VAYO, ដោយ៖ លាង ធីតា 21-05-2016
សម្ដេច ហ៊ុន សែនបានបញ្ជាក់ថា នេះជាមោទនៈភាពរបស់ កម្ពុជាដែលមានមិត្តមហាអំណាចដ៏ល្អប្រកបដោយភាពស្មោះត្រង់ដូច ជារុស្ស៊ី ដែលបានជួយកម្ពុជាតាំងពេលមុនរហូតមកដល់ពេលនេះ ជាពិសេសជួយបណ្តុះបណ្តាលធនធានមនុស្សដល់កម្ពុជា។ ការនិយាយបែបនេះ ធ្វើឡើងក្រោយពីបញ្ចប់កិច្ចប្រជុំកំពូលអាស៊ាន-រុស្ស៊ី នៅទីក្រុងSochi។ សម្ដេចបានបញ្ជាក់ថា សម្ដេចបានចូលរួមកិច្ចប្រជុំកំពូលថ្នាក់ដឹកនាំអាស៊ាននិងរុស្ស៊ីជាមួយតំណាងធុរកិច្ចជា ច្រើនរូប និងបានពិសារអាហារថ្ងៃត្រង់ការងារជាមួយប្រមុខដឹកនាំអាស៊ាន និងរុស្ស៊ីនៅ Radisson Blu Resort and Congress Center។
ក្នុងកិច្ចប្រជុំកំពូលអាស៊ាន-រុស្ស៊ី នៅទីក្រុងSochi បានបញ្ចប់ប្រកបដោយជោគជ័យយ៉ាង។ ជាក់ស្ដែង ប្រទេសទាំងអស់បានប្តេជ្ញាពង្រឹងមិត្តភាព និងសហប្រតិបត្តិការជាមួយសហព័ន្ឋរុស្ស៊ី ដើម្បីសន្តិភាពក្នុងតំបន់ និងក្នុងពិភពលោក រួមទាំងការពង្រីកវិស័យពាណិជ្ជកម្មផងដែរ។ សួមបញ្ជាក់ថា សម្ដេចហ៊ុន សែននឹងដឹកនំាគណៈប្រតិភូ មកហេតុភូមិវិញ ក្រោយបញ្ចប់កិច្ចប្រជុំកំពូលអាស៊ានជាស្ថាពរ៕