Image may be NSFW.
Clik here to view.
ឡាយ សាមាន ភ្នំពេញ ប៉ុស្តិ៍ Tue, 24 May 2016
ភ្នំពេញៈ ក្រសួងមហាផ្ទៃបានកោះហៅសកម្មជនដីធ្លីនៅសហគមន៍បឹងកក់ចំនួន ១០ នាក់ឱ្យទៅបំភ្លឺនៅថ្ងៃទី ២៥ ខែឧសភាក្នុងនាមជាដើមបណ្តឹងក្នុងសំណុំរឿងចាស់កាលពីឆ្នាំ ២០១៣ ស្របពេលដែលសកម្មជនដីធ្លីទាំងនេះកំពុងបន្តធ្វើយុទ្ធនាការស្លៀកពាក់ខ្មៅរៀងរាល់ថ្ងៃចន្ទដើម្បីទាមទារឲ្យមានការដោះលែងមន្ត្រីសិទ្ធិមនុស្ស និងមន្ត្រី គជប ៥ រូបដែលត្រូវបានចាប់ឃុំខ្លួនក្នុងសំណុំរឿងនាង ស្រីមុំ ដែលត្រូវគេអះអាងថាជាស្រីកំណាន់របស់លោក កឹម សុខា ប្រធានស្តីទីគណបក្សសង្គ្រោះជាតិ។
កាលពីព្រលប់ម្សិលមិញកម្លាំងសមត្ថកិច្ចប្រមាណជា ១០០ នាក់បានសម្រុកចូលទៅបំបែកការរៀបចំពិធីបួងសួងដោយស្លៀកពាក់ខ្មៅរបស់សកម្មជនដីធ្លីនៅក្នុងផ្ទះប្រជាសហគមន៍មួយនៅក្នុងតំបន់បឹងកក់ធ្វើឲ្យមានការប្រតាយប្រតប់គ្នាមួយប្រាវបណ្តាលឲ្យស្ត្រីចំណាស់ម្នាក់រងរបួសត្រូវបញ្ជូនទៅមន្ទីរពេទ្យប៉ុន្តែមិនមានការចាប់ឃាត់ខ្លួនដូចកាលពីថ្ងៃចន្ទមុនៗទេ។
កាលពីថ្ងៃទី ២២ ខែកញ្ញា ឆ្នាំ ២០១៣ ក្រុមអ្នកភូមិបឹងកក់ និងបុរីកីឡាជាង ១០ នាក់បាននាំគ្នាទៅធ្វើកូដកម្មបង្អត់អាហារនៅឯរមណីយដ្ឋានវត្តភ្នំក្នុងគោលបំណងបួងសួងសុំឲ្យវិញ្ញាណស័ក្ដិសិទ្ធិដែលថែរក្សានៅក្នុងតំបន់នេះជួយសណ្ដំចិត្តមន្ត្រីអាជ្ញាធរគ្រប់ជាន់ថ្នាក់ឲ្យពន្លឿនការដោះស្រាយបញ្ហាវិវាទដីធ្លី និងលំនៅឋានរបស់ពួកគាត់ឲ្យបានឆាប់រហ័ស និងសណ្តំចិត្តមន្ត្រីតុលាការគ្រប់លំដាប់ថ្នាក់ឲ្យលើកលែងការចោទប្រកាន់ និងដោះលែងសកម្មជនដីធ្លីអ្នកស្រី យ៉ោម បុប្ផា ដើម្បីឲ្យគាត់មានសេរីភាព។
Image may be NSFW.
Clik here to view.
ប៉ុន្តែនៅវេលាម៉ោងប្រមាណជា ១០ យប់គេសង្កេតឃើញក្រុមសមត្ថកិច្ចជាច្រើនរយនាក់ និងជនស្លៀកស៊ីវិលបានប្រើហិង្សាទៅលើពួកគេដោយខ្លះបានប្រើចម្ពាមកៅស៊ូបាញ់ទៅលើអ្នកធ្វើពិធីទាំងនោះបណ្តាលឱ្យអ្នកខ្លះរបួសដៃ ជើង ខ្លួន និងក្បាល។
ក្រោយមកពួកគេបានដាក់ពាក្យប្តឹងទៅតុលាការឱ្យវែកមុខរកអ្នកប្រើហិង្សាដោយបានភ្ជាប់នូវរូបថតជនដៃដល់ និងបន្ទះស៊ីឌី វីដេអូសកម្មភាពនាពេលបង្ក្រាបនោះ។ ប៉ុន្តែចាប់តាំងពីដាក់ពាក្យប្តឹងមកគេមិនដែលឃើញតុលាការចាត់នីតិវិធីលើសំណុំរឿងនេះទេ។
អនុប្រធាននាយកដ្ឋានព្រហ្មទណ្ឌកម្រិតធ្ងន់នៃក្រសួងមហាផ្ទៃលោក អ៊ីវ រិទ្ធ ប្រាប់ភ្នំពេញប៉ុស្តិ៍ថាលោកបានបញ្ជូនលិខិតកោះហៅដើមបណ្តឹងចំនួន ១១ នាក់រួចរាល់ហើយដើម្បីសាកសួរបន្ថែមលើបណ្តឹងរបស់ពួកគេ និងឈានទៅចំណាត់ការបន្ទាប់។
លោកថា៖ «ឯកសារទើបធ្លាក់មកទើបខ្ញុំមានចំណាត់ការជូនគាត់អ៊ីចឹងរាល់ឯកសារដែលយើងកសាងសំណុំរឿងទាល់តែខាងគាត់មកបំភ្លឺនៅខាងខ្ញុំសិនក្នុងនាមជាដើមបណ្តឹងបើអត់មានឯកសារដើមបណ្តឹងយើងមិនដឹងមានចំណាត់ការតាមវិធីណាទេ»។
តែលោកថាបើសិនជាអ្នកដែលមានឈ្មោះត្រូវបានកោះហៅមិនបានចូលនៅថ្ងៃទី ២៥ ខែឧសភាទេអាចពន្យារបានទៅពេលក្រោយ។
លោកថា មូលហេតុដែលក្រសួងមហាផ្ទៃទើបតែកោះហៅនាពេលនេះដោយសារទើបតែទទួលបានរបាយការណ៍ពីតុលាការ។
លោកថា៖ «ពួកគាត់បានប្តឹងទៅតុលាការមិនបានប្តឹងមកខាងខ្ញុំទេអ៊ីចឹងពេលស្ថាប័នខាងនោះកសាងសំណុំរឿងហើយគាត់ឱ្យខាងខ្ញុំកសាងសំណុំរឿងបន្ថែមពីលើទៀតវាមិនជាបញ្ហាដែលធ្វើពេលនេះទេសំខាន់យើងមានឆន្ទៈក្នុងការធ្វើ»។
ស្រី្តសកម្មជនដីធ្លីម្នាក់ក្នុងចំណោម ១១ នាក់អ្នកស្រី ផាន់ ឈុនរ៉េត ដែលជនមិនស្គាល់មុខប្រើចម្ពារកៅស៊ូបាញ់ចំក្បាលរបួស ៥ ថ្នេរកាលពីពេលនោះថ្លែងថាអ្នកស្រីនឹងទៅចូលបំភ្លឺនៅក្រសួងមហាផ្ទៃដើម្បីចង់ដឹងចង់ឮថាបណ្តឹងនោះបានដំណើរការដល់ណាហើយខណៈអ្នកស្រីយល់ថាចំណាត់របស់ក្រសួងមហាផ្ទៃមានការយឺតយ៉ាវ។
អ្នកស្រីថា៖ «ក្រសួងហាក់បីដូចជាមិនយកចិត្តទុកដាក់ចំពោះពួកខ្ញុំសោះខ្ញុំបានប្តឹងដល់ ៣ ឆ្នាំហើយអត់មានដំណើរការសោះទើបតែនឹកឃើញអីកោះហៅយើងពេលហ្នឹងខ្ញុំដូចឆ្ងល់ដែរ»។
យ៉ាងនេះក្តី អ្នកស្រីពុំមានជំនឿថាក្រសួងនឹងរកឃើញជនដៃដល់ដែលបានប្រើអំពើ ហិង្សាមកលើពួកអ្នកស្រីនោះទេ។ អ្នកស្រី៖ «ខ្ញុំគ្មានជំនឿទេសុទ្ធតែបក្ខពួកគេជាក្រុមតែមួយ»។
តំណាង សកម្មជនដីធ្លីនៅតំបន់បឹងកក់អ្នកស្រី ទេព វន្នី ថ្លែងថាអ្នកស្រីនឹងឃ្លាំមើលករណីនេះហើយត្រៀមរំឭកព្រឹត្តិការណ៍ នោះឡើងវិញ។
Image may be NSFW.
Clik here to view.
អ្នកស្រីថា៖ «ពេលទៅហ្នឹងពួកយើងធ្វើយុទ្ធសាស្រ្តមួយល្អដែលអ៊ីចឹងអ្នកណាបែកក្បាលប៉ុន្មានថ្នេរត្រូវយកថ្នាំក្រហមដាក់ស្នាមឈាមលើក្បាលអ្នកណាបាក់ដៃ រុំស្បង់ដៃព្រោះឥឡូវបីឆ្នាំហើយក្រសួងមហាផ្ទៃគិតថាយើងបាត់ការឈឺចាប់អស់តែយើងឈឺចាប់ក្នុងចិត្តរហូតអ៊ីចឹងធ្វើបែបនេះដើម្បីរំឭកឱ្យក្រសួងមហាផ្ទៃបានដឹង»។
ចំណាត់ការនេះស្របពេលដែលក្រុមស្ត្រីសកម្មជនដីធ្លីផ្សេងៗគ្នាបានកំពុងបន្តធ្វើយុទ្ធនាការស្លៀកពាក់ខ្មៅរៀងរាល់ថ្ងៃចន្ទដើម្បីបង្ហាញពីការខកចិត្ត និងជំរុញទៅរដ្ឋាភិបាលឱ្យដោះលែងមន្ត្រីសិទ្ធិមនុស្សអង្គការអាដហុក ៤ រូប និងមន្ត្រី គជប ១ រូបដែលត្រូវបានតុលាការធ្វើការចោទប្រកាន់ពីបទសូកប៉ាន់សាក្សី និងផ្សំគំនិតសូកប៉ាន់សាក្សីហើយបញ្ជូនទៅឃុំខ្លួននៅពន្ធនាគារកាលពីថ្ងៃទី ២ ខែឧសភាពាក់ព័ន្ធនឹងសំណុំរឿងរបស់នាង ស្រី មុំ ដែលត្រូវបានគេអះអាងថាជាស្រីកំណាន់របស់លោក កឹម សុខា។
អ្នកស្រី ទេព វន្នី ថ្លែងថាកាលពីម្សិលមិញពួកអ្នកស្រីក្នុងភូមិបឹងកក់ និងអ្នករងគ្រោះដីធ្លីនៅសហគមន៍ផ្សេងទៀតប្រមាណ ១០០ នាក់បានស្លៀកខ្មៅ និងចូលរួមប្រារព្ធពិធីនៅក្នុងសហគមន៍របស់អ្នកស្រី។
អ្នកស្រីថ្លែងថា៖ «ក្នុងសប្តាហ៍នេះយើងធ្វើខុសពីសប្តាហ៍មុនពីមុនយើងធ្វើពេលព្រឹកតែពេលនេះយើងជួបជុំគ្នាម៉ោង ៥ ល្ងាចបញ្ចប់វិញម៉ោង ៧ យប់ដោយមានគ្នា ១០០ នាក់ចូលរួមស្លៀកពាក់ខ្មៅដោយមានរៀបចំផ្កាឈូក ទៀន លើកបដា ទាមទារឲ្យដោះលែងអ្នកទាំង ៥ ក្នុងនោះយើងក៏ច្រៀងចម្រៀងសុំយុត្តិធម៌ និងមានការគោះស្គរជាដើម»។
អ្នកស្រីបន្តថា៖ «ពួកខ្ញុំគ្មានការភ័យខ្លាចទេដោយសារពួកខ្ញុំមិនបានធ្វើបដិវត្តន៍ពណ៌ ពាក់អាវខ្មៅផ្តួលរំលំរដ្ឋាភិបាលអីទេហើយក៏មិនបានបង្កចលាចលឱ្យមានអស្ថិរភាពក្នុងសង្គមដែរអ៊ីចឹងរដ្ឋាភិបាលគាត់គំរាមតែអ្នកពាក់អាវខ្មៅធ្វើបដិវត្តន៍ប៉ុណ្ណោះតែយើងពាក់ខ្មៅគ្រាន់តែផ្ញើសារឱ្យរដ្ឋាភិបាលបញ្ឈប់ការរំលោភសិទ្ធិមនុស្ស»។
អ្នកស្រី ទេព វន្នី បានឲ្យដឹងថាខណៈពេលដែលសកម្មជនដីធ្លីកំពុងរៀបចំពិធីក្នុងលំនៅឋានមួយសមត្ថកិច្ចប្រមាណ ១០០ នាក់បានចូលទៅរារាំងមិនឲ្យរៀបចំពិធីដោយជាន់កម្ទេចផ្កាឈូក និងគ្រឿងសក្ការបូជាផ្សេងទៀតយកទៅគ្រវែងចោលធ្វើឲ្យមានការប្រតាយប្រតប់គ្នាបណ្តាលឲ្យស្រ្តីចំណាស់ម្នាក់គឺអ្នកស្រី ង៉ែត ឃុន រងរបួសហើយត្រូវបានក្រុមសកម្មជនបញ្ជូនទៅមន្ទីរពេទ្យ។
កាលពីម្សិលមិញនេះដែរមន្រ្តីអង្គការសង្គមស៊ីវិលជាច្រើនដែលកំពុងធ្វើការបម្រើសង្គមក៏បានស្លៀកពាក់ខ្មៅនៅតាមកន្លែងធ្វើការរបស់ខ្លួនហើយបានបង្ហោះលើបណ្តាញសង្គមរបស់ខ្លួនផងដែរជាមួយ និងសារទាមទារឲ្យដោះលែងមន្ត្រីសិទ្ធិមនុស្ស និងមន្ត្រី គជប ទាំង ៥ រូបដែលពួកគេថាត្រូវបានចាប់ឃុំ «ទាំងអយុត្តិធម៌»។
លោកនាយករដ្ឋមន្ត្រី ហ៊ុន សែន កាលពីពេលថ្មីៗនេះបានបញ្ជាឲ្យអាជ្ញាធរគ្រប់ជាន់ថ្នាក់ត្រៀមធ្វើការបង្រ្កាបនូវរាល់សកម្មភាពប្រមូលផ្តុំគ្នាទាំងឡាយណាដែលលោកចាត់ទុកថាមានចរិតជាការធ្វើបដិវត្តន៍ពណ៌ដែលអាចបង្កឲ្យមានភាពអសន្តិសុខ និងអស្ថិរភាពនៅក្នុងប្រទេស។
ប៉ុន្តែយ៉ាងណាក៏ដោយសកម្មជនដីធ្លីនៅក្នុងរាជធានីភ្នំពេញនៅតែបន្តធ្វើយុទ្ធនាការថ្ងៃចន្ទពណ៌ខ្មៅនៅរៀងរាល់ថ្ងៃចន្ទដោយពួកគេអះអាងថា ពួកគេគ្រាន់តែធ្វើការសម្តែងមតិដោយសន្តិវិធី ដើម្បីទាមទារឲ្យដោះលែងមន្ត្រីសិទ្ធិមនុស្ស និងមន្ត្រី គជប ចំនួន ៥ រូបដែលត្រូវបានចាប់ឃុំខ្លួនប៉ុណ្ណោះមិនមែនជាការធ្វើបដិវត្តន៍ពណ៌ទេហើយនៅតែបន្តធ្វើយុទ្ធនាការនេះនៅរៀងរាល់ថ្ងៃចន្ទរហូតទាល់តែមានការដោះលែងមន្ត្រីទាំងនោះពីពន្ធនាគារ ខណៈដែលមន្ត្រីអង្គការសង្គមស៊ីវិលជាច្រើនបានប្រកាសពីការនៅតែបន្តស្លៀកពាក់ខ្មៅនៅកន្លែងធ្វើការនៅរៀងរាល់ថ្ងៃចន្ទក្នុងគោលបំណងដូចគ្នានេះ៕
Clik here to view.
ឡាយ សាមាន ភ្នំពេញ ប៉ុស្តិ៍ Tue, 24 May 2016
ភ្នំពេញៈ ក្រសួងមហាផ្ទៃបានកោះហៅសកម្មជនដីធ្លីនៅសហគមន៍បឹងកក់ចំនួន ១០ នាក់ឱ្យទៅបំភ្លឺនៅថ្ងៃទី ២៥ ខែឧសភាក្នុងនាមជាដើមបណ្តឹងក្នុងសំណុំរឿងចាស់កាលពីឆ្នាំ ២០១៣ ស្របពេលដែលសកម្មជនដីធ្លីទាំងនេះកំពុងបន្តធ្វើយុទ្ធនាការស្លៀកពាក់ខ្មៅរៀងរាល់ថ្ងៃចន្ទដើម្បីទាមទារឲ្យមានការដោះលែងមន្ត្រីសិទ្ធិមនុស្ស និងមន្ត្រី គជប ៥ រូបដែលត្រូវបានចាប់ឃុំខ្លួនក្នុងសំណុំរឿងនាង ស្រីមុំ ដែលត្រូវគេអះអាងថាជាស្រីកំណាន់របស់លោក កឹម សុខា ប្រធានស្តីទីគណបក្សសង្គ្រោះជាតិ។
កាលពីព្រលប់ម្សិលមិញកម្លាំងសមត្ថកិច្ចប្រមាណជា ១០០ នាក់បានសម្រុកចូលទៅបំបែកការរៀបចំពិធីបួងសួងដោយស្លៀកពាក់ខ្មៅរបស់សកម្មជនដីធ្លីនៅក្នុងផ្ទះប្រជាសហគមន៍មួយនៅក្នុងតំបន់បឹងកក់ធ្វើឲ្យមានការប្រតាយប្រតប់គ្នាមួយប្រាវបណ្តាលឲ្យស្ត្រីចំណាស់ម្នាក់រងរបួសត្រូវបញ្ជូនទៅមន្ទីរពេទ្យប៉ុន្តែមិនមានការចាប់ឃាត់ខ្លួនដូចកាលពីថ្ងៃចន្ទមុនៗទេ។
កាលពីថ្ងៃទី ២២ ខែកញ្ញា ឆ្នាំ ២០១៣ ក្រុមអ្នកភូមិបឹងកក់ និងបុរីកីឡាជាង ១០ នាក់បាននាំគ្នាទៅធ្វើកូដកម្មបង្អត់អាហារនៅឯរមណីយដ្ឋានវត្តភ្នំក្នុងគោលបំណងបួងសួងសុំឲ្យវិញ្ញាណស័ក្ដិសិទ្ធិដែលថែរក្សានៅក្នុងតំបន់នេះជួយសណ្ដំចិត្តមន្ត្រីអាជ្ញាធរគ្រប់ជាន់ថ្នាក់ឲ្យពន្លឿនការដោះស្រាយបញ្ហាវិវាទដីធ្លី និងលំនៅឋានរបស់ពួកគាត់ឲ្យបានឆាប់រហ័ស និងសណ្តំចិត្តមន្ត្រីតុលាការគ្រប់លំដាប់ថ្នាក់ឲ្យលើកលែងការចោទប្រកាន់ និងដោះលែងសកម្មជនដីធ្លីអ្នកស្រី យ៉ោម បុប្ផា ដើម្បីឲ្យគាត់មានសេរីភាព។
Image may be NSFW.
Clik here to view.
ប៉ុន្តែនៅវេលាម៉ោងប្រមាណជា ១០ យប់គេសង្កេតឃើញក្រុមសមត្ថកិច្ចជាច្រើនរយនាក់ និងជនស្លៀកស៊ីវិលបានប្រើហិង្សាទៅលើពួកគេដោយខ្លះបានប្រើចម្ពាមកៅស៊ូបាញ់ទៅលើអ្នកធ្វើពិធីទាំងនោះបណ្តាលឱ្យអ្នកខ្លះរបួសដៃ ជើង ខ្លួន និងក្បាល។
ក្រោយមកពួកគេបានដាក់ពាក្យប្តឹងទៅតុលាការឱ្យវែកមុខរកអ្នកប្រើហិង្សាដោយបានភ្ជាប់នូវរូបថតជនដៃដល់ និងបន្ទះស៊ីឌី វីដេអូសកម្មភាពនាពេលបង្ក្រាបនោះ។ ប៉ុន្តែចាប់តាំងពីដាក់ពាក្យប្តឹងមកគេមិនដែលឃើញតុលាការចាត់នីតិវិធីលើសំណុំរឿងនេះទេ។
អនុប្រធាននាយកដ្ឋានព្រហ្មទណ្ឌកម្រិតធ្ងន់នៃក្រសួងមហាផ្ទៃលោក អ៊ីវ រិទ្ធ ប្រាប់ភ្នំពេញប៉ុស្តិ៍ថាលោកបានបញ្ជូនលិខិតកោះហៅដើមបណ្តឹងចំនួន ១១ នាក់រួចរាល់ហើយដើម្បីសាកសួរបន្ថែមលើបណ្តឹងរបស់ពួកគេ និងឈានទៅចំណាត់ការបន្ទាប់។
លោកថា៖ «ឯកសារទើបធ្លាក់មកទើបខ្ញុំមានចំណាត់ការជូនគាត់អ៊ីចឹងរាល់ឯកសារដែលយើងកសាងសំណុំរឿងទាល់តែខាងគាត់មកបំភ្លឺនៅខាងខ្ញុំសិនក្នុងនាមជាដើមបណ្តឹងបើអត់មានឯកសារដើមបណ្តឹងយើងមិនដឹងមានចំណាត់ការតាមវិធីណាទេ»។
តែលោកថាបើសិនជាអ្នកដែលមានឈ្មោះត្រូវបានកោះហៅមិនបានចូលនៅថ្ងៃទី ២៥ ខែឧសភាទេអាចពន្យារបានទៅពេលក្រោយ។
លោកថា មូលហេតុដែលក្រសួងមហាផ្ទៃទើបតែកោះហៅនាពេលនេះដោយសារទើបតែទទួលបានរបាយការណ៍ពីតុលាការ។
លោកថា៖ «ពួកគាត់បានប្តឹងទៅតុលាការមិនបានប្តឹងមកខាងខ្ញុំទេអ៊ីចឹងពេលស្ថាប័នខាងនោះកសាងសំណុំរឿងហើយគាត់ឱ្យខាងខ្ញុំកសាងសំណុំរឿងបន្ថែមពីលើទៀតវាមិនជាបញ្ហាដែលធ្វើពេលនេះទេសំខាន់យើងមានឆន្ទៈក្នុងការធ្វើ»។
ស្រី្តសកម្មជនដីធ្លីម្នាក់ក្នុងចំណោម ១១ នាក់អ្នកស្រី ផាន់ ឈុនរ៉េត ដែលជនមិនស្គាល់មុខប្រើចម្ពារកៅស៊ូបាញ់ចំក្បាលរបួស ៥ ថ្នេរកាលពីពេលនោះថ្លែងថាអ្នកស្រីនឹងទៅចូលបំភ្លឺនៅក្រសួងមហាផ្ទៃដើម្បីចង់ដឹងចង់ឮថាបណ្តឹងនោះបានដំណើរការដល់ណាហើយខណៈអ្នកស្រីយល់ថាចំណាត់របស់ក្រសួងមហាផ្ទៃមានការយឺតយ៉ាវ។
អ្នកស្រីថា៖ «ក្រសួងហាក់បីដូចជាមិនយកចិត្តទុកដាក់ចំពោះពួកខ្ញុំសោះខ្ញុំបានប្តឹងដល់ ៣ ឆ្នាំហើយអត់មានដំណើរការសោះទើបតែនឹកឃើញអីកោះហៅយើងពេលហ្នឹងខ្ញុំដូចឆ្ងល់ដែរ»។
យ៉ាងនេះក្តី អ្នកស្រីពុំមានជំនឿថាក្រសួងនឹងរកឃើញជនដៃដល់ដែលបានប្រើអំពើ ហិង្សាមកលើពួកអ្នកស្រីនោះទេ។ អ្នកស្រី៖ «ខ្ញុំគ្មានជំនឿទេសុទ្ធតែបក្ខពួកគេជាក្រុមតែមួយ»។
តំណាង សកម្មជនដីធ្លីនៅតំបន់បឹងកក់អ្នកស្រី ទេព វន្នី ថ្លែងថាអ្នកស្រីនឹងឃ្លាំមើលករណីនេះហើយត្រៀមរំឭកព្រឹត្តិការណ៍ នោះឡើងវិញ។
Image may be NSFW.
Clik here to view.
អ្នកស្រីថា៖ «ពេលទៅហ្នឹងពួកយើងធ្វើយុទ្ធសាស្រ្តមួយល្អដែលអ៊ីចឹងអ្នកណាបែកក្បាលប៉ុន្មានថ្នេរត្រូវយកថ្នាំក្រហមដាក់ស្នាមឈាមលើក្បាលអ្នកណាបាក់ដៃ រុំស្បង់ដៃព្រោះឥឡូវបីឆ្នាំហើយក្រសួងមហាផ្ទៃគិតថាយើងបាត់ការឈឺចាប់អស់តែយើងឈឺចាប់ក្នុងចិត្តរហូតអ៊ីចឹងធ្វើបែបនេះដើម្បីរំឭកឱ្យក្រសួងមហាផ្ទៃបានដឹង»។
ចំណាត់ការនេះស្របពេលដែលក្រុមស្ត្រីសកម្មជនដីធ្លីផ្សេងៗគ្នាបានកំពុងបន្តធ្វើយុទ្ធនាការស្លៀកពាក់ខ្មៅរៀងរាល់ថ្ងៃចន្ទដើម្បីបង្ហាញពីការខកចិត្ត និងជំរុញទៅរដ្ឋាភិបាលឱ្យដោះលែងមន្ត្រីសិទ្ធិមនុស្សអង្គការអាដហុក ៤ រូប និងមន្ត្រី គជប ១ រូបដែលត្រូវបានតុលាការធ្វើការចោទប្រកាន់ពីបទសូកប៉ាន់សាក្សី និងផ្សំគំនិតសូកប៉ាន់សាក្សីហើយបញ្ជូនទៅឃុំខ្លួននៅពន្ធនាគារកាលពីថ្ងៃទី ២ ខែឧសភាពាក់ព័ន្ធនឹងសំណុំរឿងរបស់នាង ស្រី មុំ ដែលត្រូវបានគេអះអាងថាជាស្រីកំណាន់របស់លោក កឹម សុខា។
អ្នកស្រី ទេព វន្នី ថ្លែងថាកាលពីម្សិលមិញពួកអ្នកស្រីក្នុងភូមិបឹងកក់ និងអ្នករងគ្រោះដីធ្លីនៅសហគមន៍ផ្សេងទៀតប្រមាណ ១០០ នាក់បានស្លៀកខ្មៅ និងចូលរួមប្រារព្ធពិធីនៅក្នុងសហគមន៍របស់អ្នកស្រី។
អ្នកស្រីថ្លែងថា៖ «ក្នុងសប្តាហ៍នេះយើងធ្វើខុសពីសប្តាហ៍មុនពីមុនយើងធ្វើពេលព្រឹកតែពេលនេះយើងជួបជុំគ្នាម៉ោង ៥ ល្ងាចបញ្ចប់វិញម៉ោង ៧ យប់ដោយមានគ្នា ១០០ នាក់ចូលរួមស្លៀកពាក់ខ្មៅដោយមានរៀបចំផ្កាឈូក ទៀន លើកបដា ទាមទារឲ្យដោះលែងអ្នកទាំង ៥ ក្នុងនោះយើងក៏ច្រៀងចម្រៀងសុំយុត្តិធម៌ និងមានការគោះស្គរជាដើម»។
អ្នកស្រីបន្តថា៖ «ពួកខ្ញុំគ្មានការភ័យខ្លាចទេដោយសារពួកខ្ញុំមិនបានធ្វើបដិវត្តន៍ពណ៌ ពាក់អាវខ្មៅផ្តួលរំលំរដ្ឋាភិបាលអីទេហើយក៏មិនបានបង្កចលាចលឱ្យមានអស្ថិរភាពក្នុងសង្គមដែរអ៊ីចឹងរដ្ឋាភិបាលគាត់គំរាមតែអ្នកពាក់អាវខ្មៅធ្វើបដិវត្តន៍ប៉ុណ្ណោះតែយើងពាក់ខ្មៅគ្រាន់តែផ្ញើសារឱ្យរដ្ឋាភិបាលបញ្ឈប់ការរំលោភសិទ្ធិមនុស្ស»។
អ្នកស្រី ទេព វន្នី បានឲ្យដឹងថាខណៈពេលដែលសកម្មជនដីធ្លីកំពុងរៀបចំពិធីក្នុងលំនៅឋានមួយសមត្ថកិច្ចប្រមាណ ១០០ នាក់បានចូលទៅរារាំងមិនឲ្យរៀបចំពិធីដោយជាន់កម្ទេចផ្កាឈូក និងគ្រឿងសក្ការបូជាផ្សេងទៀតយកទៅគ្រវែងចោលធ្វើឲ្យមានការប្រតាយប្រតប់គ្នាបណ្តាលឲ្យស្រ្តីចំណាស់ម្នាក់គឺអ្នកស្រី ង៉ែត ឃុន រងរបួសហើយត្រូវបានក្រុមសកម្មជនបញ្ជូនទៅមន្ទីរពេទ្យ។
កាលពីម្សិលមិញនេះដែរមន្រ្តីអង្គការសង្គមស៊ីវិលជាច្រើនដែលកំពុងធ្វើការបម្រើសង្គមក៏បានស្លៀកពាក់ខ្មៅនៅតាមកន្លែងធ្វើការរបស់ខ្លួនហើយបានបង្ហោះលើបណ្តាញសង្គមរបស់ខ្លួនផងដែរជាមួយ និងសារទាមទារឲ្យដោះលែងមន្ត្រីសិទ្ធិមនុស្ស និងមន្ត្រី គជប ទាំង ៥ រូបដែលពួកគេថាត្រូវបានចាប់ឃុំ «ទាំងអយុត្តិធម៌»។
លោកនាយករដ្ឋមន្ត្រី ហ៊ុន សែន កាលពីពេលថ្មីៗនេះបានបញ្ជាឲ្យអាជ្ញាធរគ្រប់ជាន់ថ្នាក់ត្រៀមធ្វើការបង្រ្កាបនូវរាល់សកម្មភាពប្រមូលផ្តុំគ្នាទាំងឡាយណាដែលលោកចាត់ទុកថាមានចរិតជាការធ្វើបដិវត្តន៍ពណ៌ដែលអាចបង្កឲ្យមានភាពអសន្តិសុខ និងអស្ថិរភាពនៅក្នុងប្រទេស។
ប៉ុន្តែយ៉ាងណាក៏ដោយសកម្មជនដីធ្លីនៅក្នុងរាជធានីភ្នំពេញនៅតែបន្តធ្វើយុទ្ធនាការថ្ងៃចន្ទពណ៌ខ្មៅនៅរៀងរាល់ថ្ងៃចន្ទដោយពួកគេអះអាងថា ពួកគេគ្រាន់តែធ្វើការសម្តែងមតិដោយសន្តិវិធី ដើម្បីទាមទារឲ្យដោះលែងមន្ត្រីសិទ្ធិមនុស្ស និងមន្ត្រី គជប ចំនួន ៥ រូបដែលត្រូវបានចាប់ឃុំខ្លួនប៉ុណ្ណោះមិនមែនជាការធ្វើបដិវត្តន៍ពណ៌ទេហើយនៅតែបន្តធ្វើយុទ្ធនាការនេះនៅរៀងរាល់ថ្ងៃចន្ទរហូតទាល់តែមានការដោះលែងមន្ត្រីទាំងនោះពីពន្ធនាគារ ខណៈដែលមន្ត្រីអង្គការសង្គមស៊ីវិលជាច្រើនបានប្រកាសពីការនៅតែបន្តស្លៀកពាក់ខ្មៅនៅកន្លែងធ្វើការនៅរៀងរាល់ថ្ងៃចន្ទក្នុងគោលបំណងដូចគ្នានេះ៕