មាស សុខជា ភ្នំពេញ ប៉ុស្តិ៍ Thu, 19 May 2016
ភ្នំពេញៈ សាលាដំបូងរាជធានីបានកោះហៅប្រធានស្តីទីគណបក្សប្រឆាំងលោក កឹម សុខា ឲ្យចូលទៅបំភ្លឺជាលើកទីពីរពាក់ព័ន្ធនឹងករណីទិញពេស្យាកម្មជាមួយកញ្ញា ខុម ចាន់តារាទី ហៅ ស្រី មុំ ខណៈតុលាការបាននាំខ្លួនមេឃុំគណបក្សប្រឆាំងម្នាក់ពីពន្ធនាគារមកសួរចម្លើយបន្ថែមកាលពីម្សិលមិញក្នុងសំណុំរឿងដូចគ្នា។ នេះជាសំណុំរឿងដែលធ្វើឲ្យមានការចាប់ឃុំខ្លួនមន្ត្រីសិទ្ធិមនុស្ស និងមន្ត្រី គជប ៥ រូបដែលបានធ្វើឲ្យមានការរិះគន់យ៉ាងខ្លាំងទាំងពីមជ្ឈដ្ឋានជាតិ និងអន្តរជាតិ។
នៅក្នុងដីកាកោះចេញកាលពីថ្ងៃអង្គារដោយព្រះរាជអាជ្ញារងសាលាដំបូងរាជធានីលោក សៀង សុខ បានបង្គាប់ឲ្យលោក កឹម សុខា ចូលបំភ្លឺនៅតុលាការនៅថ្ងៃព្រហស្បតិ៍ទី ២៦ ជាសាក្សីសម្រាប់ការសាកសួរលើករណីទិញពេស្យាកម្ម។
លោក សុខ ក៏បានបង្គាប់លោក សុខា ចូលបំភ្លឺនៅតុលាការតាមដីកាកោះនេះឲ្យបានទាន់ពេលវេលាហើយនាំយកឯកសារផ្សេងៗពាក់ព័ន្ធនឹងករណីនេះទៅជាមួយ។
លោក សុខា បានបដិសេធចូលបំភ្លឺនៅតុលាការម្តងរួចមកហើយកាលពីថ្ងៃទី ១៧ ខែឧសភាក្នុងសំណុំរឿងដដែលនេះចំពោះអ្វីដែលគណបក្សប្រឆាំងបានប្រតិកម្មថាការចេញដីកាកោះហៅអ្នកតំណាងរាស្ត្រដែលមានអភ័យឯកសិទ្ធិសភាពីសំណាក់តុលាការគឺជាការរំលោភបំពានយ៉ាងធ្ងន់ធ្ងរទៅលើច្បាប់រដ្ឋធម្មនុញ្ញដែលជាច្បាប់កំពូលរបស់ប្រទេស។
អ្នកនាំពាក្យគណបក្សសង្គ្រោះជាតិលោក យឹម សុវណ្ណ បានបញ្ជាក់កាលពីម្សិលមិញថាលោក សុខា នឹងមិនចូលបំភ្លឺនៅតុលាការតាមដីកាកោះនេះទេដោយលោកគូសបញ្ជាក់ជាថ្មីថាក្នុងនាមជាតំណាងរាស្រ្តលោក សុខា ត្រូវបានការពារដោយអភ័យឯកសិទ្ធិសភា។
លោកថ្លែងថា៖ «លោក [កឹម សុខា] នឹងមិនទៅ [តុលាការ] ទេ។ ពីព្រោះទីមួយលោកនៅមានអភ័យឯកសិទ្ធិទីពីរលោកមិនបានធ្វើអ្វីខុស។ នេះជាការបញ្ជាក់អះអាងរបស់លោក»។
បើតាមលោក សុវណ្ណ លោក សុខា មិនបារម្ភអំពីការចាប់ខ្លួននោះទេដោយសារលោក សុខា មិនមានកំហុសអ្វីឡើយ។
អ្នកនាំពាក្យក្រសួងយុត្តិធម៌លោក ជិន ម៉ាលីន និងអ្នកនាំពាក្យសាលាដំបូងរាជធានីភ្នំពេញលោក លី សុផាន់ណា បានថ្លែងថាប្រសិនបើលោក សុខា នៅតែមិនព្រមចូលបំភ្លឺនៅតុលាការតាមដីកាកោះលើកទីពីរនេះទៀតតុលាការនឹងមាននីតិវិធីផ្សេងទៀតប៉ុន្តែលោកទាំងពីរមិនបានប្រាប់ជាក់លាក់ថាតើតុលាការមាននីតិវិធីអ្វីនោះទេ។
លោក ជិន ម៉ាលីន ថ្លែងថា៖ «ដូច្នេះប្រសិនបើការកោះហៅទីពីរលោកនៅតែមិនចូលបំភ្លឺទៀតនេះគឺបង្ហាញច្បាស់ថាលោកមិនចូលរួមសហការហើយមិនបានបំពេញកាតព្វកិច្ចទៅតាមច្បាប់ដែលបានកំណត់។ ដូច្នេះតុលាការអាចមាននីតិវិធីបន្ទាប់ពីការកោះហៅទីពីរប្រសិនគាត់មិនចូលបំភ្លឺ»។
លោកមេធាវី សុក សំអឿន នាយកប្រតិបត្តិនៃក្រុមអ្នកច្បាប់ការពារសិទ្ធិកម្ពុជាបានថ្លែងថាផ្អែកតាមច្បាប់លោក សុខា ដែលជាតំណាងរាស្រ្តមានអភ័យឯកសិទ្ធិមិនអាចត្រូវចាប់ខ្លួនបានទេបើទោះបីជាលោកមិនចូលបំភ្លឺនៅតុលាការតាមការកោះហៅលើកទីពីរក៏ដោយ។
លោក សំអឿន បន្តថា៖ «ប្រសិនបើយើងនិយាយតាមច្បាប់លុះត្រាតែដកអភ័យឯកសិទ្ធិសិនទើប [លោក កឹម សុខា] អាចត្រូវចាប់ខ្លួនបានពីព្រោះយើងត្រូវតែគោរពអភ័យឯកសិទ្ធិ។ ប៉ុន្តែប្រទេសយើងឥឡូវនេះ [ខ្ញុំ] មិនអាចព្យាករបានដោយសារ [តំណាងរាស្ត្រ] មានអភ័យឯកសិទ្ធិហើយនៅតែជាប់ពន្ធនាគារ»។
លោក សុក សំអឿន ក៏បានចង្អុលបង្ហាញផងដែរថាមេដឹកនាំគណបក្សប្រជាជនមួយចំនួនដែលជាតំណាងរាស្រ្តនៅពេលសាលាក្តីខ្មែរក្រហមកោះហៅសាកសួរពាក់ព័ន្ធនឹងវាលពិឃាតក្នុងរបបខ្មែរក្រហមពួកគេក៏មិនចូលទៅបំភ្លឺដែរដោយសារពួកគេមានអភ័យឯកសិទ្ធិសភា។
អ្នកវិភាគនយោបាយឯករាជ្យលោក អ៊ូ វីរៈ ប្រធានអង្គការវេទិកាអនាគតបានថ្លែងថាប្រសិនបើលោក កឹម សុខា ត្រូវចាប់ខ្លួននោះវាធ្វើឲ្យនយោបាយឡើងកម្តៅកាន់តែខ្លាំងហើយប្រជាពលរដ្ឋនឹងបាត់បង់ទំនុកចិត្តកាន់តែខ្លាំងចំពោះតុលាការហើយគណបក្សប្រជាជនក៏នឹងត្រូវបានប្រជាពលរដ្ឋស្អប់កាន់តែខ្លាំងឡើងផងដែរ។
លោក វីរៈ ថ្លែងបន្តថា៖ «គាត់ជាគណបក្សប្រឆាំងនៅពេលមានការវាយប្រហារទៅលើគាត់ប្រជាពលរដ្ឋកាន់តែអាណិតគាត់ហើយពួកគេខឹងគណបក្សកាន់អំណាច។ មួយទៀតក្នុងករណី [គណបក្សប្រជាជន] ចង់បំផ្លាញ [គណបក្សសង្គ្រោះជាតិ] ឲ្យតែប្រជាពលរដ្ឋមិនពេញចិត្តនឹងគណបក្សកាន់អំណាចការបំផ្លាញ [គណបក្សសង្គ្រោះជាតិ] គឺគ្មានប្រសិទ្ធភាព»។
កាលពីម្សិលមិញតុលាការបាននាំខ្លួនលោក ស៊ាង ចែត មេឃុំគណបក្សប្រឆាំងពីពន្ធនាគារមកសួរចម្លើយបន្ថែមចំពោះការចោទប្រកាន់ពីបទសូកប៉ាន់សាក្សីក្នុងករណី ស្រីមុំ ដែលត្រូវបានគេអះអាងថាជាស្រីកំណាន់លោក កឹម សុខា។
លោក សំ សុគង់ មេធាវីការពារក្តីឲ្យលោក ស៊ាង ចែត បានឲ្យដឹងថាតុលាការបាននាំខ្លួនកូនក្តីរបស់លោកមកសួរចម្លើយបន្ថែមរយៈពេល ២ ម៉ោងតាំងពីម៉ោង ២ រសៀលដល់ម៉ោងជាង ៤ រសៀល។
លោកបានថ្លែងថា៖ «តុលាការហៅគាត់មកសួរដើម្បីឲ្យចៅក្រមគេថ្លឹងថ្លែងយកទៅពិចារណាទាក់ទងនឹងបទចោទរបស់តំណាងអយ្យការ និងយកទៅវិភាគថាតើអង្គហេតុហ្នឹងពិតដូចការចោទប្រកាន់ឬអត់ដោយសារចៅក្រមស៊ើបសួរមានតួនាទីសាកសួរទាំងដាក់បន្ទុក និងដោះបន្ទុក»។
យ៉ាងនេះក្តីលោកថាលោកនឹងដាក់បណ្តឹងស្នើសុំឱ្យកូនក្តីរបស់លោកបាននៅក្រៅឃុំបណ្តោះអាសន្ននៅសប្តាហ៍ក្រោយ៕ PS
រាយការណ៍បន្ថែមដោយ ឡាយ សាមាន
ភ្នំពេញៈ សាលាដំបូងរាជធានីបានកោះហៅប្រធានស្តីទីគណបក្សប្រឆាំងលោក កឹម សុខា ឲ្យចូលទៅបំភ្លឺជាលើកទីពីរពាក់ព័ន្ធនឹងករណីទិញពេស្យាកម្មជាមួយកញ្ញា ខុម ចាន់តារាទី ហៅ ស្រី មុំ ខណៈតុលាការបាននាំខ្លួនមេឃុំគណបក្សប្រឆាំងម្នាក់ពីពន្ធនាគារមកសួរចម្លើយបន្ថែមកាលពីម្សិលមិញក្នុងសំណុំរឿងដូចគ្នា។ នេះជាសំណុំរឿងដែលធ្វើឲ្យមានការចាប់ឃុំខ្លួនមន្ត្រីសិទ្ធិមនុស្ស និងមន្ត្រី គជប ៥ រូបដែលបានធ្វើឲ្យមានការរិះគន់យ៉ាងខ្លាំងទាំងពីមជ្ឈដ្ឋានជាតិ និងអន្តរជាតិ។
នៅក្នុងដីកាកោះចេញកាលពីថ្ងៃអង្គារដោយព្រះរាជអាជ្ញារងសាលាដំបូងរាជធានីលោក សៀង សុខ បានបង្គាប់ឲ្យលោក កឹម សុខា ចូលបំភ្លឺនៅតុលាការនៅថ្ងៃព្រហស្បតិ៍ទី ២៦ ជាសាក្សីសម្រាប់ការសាកសួរលើករណីទិញពេស្យាកម្ម។
លោក សុខ ក៏បានបង្គាប់លោក សុខា ចូលបំភ្លឺនៅតុលាការតាមដីកាកោះនេះឲ្យបានទាន់ពេលវេលាហើយនាំយកឯកសារផ្សេងៗពាក់ព័ន្ធនឹងករណីនេះទៅជាមួយ។
លោក សុខា បានបដិសេធចូលបំភ្លឺនៅតុលាការម្តងរួចមកហើយកាលពីថ្ងៃទី ១៧ ខែឧសភាក្នុងសំណុំរឿងដដែលនេះចំពោះអ្វីដែលគណបក្សប្រឆាំងបានប្រតិកម្មថាការចេញដីកាកោះហៅអ្នកតំណាងរាស្ត្រដែលមានអភ័យឯកសិទ្ធិសភាពីសំណាក់តុលាការគឺជាការរំលោភបំពានយ៉ាងធ្ងន់ធ្ងរទៅលើច្បាប់រដ្ឋធម្មនុញ្ញដែលជាច្បាប់កំពូលរបស់ប្រទេស។
អ្នកនាំពាក្យគណបក្សសង្គ្រោះជាតិលោក យឹម សុវណ្ណ បានបញ្ជាក់កាលពីម្សិលមិញថាលោក សុខា នឹងមិនចូលបំភ្លឺនៅតុលាការតាមដីកាកោះនេះទេដោយលោកគូសបញ្ជាក់ជាថ្មីថាក្នុងនាមជាតំណាងរាស្រ្តលោក សុខា ត្រូវបានការពារដោយអភ័យឯកសិទ្ធិសភា។
លោកថ្លែងថា៖ «លោក [កឹម សុខា] នឹងមិនទៅ [តុលាការ] ទេ។ ពីព្រោះទីមួយលោកនៅមានអភ័យឯកសិទ្ធិទីពីរលោកមិនបានធ្វើអ្វីខុស។ នេះជាការបញ្ជាក់អះអាងរបស់លោក»។
បើតាមលោក សុវណ្ណ លោក សុខា មិនបារម្ភអំពីការចាប់ខ្លួននោះទេដោយសារលោក សុខា មិនមានកំហុសអ្វីឡើយ។
អ្នកនាំពាក្យក្រសួងយុត្តិធម៌លោក ជិន ម៉ាលីន និងអ្នកនាំពាក្យសាលាដំបូងរាជធានីភ្នំពេញលោក លី សុផាន់ណា បានថ្លែងថាប្រសិនបើលោក សុខា នៅតែមិនព្រមចូលបំភ្លឺនៅតុលាការតាមដីកាកោះលើកទីពីរនេះទៀតតុលាការនឹងមាននីតិវិធីផ្សេងទៀតប៉ុន្តែលោកទាំងពីរមិនបានប្រាប់ជាក់លាក់ថាតើតុលាការមាននីតិវិធីអ្វីនោះទេ។
លោក ជិន ម៉ាលីន ថ្លែងថា៖ «ដូច្នេះប្រសិនបើការកោះហៅទីពីរលោកនៅតែមិនចូលបំភ្លឺទៀតនេះគឺបង្ហាញច្បាស់ថាលោកមិនចូលរួមសហការហើយមិនបានបំពេញកាតព្វកិច្ចទៅតាមច្បាប់ដែលបានកំណត់។ ដូច្នេះតុលាការអាចមាននីតិវិធីបន្ទាប់ពីការកោះហៅទីពីរប្រសិនគាត់មិនចូលបំភ្លឺ»។
លោកមេធាវី សុក សំអឿន នាយកប្រតិបត្តិនៃក្រុមអ្នកច្បាប់ការពារសិទ្ធិកម្ពុជាបានថ្លែងថាផ្អែកតាមច្បាប់លោក សុខា ដែលជាតំណាងរាស្រ្តមានអភ័យឯកសិទ្ធិមិនអាចត្រូវចាប់ខ្លួនបានទេបើទោះបីជាលោកមិនចូលបំភ្លឺនៅតុលាការតាមការកោះហៅលើកទីពីរក៏ដោយ។
លោក សំអឿន បន្តថា៖ «ប្រសិនបើយើងនិយាយតាមច្បាប់លុះត្រាតែដកអភ័យឯកសិទ្ធិសិនទើប [លោក កឹម សុខា] អាចត្រូវចាប់ខ្លួនបានពីព្រោះយើងត្រូវតែគោរពអភ័យឯកសិទ្ធិ។ ប៉ុន្តែប្រទេសយើងឥឡូវនេះ [ខ្ញុំ] មិនអាចព្យាករបានដោយសារ [តំណាងរាស្ត្រ] មានអភ័យឯកសិទ្ធិហើយនៅតែជាប់ពន្ធនាគារ»។
លោក សុក សំអឿន ក៏បានចង្អុលបង្ហាញផងដែរថាមេដឹកនាំគណបក្សប្រជាជនមួយចំនួនដែលជាតំណាងរាស្រ្តនៅពេលសាលាក្តីខ្មែរក្រហមកោះហៅសាកសួរពាក់ព័ន្ធនឹងវាលពិឃាតក្នុងរបបខ្មែរក្រហមពួកគេក៏មិនចូលទៅបំភ្លឺដែរដោយសារពួកគេមានអភ័យឯកសិទ្ធិសភា។
អ្នកវិភាគនយោបាយឯករាជ្យលោក អ៊ូ វីរៈ ប្រធានអង្គការវេទិកាអនាគតបានថ្លែងថាប្រសិនបើលោក កឹម សុខា ត្រូវចាប់ខ្លួននោះវាធ្វើឲ្យនយោបាយឡើងកម្តៅកាន់តែខ្លាំងហើយប្រជាពលរដ្ឋនឹងបាត់បង់ទំនុកចិត្តកាន់តែខ្លាំងចំពោះតុលាការហើយគណបក្សប្រជាជនក៏នឹងត្រូវបានប្រជាពលរដ្ឋស្អប់កាន់តែខ្លាំងឡើងផងដែរ។
លោក វីរៈ ថ្លែងបន្តថា៖ «គាត់ជាគណបក្សប្រឆាំងនៅពេលមានការវាយប្រហារទៅលើគាត់ប្រជាពលរដ្ឋកាន់តែអាណិតគាត់ហើយពួកគេខឹងគណបក្សកាន់អំណាច។ មួយទៀតក្នុងករណី [គណបក្សប្រជាជន] ចង់បំផ្លាញ [គណបក្សសង្គ្រោះជាតិ] ឲ្យតែប្រជាពលរដ្ឋមិនពេញចិត្តនឹងគណបក្សកាន់អំណាចការបំផ្លាញ [គណបក្សសង្គ្រោះជាតិ] គឺគ្មានប្រសិទ្ធភាព»។
កាលពីម្សិលមិញតុលាការបាននាំខ្លួនលោក ស៊ាង ចែត មេឃុំគណបក្សប្រឆាំងពីពន្ធនាគារមកសួរចម្លើយបន្ថែមចំពោះការចោទប្រកាន់ពីបទសូកប៉ាន់សាក្សីក្នុងករណី ស្រីមុំ ដែលត្រូវបានគេអះអាងថាជាស្រីកំណាន់លោក កឹម សុខា។
លោក សំ សុគង់ មេធាវីការពារក្តីឲ្យលោក ស៊ាង ចែត បានឲ្យដឹងថាតុលាការបាននាំខ្លួនកូនក្តីរបស់លោកមកសួរចម្លើយបន្ថែមរយៈពេល ២ ម៉ោងតាំងពីម៉ោង ២ រសៀលដល់ម៉ោងជាង ៤ រសៀល។
លោកបានថ្លែងថា៖ «តុលាការហៅគាត់មកសួរដើម្បីឲ្យចៅក្រមគេថ្លឹងថ្លែងយកទៅពិចារណាទាក់ទងនឹងបទចោទរបស់តំណាងអយ្យការ និងយកទៅវិភាគថាតើអង្គហេតុហ្នឹងពិតដូចការចោទប្រកាន់ឬអត់ដោយសារចៅក្រមស៊ើបសួរមានតួនាទីសាកសួរទាំងដាក់បន្ទុក និងដោះបន្ទុក»។
យ៉ាងនេះក្តីលោកថាលោកនឹងដាក់បណ្តឹងស្នើសុំឱ្យកូនក្តីរបស់លោកបាននៅក្រៅឃុំបណ្តោះអាសន្ននៅសប្តាហ៍ក្រោយ៕ PS
រាយការណ៍បន្ថែមដោយ ឡាយ សាមាន