គលណាមិនបានបង់ប្រាក់ឲ្យគយ ១៥០ដុល្លារទេ គេនឹងដេញចាប់តែម្ដង»។
ឆ្លើយតបនឹងការចោទប្រកាន់នេះ ប្រធានគយ និងរដ្ឋាករខេត្តបន្ទាយមានជ័យ លោក ឆែ សុធា ពុំមានប្រតិកម្មអ្វីជុំវិញបញ្ហានេះទេ ដោយថាលោកជាប់រវល់។
ទោះបីជាយ៉ាងនេះក្ដី មន្ត្រីសម្របសម្រួលសមាគមការពារសិទ្ធិមនុស្សអាដហុក (ADHOC) ខេត្តបន្ទាយមានជ័យ លោក ស៊ុំ ច័ន្ទគា មានប្រសាសន៍ថា មន្ត្រីគយបង្ខំឲ្យក្រុមអ្នករត់តាក់ស៊ីដឹកទំនិញបង់ប្រាក់ ១៥០ដុល្លារប្រចាំខែ គឺជាអំពើខុសច្បាប់។ លោកអះអាងថា មូលហេតុដែលជាអំពើខុសច្បាប់ ដោយសារទំនិញទាំងអស់នោះជាទំនិញដឹកនៅក្នុងស្រុក ដែលបានបង់ពន្ធតាមច្រកព្រំដែនរួចមកហើយ៖ «នេះគឺអំពើមួយដែលមន្ត្រីគយ ដែលមិនគួរបណ្ដោយឲ្យកើតមាននៅតាមដងផ្លូវឡើយ។ ប្រធានគយខេត្តបន្ទាយមានជ័យ ត្រូវតែពិនិត្យមើលរឿងនេះឡើងវិញឲ្យបានឆាប់រហ័ស»។
ក្រោយពីគយចាប់អ្នកបើកតាក់ស៊ីធ្វើទារុណកម្មហើយ សមត្ថកិច្ចបាននាំទាំងរថយន្ត និងអ្នកបើកទៅនៅទីបញ្ជាការកងរាជអាវុធហត្ថក្រុងប៉ោយប៉ែត ហើយរហូតមកទល់ពេលនេះ មិនទាន់មានដំណោះស្រាយនៅឡើយ។ មន្ត្រីគយដាក់ប៉ុស្តិ៍ត្រួតពិនិត្យទំនិញតាមផ្លូវជាតិលេខ៥ ពីក្រុងប៉ោយប៉ែត ទៅទីរួមខេត្តបន្ទាយមានជ័យ ចំនួន ៣កន្លែង គឺនៅសង្កាត់និមិត្ត ក្រុងប៉ោយប៉ែត នៅសាលាក្រហមស្រុកអូរជ្រៅ និងក្បែរមន្ទីរសាធារណការ និងដឹកជញ្ជូនខេត្តមួយកន្លែង៕
Clik here to view.
ដោយ ហ៊ុំ ចំរើន RFA 2016-05-19
អ្នកបើកបរឡានឈ្នួល ឬតាក់ស៊ីបណ្ដាញសន្តិភាពនៅក្រុងប៉ោយប៉ែត ចោទប្រកាន់មន្ត្រីគយ និងរដ្ឋាករខេត្តបន្ទាយមានជ័យ ថាបានប្រព្រឹត្តអំពើពុករលួយ ដោយដាក់កុងត្រូលតាមផ្លូវជាតិលេខ៥ បង្ខំឲ្យរថយន្តដឹកទំនិញរបស់ពួកគេបង់ប្រាក់ប្រចាំខែដោយគ្មានវិក្កយបត្រ។ ការចោទប្រកាន់នេះ ធ្វើឡើងបន្ទាប់ពីមន្ត្រីគយខេត្តនេះ បានបើករថយន្តបុកតាក់ស៊ីដឹកទំនិញមួយគ្រឿង ហើយចាប់អ្នកបើកធ្វើទារុណកម្ម ខណៈពួកគេមិនបានបង់ប្រាក់ឲ្យគយ។
ក្រុមអ្នករត់តាក់ស៊ីបណ្ដាញសន្តិភាពក្រុងប៉ោយប៉ែត ស្នើឲ្យអង្គភាពប្រឆាំងអំពើពុករលួយ និងមន្ត្រីពាក់ព័ន្ធ បើកការស៊ើបអង្កេត និងចាត់វិធានការផ្លូវច្បាប់លើមន្ត្រីគយខិលខូច ដើម្បីឲ្យពួកគេបញ្ឈប់ដាក់កុងត្រូលបង្ខំយកប្រាក់ពីតាក់ស៊ីដឹកទំនិញបន្តទៀត។
ប្រធានអ្នករត់តាក់ស៊ីបណ្ដាញសន្តិភាព លោក គង់ វិសាល ឲ្យដឹងនៅថ្ងៃទី១៩ ឧសភា ថា មន្ត្រីគយ និងរដ្ឋាករខេត្តបន្ទាយមានជ័យ ដាក់កុងត្រូលស្ទាក់ចាប់រថយន្តដឹកទំនិញតាមផ្លូវជាតិលេខ៥ ពីក្រុងប៉ោយប៉ែត ទៅក្រុងសិរីសោភ័ណ រៀងរាល់ថ្ងៃ ដើម្បីបង្ខំឲ្យបង់ប្រាក់ប្រចាំខែដល់ពួកគេ។ លោកអះអាងថា ជាក់ស្ដែងកាលពីរសៀលថ្ងៃទី១៣ ឧសភា មន្ត្រីគយនៅចំណុចភូមិកូនដំរី សង្កាត់និមិត្ត ក្រុងប៉ោយប៉ែត បានបើកឡានដេញបុករថយន្តតាក់ស៊ីដឹកទំនិញមួយគ្រឿង បណ្ដាលឲ្យខូចខាតរថយន្តផ្នែកខាងមុខមួយចំហៀង ហើយចាប់អ្នកបើកតាក់ស៊ីច្របាច់កសង្កត់ទៅនឹងរថយន្ត។
លោក គង់ វិសាល បន្ថែមថា មូលហេតុដែលគយដេញបុកតាក់ស៊ី ដោយសារពួកគាត់មិនបានបង់ប្រាក់ប្រចាំខែចំនួន ១៥០ដុល្លារសហរដ្ឋអាមេរិកឲ្យទៅគយ៖ «ខ្ញុំបង់ប្រាក់ឲ្យមន្ទីរគយកន្លងមក គឺគ្មានវិក្កយបត្រទេ ហើយឲ្យតែដល់ខែមិនទាន់ទេ មន្ត្រីគយទារប្រាក់យកពីពួកខ្ញុំដោយតែម្ដង។ ហើយបើសិនជាបុគ្គលណាមិនបានបង់ប្រាក់ឲ្យគយ ១៥០ដុល្លារទេ គេនឹងដេញចាប់តែម្ដង»។
ឆ្លើយតបនឹងការចោទប្រកាន់នេះ ប្រធានគយ និងរដ្ឋាករខេត្តបន្ទាយមានជ័យ លោក ឆែ សុធា ពុំមានប្រតិកម្មអ្វីជុំវិញបញ្ហានេះទេ ដោយថាលោកជាប់រវល់។
ទោះបីជាយ៉ាងនេះក្ដី មន្ត្រីសម្របសម្រួលសមាគមការពារសិទ្ធិមនុស្សអាដហុក (ADHOC) ខេត្តបន្ទាយមានជ័យ លោក ស៊ុំ ច័ន្ទគា មានប្រសាសន៍ថា មន្ត្រីគយបង្ខំឲ្យក្រុមអ្នករត់តាក់ស៊ីដឹកទំនិញបង់ប្រាក់ ១៥០ដុល្លារប្រចាំខែ គឺជាអំពើខុសច្បាប់។ លោកអះអាងថា មូលហេតុដែលជាអំពើខុសច្បាប់ ដោយសារទំនិញទាំងអស់នោះជាទំនិញដឹកនៅក្នុងស្រុក ដែលបានបង់ពន្ធតាមច្រកព្រំដែនរួចមកហើយ៖ «នេះគឺអំពើមួយដែលមន្ត្រីគយ ដែលមិនគួរបណ្ដោយឲ្យកើតមាននៅតាមដងផ្លូវឡើយ។ ប្រធានគយខេត្តបន្ទាយមានជ័យ ត្រូវតែពិនិត្យមើលរឿងនេះឡើងវិញឲ្យបានឆាប់រហ័ស»។
ក្រោយពីគយចាប់អ្នកបើកតាក់ស៊ីធ្វើទារុណកម្មហើយ សមត្ថកិច្ចបាននាំទាំងរថយន្ត និងអ្នកបើកទៅនៅទីបញ្ជាការកងរាជអាវុធហត្ថក្រុងប៉ោយប៉ែត ហើយរហូតមកទល់ពេលនេះ មិនទាន់មានដំណោះស្រាយនៅឡើយ។ មន្ត្រីគយដាក់ប៉ុស្តិ៍ត្រួតពិនិត្យទំនិញតាមផ្លូវជាតិលេខ៥ ពីក្រុងប៉ោយប៉ែត ទៅទីរួមខេត្តបន្ទាយមានជ័យ ចំនួន ៣កន្លែង គឺនៅសង្កាត់និមិត្ត ក្រុងប៉ោយប៉ែត នៅសាលាក្រហមស្រុកអូរជ្រៅ និងក្បែរមន្ទីរសាធារណការ និងដឹកជញ្ជូនខេត្តមួយកន្លែង៕
