VAYO, ដោយ៖ អឿន ភារ៉ា 20-05-2016
សម្តេចស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេចឱ្យមន្ត្រីនគរបាលជាន់ខ្ពស់ក្រសួងមហាផ្ទៃ ចំនួន២៧រូបចូលនិវត្តន៍ ដែលក្នុងនោះ រួមមានទាំងនាយឧត្តមសេនីយ៍ខៀវ សុភ័គ អ្នកនាំពាក្យក្រសួងមហាផ្ទៃ និងនាយឧត្តមសេនីយ៍ ចាន់ អ៊ាន អគ្គស្នងការរងនគរបាលជាតិ ក៏ត្រូវចូលនិវត្តន៍ដែរ។
ក្នុងលិខិតចុះថ្ងៃទី១៦ ខែឧសភា ឆ្នាំ២០១៦ ដែលសារព័ត៌មានទើបទទួលបាននៅថ្ងៃនេះ បានឱ្យដឹងថា សម្តេចស ខេង បានស្នើឲ្យសម្តេចនាយករដ្ឋមន្ត្រីហ៊ុន សែន ពិនិត្យឈ្មោះឧត្តមសេនីយ៍ចំនួន២៤រូប និងនាយឧត្តមសេនីយ៍៣រូប ដោយថា អ្នកទាំងនោះដល់អាយុចូលនិវត្តន៍តាមច្បាប់កំណត់៕
