Image may be NSFW.
Clik here to view.
ដោយ ដែន អយុធ្យា RFA 2016-06-04
មន្ត្រីសង្គមស៊ីវិល និងប្រជាពលរដ្ឋខេត្តព្រះសីហនុ សាទរវិធានការក្តៅលើបញ្ហារំលោភដីធ្លីរបស់រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដែលព្រមានចាត់វិធានការទៅលើមន្ត្រី ឬបុគ្គលដែលឃុបឃិតរំលោភដីប្រជាពលរដ្ឋ ឬដីរដ្ឋធ្វើកម្មសិទ្ធិ បង្កើតឲ្យមានទំនាស់។
ទន្ទឹមគ្នានេះ ក៏ស្នើឲ្យថ្នាក់ដឹកនាំក្រសួងដែនដី ឲ្យកោះហៅមន្ត្រីមន្ទីរសុរិយោដីខេត្តព្រះសីហនុ មកឆ្លើយបំភ្លឺចំពោះការចេញប្លង់កម្មសិទ្ធិ នៅលើដីសាធារណៈរបស់រដ្ឋមានដីចំណីមាត់បឹង ឬអូរធម្មជាតិ និងដីព្រៃលិចទឹកជាដើម ជូនបុគ្គលឯកជន ឬឈ្មួញ ដោយអនុវត្តផ្ទុយពីរដ្ឋធម្មនុញ្ញកម្ពុជា។
អ្នកឃ្លាំមើលការអភិវឌ្ឍសង្គម និងក្រុមប្រជាពលរដ្ឋ ទទូចដល់លោក ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ឲ្យកោះហៅអតីតប្រធានមន្ទីរសុរិយោដីខេត្តព្រះសីហនុ លោក សូ សុខ និងលោក ហ៊ុន ភី ព្រមទាំងអនុប្រធានមន្ទីរស្ថាប័ននេះ ឈ្មោះ ស្រ៊ុន ម៉ាប់ មកឆ្លើយបំភ្លឺលើករណីចេញប្លង់កម្មសិទ្ធិលើដីសាធារណៈរបស់រដ្ឋ រួមមាន ដីផ្លូវក្រាលកៅស៊ូ ដែលជាស្នាព្រះហស្តអតីតព្រះមហាក្សត្រសម្ដេចព្រះ នរោត្តម សីហនុ ដីចំណីមាត់បឹងព្រែកទប់ ដីមាត់បឹងកង្កែប និងដីព្រៃលិចទឹក ឬព្រៃកោងកាង ទៅឲ្យបុគ្គលឯកជនធ្វើកម្មសិទ្ធិដោយអនុវត្តផ្ទុយពីរដ្ឋធម្មនុញ្ញ។
មន្ត្រីសម្របសម្រួលអង្គការលីកាដូ (LICADHO) ខេត្តព្រះសីហនុ លោក ប៊ួន ណារិទ្ធិ បង្ហាញកង្វល់ចំពោះការចេញប័ណ្ណកម្មសិទ្ធិទៅលើដីសាធារណៈរបស់រដ្ឋ មានដីចំណីឆ្នេរសមុទ្រ ដីភ្នំ កោះ ដីព្រៃលិចទឹក និងដីបឹងអូរធម្មជាតិជាដើម ផ្ដើមដោយអតីតប្រធានមន្ទីរសុរិយោដី និងអនុប្រធានមន្ទីរសុរិយោដី ខេត្តព្រះសីហនុ ដែលបច្ចុប្បន្នទទួលបានតួនាទីនៅស្ថាប័នរដ្ឋផ្សេងនាំឲ្យបាត់បង់ធនធានធម្មជាតិនាមូលដ្ឋាននេះ។
មន្ត្រីសិទ្ធិមនុស្សរូបនេះ ស្នើដល់លោក ជា សុផារ៉ា រដ្ឋមន្ត្រីក្រសួងរៀបចំដែនដីជួយកោះហៅអ្នកជាប់ពាក់ព័ន្ធចេញប្លង់កម្មសិទ្ធិទៅលើដីសាធារណៈរបស់រដ្ឋនាខេត្តព្រះសីហនុ មកឆ្លើយបំភ្លឺ ហើយបើរកឃើញកំហុសឆ្គង ថាពិតជាមានការឃុបឃិតខុសច្បាប់ពិតមែន ត្រូវតែផ្ដន្ទាទោស ឬដាក់ពិន័យឲ្យបានធ្ងន់ធ្ងរ៖ «ខ្ញុំស្នើឲ្យឯកឧត្ដម ជា សុផារ៉ា រដ្ឋមន្ត្រីក្រសួងរៀបចំដែនដីចុះមកពិនិត្យខេត្តព្រះសីហនុ ដោយសារតែខេត្តនេះកំពុងតែមានបញ្ហាបាត់បង់ដីព្រៃកោងកាង បាត់បង់ដីឆ្នេរសមុទ្រ និងបាត់បង់ដីបឹងអូរធម្មជាតិផ្សេងទៀត ដែលមន្ត្រីមានអំណាច ឬឈ្មួញខ្លះ បានឃុបឃិតគ្នាជាលក្ខណៈប្រព័ន្ធ តាមរយៈមន្ត្រីខិលខូចមួយចំនួន បម្រើការងារនៅមន្ទីរសុរិយោដី ខេត្តព្រះសីហនុ បានចេញប័ណ្ណកម្មសិទ្ធិចែកគ្នា និងលក់ដីរដ្ឋយ៉ាងអនាធិបតេយ្យ។ សូមលោក ជា សុផារ៉ា មេត្តាចាត់វិធានការ និងវែករកមុខមន្ត្រីខិលខូច ដើម្បីឈានដល់ចាត់វិធានការឲ្យបានសមស្របជាគំរូសម្រាប់ប្រជាពលរដ្ឋ ដែលពួកគាត់តែងតែគោរពច្បាប់ភូមិបាល និងច្បាប់ជាតិនានាបានខ្ជាប់ខ្ជួន»។
បញ្ហានេះដែរ ប្រជាពលរដ្ឋនៅស្រុកព្រៃនប់ ខេត្តព្រះសីហនុ ក៏បានទទូចដល់លោក ជា សុផារ៉ា រដ្ឋមន្ត្រីក្រសួងរៀបចំដែនដី ជួយអង្កេតទៅលើការងាររបស់អនុប្រធានមន្ទីរសុរិយោដី ខេត្តព្រះសីហនុ ក្នុងតំណែងបច្ចុប្បន្ន គឺលោក ស្រ៊ុន ម៉ាប់ ដែលកន្លងមកទទួលបន្ទុកការងារអភិរក្សសុរិយោដី ស្រុកព្រៃនប់ និងស្រុកស្ទឹងហាវ ថាតើអាចមានជាប់ពាក់ព័ន្ធការចេញប្លង់កម្មសិទ្ធិជូនបុគ្គលឯកជននៅលើដីព្រៃកោងកាង រាប់ពាន់ហិកតារ នៅឃុំទឹកថ្លៃ ស្រុកព្រៃនប់ ដែរ ឬយ៉ាងណា?
ត្រង់ចំណុចនេះ ក្រុមប្រជាពលរដ្ឋស្រុកព្រៃនប់ សំណូមពរថា ប្រសិនបើរកឃើញបុគ្គលឈ្មោះ ស្រ៊ុន ម៉ាប់ ពិតជាបានរួមចំណែកប្រព្រឹត្តិកំហុសឆ្គងក្នុងការចេញប្លង់កម្មសិទ្ធិ បំផ្លាញព្រៃកោងកាង ជម្រកត្រីសមុទ្របន្តពូជ ដូចការចោទពិតមែន សូមឲ្យលោក ជា សុផារ៉ា មានវិធានការតាមច្បាប់ ឬផ្លាស់ប្ដូរតួនាទីបុគ្គលដែលមានកំហុសឆ្គងដើម្បីជាការព្រមាន និងឈានដល់ការពារទ្រព្យសម្បត្តិរដ្ឋនៅថ្ងៃអនាគត។
លោក ស្រ៊ុន ម៉ាប់ មិនធ្វើអត្ថាធិប្បាយទៅលើការចោទរបស់ប្រជាពលរដ្ឋថា បែបណានៅឡើយទេ ដោយលោកនិយាយខ្លីថា កំពុងជាប់រវល់ប្រជុំ។ បច្ចុប្បន្ននេះ លោក ស្រ៊ុន ម៉ាប់ ត្រូវបានលោក នួន ប៉ុក ជាប្រធានមន្ទីរសុរិយោដីខេត្តព្រះសីហនុ ទើបទទួលតំណែងថ្មី ប្ដូរមកឲ្យទទួលបន្ទុកការងារអភិរក្ស និងជួយពិនិត្យតាមដានការងារនៅក្រុងព្រះសីហនុ និងស្រុកកំពង់សីលា ព្រមទាំងការងារចុះបញ្ជីដីរដ្ឋ និងការងារចុះបញ្ជីដីធ្លីមានលក្ខណៈជាប្រព័ន្ធដែលនៅសេសសល់។
ទាក់ទិនបញ្ហានេះ ប្រធានអង្គការស្រាវជ្រាវជាតិកម្ពុជា ហៅកាត់ស៊ីអិនរ៉ូ (CNRO) សាខាខេត្តព្រះសីហនុ លោក សុខ សុខុម ក៏ទទូចដល់លោក ជា សុផារ៉ា ឲ្យជួយពិនិត្យសកម្មភាពការងាររបស់មន្ត្រីមន្ទីរសុរិយោដី ខេត្តព្រះសីហនុ រូបណាខ្លះដែលជួយរត់ការឯកសារឈានដល់ចេញប្លង់កម្មសិទ្ធិទៅលើដីសាធារណៈរបស់រដ្ឋ ដែលរដ្ឋធម្មនុញ្ញកម្ពុជា បានហាមឃាត់។
លោក សុខ សុខុម គាំទ្រចំណាត់ការក្ដៅរបស់លោក ជា សុផារ៉ា ទៅលើមន្ត្រីរដ្ឋាភិបាល ឬអ្នកជាប់ពាក់ព័ន្ធការរំលោភដីសាធារណៈរបស់រដ្ឋ និងដីធ្លីប្រជាពលរដ្ឋ បង្កើតឲ្យមានទំនាស់ដីធ្លីកាលពីពេលថ្មីៗនេះ៖ «សូមស្នើឲ្យឯកឧត្ដម ជា សុផារ៉ា រដ្ឋមន្ត្រីក្រសួងដែនដី មេត្តាចាត់វិធានការទៅតាមផ្លូវច្បាប់ និងស្រាវជ្រាវ ឬពិនិត្យមើលទៅលើប័ណ្ណកម្មសិទ្ធិទាំងឡាយណាដែលពាក់ព័ន្ធដីតំបន់ឆ្នេរសមុទ្រ ឬប័ណ្ណកម្មសិទ្ធិ ដែលពាក់ព័ន្ធនឹងព្រៃលិចទឹក ត្រូវតែលើកយកមកពិនិត្យរកឲ្យឃើញមូលហេតុអ្វី ឬមន្ត្រីជាប់ពាក់ព័ន្ធនៅមន្ទីរសុរិយោដី អាចចេញប្លង់កម្មសិទ្ធិទាំងជូនឯកជន ហើយត្រូវរកឲ្យឃើញថា មន្ត្រីនៅថ្នាក់ណាខ្លះដែលហ៊ានយកដីសាធារណៈរបស់រដ្ឋមកចេញប័ណ្ណកម្មសិទ្ធិជូនបុគ្គលមួយចំនួននេះ។ សួរថា តើប័ណ្ណកម្មសិទ្ធិទាំងនោះគួរតែមានវិធានការបែបណា ឬមួយទុកឲ្យប័ណ្ណចេញខុសប្រក្រតីទាំងនោះឲ្យនៅស្របច្បាប់ ឬក៏ត្រូវលុបចោលប័ណ្ណទាំងនោះ ហើយរឹបអូសយកទ្រព្យសម្បត្តិរដ្ឋ ដែលត្រូវរំលោភដោយការឃុបឃិតរបស់មន្ត្រីខ្លះ នៅមន្ទីរសុរិយោដីខេត្តព្រះសីហនុ មកដាក់ឲ្យរដ្ឋគ្រប់គ្រង និងលើកស្ទួយវិស័យទេសចរណ៍ឡើងវិញ»។
មន្ត្រីសិទ្ធិមនុស្សរូបនេះក៏ស្នើឲ្យលោក ជា សុផារ៉ា កោះហៅលោក សូ សុខ លោក ហ៊ុន ភី អតីតប្រធានមន្ទីរសុរិយោដី ខេត្តព្រះសីហនុ និងអនុប្រធានមន្ទីរសុរិយោដី ខេត្តព្រះសីហនុ លោក ស្រ៊ុន ម៉ាប់ ព្រមទាំងអ្នកជាប់ពាក់ព័ន្ធផ្សេងទៀតមកឆ្លើយបំភ្លឺទៅលើការចេញប្លង់កម្មសិទ្ធិទៅលើដីសាធារណៈរបស់រដ្ឋ រួមមាន ដីផ្លូវក្រាលកៅស៊ូជាស្នាព្រះហស្តអតីតព្រះមហាក្សត្រនៅប្របឆ្នេរអូរឈើទាល ចំណីមាត់បឹងព្រែកទប់ ដីបឹងកង្កែប និងដីព្រៃលិចទឹកជាដើម នៅមូលដ្ឋានខេត្តព្រះសីហនុ ដើម្បីឈានទៅផ្ដន្ទាទោស និងរឹបអូសទ្រព្យសម្បត្តិទាំងនោះមករដ្ឋគ្រប់គ្រងវិញ៖ «បើសិនជាអាជ្ញាធរខេត្តព្រះសីហនុ បច្ចុប្បន្ននៅតែបណ្ដោយបុគ្គលនៅមន្ទីរសុរិយោដី និងមន្ត្រីពាក់ខ្លះបន្តធ្វើសកម្មល្មើសឃុបឃិតចេញប្លង់កម្មសិទ្ធិលើដីសាធារណៈរបស់រដ្ឋ មានដីព្រៃលិចទឹក ដីបឹងអូរធម្មជាតិ ដីតំបន់ឆ្នេរ ដីព្រៃភ្នំ ឬកោះជាដើម បន្តកើតមាន និងគ្មានការទប់ស្កាត់ទេ។ ខេត្តនេះនឹងត្រូវបាត់បង់ធនធានធម្មជាតិទាំងនេះធ្ងន់ធ្ងរថែមទៀត ហើយខេត្តព្រះសីហនុ ដែលជាខេត្តទេសចរណ៍ ប្រសិនបើបាត់បង់តំបន់ឆ្នេរដីគម្របព្រៃឈើ និងដីព្រៃកោងកាង ជាដើម នឹងប៉ះពាល់ដល់ចំនួនភ្ញៀវទេសចរចូលមកទស្សនាខេត្តនេះជាមិនខាននៅថ្ងៃអនាគត»។
ទាក់ទិនបញ្ហានេះ ប្រធានមន្ទីរសុរិយោដី ខេត្តព្រះសីហនុថ្មី លោក នួន ប៉ុក ហាក់មានការរារែកក្នុងការឆ្លើយបំភ្លឺទៅលើការចេញប្លង់កម្មសិទ្ធិនៅលើដីព្រៃលិចទឹក ដីចំណីបឹងអូរធម្មជាតិ និងចេញប្លង់កម្មសិទ្ធិទៅលើផ្លូវក្រាលកៅស៊ូជាស្នាព្រះហស្តអតីតព្រះមហាក្សត្រនៅប្របឆ្នេរអូរឈើទាល ចេញប្លង់ដោយអតីតប្រធានមន្ទីរសុរិយោដី និងមន្ត្រីជាប់ពាក់ព័ន្ធដទៃទៀតទេ ដោយនិយាយខ្លីថា ទើបមកទទួលតំណែងថ្មី ក្ដាប់មិនទាន់ច្បាស់៖ «ការចុះបញ្ជីប្លង់ដីជាលក្ខណៈប្រព័ន្ធនៅខេត្តព្រះសីហនុ នៅពេលកន្លងមកទៅ ខ្ញុំមិនបានចូលរួមទេ»។
បញ្ហានេះ អភិបាលខេត្តព្រះសីហនុ លោក យន្ត មីន ក៏មិនធ្វើអត្ថាធិប្បាយទៅលើការចេញប្លង់កម្មសិទ្ធិដែលអតីតអភិបាលខេត្ត និងអតីតប្រធានមន្ទីរសុរិយដីខេត្តនេះ បានចេញប្លង់កម្មសិទ្ធិលើដីព្រៃលិចទឹក ដីចំណីមាត់បឹង ឬអូរធម្មជាតិ និងដីផ្លូវក្រាលកៅស៊ូបន្សល់ទុកពីសម័យសង្គមរាស្ត្រនិយមនេះដែរ។ ប៉ុន្តែលោកបញ្ជាក់ថា នៅក្នុងអាណត្តិដឹកនាំរបស់លោកនឹងមិនអនុញ្ញាតឲ្យមន្ត្រីពាក់ព័ន្ធចេញប្លង់កម្មសិទ្ធិទៅលើទ្រព្យសម្បត្តិសាធារណៈរបស់រដ្ឋ ផ្ទុយពីរដ្ឋធម្មនុញ្ញ បន្តកើតមានទៀតទេ។
បញ្ហានេះ មន្ត្រីសង្គមស៊ីវិលប្រចាំខេត្តព្រះសីហនុ សំដែងការសោកស្ដាយ និងហួសចិត្ត កាលបើសង្កេតឃើញថា រាល់ថ្ងៃនេះ នៅមានបុគ្គលឯកជន មន្ត្រីមានអំណាច និងឈ្មួញមានងារជាឧកញ៉ាបានបន្តធ្វើសកម្មភាពកាប់ទន្ទ្រានដីគម្របព្រៃឈើ ដឹកដីចាក់លុបព្រៃកោងកាង ជាជម្រកត្រីសមុទ្របន្តពូជ ចាក់លុបបឹង និងអូរធម្មជាតិជាដើម បានបន្តកើតមានអនាធិបតេយ្យដោយគ្មានការហាមឃាត់ពីអាជ្ញាធរ ដោយពួកគេសំអាងថា មានប្លង់កម្មសិទ្ធិស្របច្បាប់នៅលើដីសាធារណៈរបស់រដ្ឋទាំងនោះ។ ពួកគេព្រួយបារម្ភថា បើសិនជាសកម្មភាពនេះនៅតែបន្ត ហើយមន្ត្រីដែលល្មើសច្បាប់មិនត្រូវបានផ្ដន្ទាទោស ទំនងជាទ្រព្យសម្បត្តិរបស់រដ្ឋដែលនៅសេសសល់ក្នុងខេត្តព្រះសីហនុ នឹងត្រូវរលាយហិនហោចក្នុងពេលដ៏ឆាប់ខាងមុខ៕
Clik here to view.
ដោយ ដែន អយុធ្យា RFA 2016-06-04
មន្ត្រីសង្គមស៊ីវិល និងប្រជាពលរដ្ឋខេត្តព្រះសីហនុ សាទរវិធានការក្តៅលើបញ្ហារំលោភដីធ្លីរបស់រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ដែលព្រមានចាត់វិធានការទៅលើមន្ត្រី ឬបុគ្គលដែលឃុបឃិតរំលោភដីប្រជាពលរដ្ឋ ឬដីរដ្ឋធ្វើកម្មសិទ្ធិ បង្កើតឲ្យមានទំនាស់។
ទន្ទឹមគ្នានេះ ក៏ស្នើឲ្យថ្នាក់ដឹកនាំក្រសួងដែនដី ឲ្យកោះហៅមន្ត្រីមន្ទីរសុរិយោដីខេត្តព្រះសីហនុ មកឆ្លើយបំភ្លឺចំពោះការចេញប្លង់កម្មសិទ្ធិ នៅលើដីសាធារណៈរបស់រដ្ឋមានដីចំណីមាត់បឹង ឬអូរធម្មជាតិ និងដីព្រៃលិចទឹកជាដើម ជូនបុគ្គលឯកជន ឬឈ្មួញ ដោយអនុវត្តផ្ទុយពីរដ្ឋធម្មនុញ្ញកម្ពុជា។
អ្នកឃ្លាំមើលការអភិវឌ្ឍសង្គម និងក្រុមប្រជាពលរដ្ឋ ទទូចដល់លោក ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ឲ្យកោះហៅអតីតប្រធានមន្ទីរសុរិយោដីខេត្តព្រះសីហនុ លោក សូ សុខ និងលោក ហ៊ុន ភី ព្រមទាំងអនុប្រធានមន្ទីរស្ថាប័ននេះ ឈ្មោះ ស្រ៊ុន ម៉ាប់ មកឆ្លើយបំភ្លឺលើករណីចេញប្លង់កម្មសិទ្ធិលើដីសាធារណៈរបស់រដ្ឋ រួមមាន ដីផ្លូវក្រាលកៅស៊ូ ដែលជាស្នាព្រះហស្តអតីតព្រះមហាក្សត្រសម្ដេចព្រះ នរោត្តម សីហនុ ដីចំណីមាត់បឹងព្រែកទប់ ដីមាត់បឹងកង្កែប និងដីព្រៃលិចទឹក ឬព្រៃកោងកាង ទៅឲ្យបុគ្គលឯកជនធ្វើកម្មសិទ្ធិដោយអនុវត្តផ្ទុយពីរដ្ឋធម្មនុញ្ញ។
មន្ត្រីសម្របសម្រួលអង្គការលីកាដូ (LICADHO) ខេត្តព្រះសីហនុ លោក ប៊ួន ណារិទ្ធិ បង្ហាញកង្វល់ចំពោះការចេញប័ណ្ណកម្មសិទ្ធិទៅលើដីសាធារណៈរបស់រដ្ឋ មានដីចំណីឆ្នេរសមុទ្រ ដីភ្នំ កោះ ដីព្រៃលិចទឹក និងដីបឹងអូរធម្មជាតិជាដើម ផ្ដើមដោយអតីតប្រធានមន្ទីរសុរិយោដី និងអនុប្រធានមន្ទីរសុរិយោដី ខេត្តព្រះសីហនុ ដែលបច្ចុប្បន្នទទួលបានតួនាទីនៅស្ថាប័នរដ្ឋផ្សេងនាំឲ្យបាត់បង់ធនធានធម្មជាតិនាមូលដ្ឋាននេះ។
មន្ត្រីសិទ្ធិមនុស្សរូបនេះ ស្នើដល់លោក ជា សុផារ៉ា រដ្ឋមន្ត្រីក្រសួងរៀបចំដែនដីជួយកោះហៅអ្នកជាប់ពាក់ព័ន្ធចេញប្លង់កម្មសិទ្ធិទៅលើដីសាធារណៈរបស់រដ្ឋនាខេត្តព្រះសីហនុ មកឆ្លើយបំភ្លឺ ហើយបើរកឃើញកំហុសឆ្គង ថាពិតជាមានការឃុបឃិតខុសច្បាប់ពិតមែន ត្រូវតែផ្ដន្ទាទោស ឬដាក់ពិន័យឲ្យបានធ្ងន់ធ្ងរ៖ «ខ្ញុំស្នើឲ្យឯកឧត្ដម ជា សុផារ៉ា រដ្ឋមន្ត្រីក្រសួងរៀបចំដែនដីចុះមកពិនិត្យខេត្តព្រះសីហនុ ដោយសារតែខេត្តនេះកំពុងតែមានបញ្ហាបាត់បង់ដីព្រៃកោងកាង បាត់បង់ដីឆ្នេរសមុទ្រ និងបាត់បង់ដីបឹងអូរធម្មជាតិផ្សេងទៀត ដែលមន្ត្រីមានអំណាច ឬឈ្មួញខ្លះ បានឃុបឃិតគ្នាជាលក្ខណៈប្រព័ន្ធ តាមរយៈមន្ត្រីខិលខូចមួយចំនួន បម្រើការងារនៅមន្ទីរសុរិយោដី ខេត្តព្រះសីហនុ បានចេញប័ណ្ណកម្មសិទ្ធិចែកគ្នា និងលក់ដីរដ្ឋយ៉ាងអនាធិបតេយ្យ។ សូមលោក ជា សុផារ៉ា មេត្តាចាត់វិធានការ និងវែករកមុខមន្ត្រីខិលខូច ដើម្បីឈានដល់ចាត់វិធានការឲ្យបានសមស្របជាគំរូសម្រាប់ប្រជាពលរដ្ឋ ដែលពួកគាត់តែងតែគោរពច្បាប់ភូមិបាល និងច្បាប់ជាតិនានាបានខ្ជាប់ខ្ជួន»។
បញ្ហានេះដែរ ប្រជាពលរដ្ឋនៅស្រុកព្រៃនប់ ខេត្តព្រះសីហនុ ក៏បានទទូចដល់លោក ជា សុផារ៉ា រដ្ឋមន្ត្រីក្រសួងរៀបចំដែនដី ជួយអង្កេតទៅលើការងាររបស់អនុប្រធានមន្ទីរសុរិយោដី ខេត្តព្រះសីហនុ ក្នុងតំណែងបច្ចុប្បន្ន គឺលោក ស្រ៊ុន ម៉ាប់ ដែលកន្លងមកទទួលបន្ទុកការងារអភិរក្សសុរិយោដី ស្រុកព្រៃនប់ និងស្រុកស្ទឹងហាវ ថាតើអាចមានជាប់ពាក់ព័ន្ធការចេញប្លង់កម្មសិទ្ធិជូនបុគ្គលឯកជននៅលើដីព្រៃកោងកាង រាប់ពាន់ហិកតារ នៅឃុំទឹកថ្លៃ ស្រុកព្រៃនប់ ដែរ ឬយ៉ាងណា?
ត្រង់ចំណុចនេះ ក្រុមប្រជាពលរដ្ឋស្រុកព្រៃនប់ សំណូមពរថា ប្រសិនបើរកឃើញបុគ្គលឈ្មោះ ស្រ៊ុន ម៉ាប់ ពិតជាបានរួមចំណែកប្រព្រឹត្តិកំហុសឆ្គងក្នុងការចេញប្លង់កម្មសិទ្ធិ បំផ្លាញព្រៃកោងកាង ជម្រកត្រីសមុទ្របន្តពូជ ដូចការចោទពិតមែន សូមឲ្យលោក ជា សុផារ៉ា មានវិធានការតាមច្បាប់ ឬផ្លាស់ប្ដូរតួនាទីបុគ្គលដែលមានកំហុសឆ្គងដើម្បីជាការព្រមាន និងឈានដល់ការពារទ្រព្យសម្បត្តិរដ្ឋនៅថ្ងៃអនាគត។
លោក ស្រ៊ុន ម៉ាប់ មិនធ្វើអត្ថាធិប្បាយទៅលើការចោទរបស់ប្រជាពលរដ្ឋថា បែបណានៅឡើយទេ ដោយលោកនិយាយខ្លីថា កំពុងជាប់រវល់ប្រជុំ។ បច្ចុប្បន្ននេះ លោក ស្រ៊ុន ម៉ាប់ ត្រូវបានលោក នួន ប៉ុក ជាប្រធានមន្ទីរសុរិយោដីខេត្តព្រះសីហនុ ទើបទទួលតំណែងថ្មី ប្ដូរមកឲ្យទទួលបន្ទុកការងារអភិរក្ស និងជួយពិនិត្យតាមដានការងារនៅក្រុងព្រះសីហនុ និងស្រុកកំពង់សីលា ព្រមទាំងការងារចុះបញ្ជីដីរដ្ឋ និងការងារចុះបញ្ជីដីធ្លីមានលក្ខណៈជាប្រព័ន្ធដែលនៅសេសសល់។
ទាក់ទិនបញ្ហានេះ ប្រធានអង្គការស្រាវជ្រាវជាតិកម្ពុជា ហៅកាត់ស៊ីអិនរ៉ូ (CNRO) សាខាខេត្តព្រះសីហនុ លោក សុខ សុខុម ក៏ទទូចដល់លោក ជា សុផារ៉ា ឲ្យជួយពិនិត្យសកម្មភាពការងាររបស់មន្ត្រីមន្ទីរសុរិយោដី ខេត្តព្រះសីហនុ រូបណាខ្លះដែលជួយរត់ការឯកសារឈានដល់ចេញប្លង់កម្មសិទ្ធិទៅលើដីសាធារណៈរបស់រដ្ឋ ដែលរដ្ឋធម្មនុញ្ញកម្ពុជា បានហាមឃាត់។
លោក សុខ សុខុម គាំទ្រចំណាត់ការក្ដៅរបស់លោក ជា សុផារ៉ា ទៅលើមន្ត្រីរដ្ឋាភិបាល ឬអ្នកជាប់ពាក់ព័ន្ធការរំលោភដីសាធារណៈរបស់រដ្ឋ និងដីធ្លីប្រជាពលរដ្ឋ បង្កើតឲ្យមានទំនាស់ដីធ្លីកាលពីពេលថ្មីៗនេះ៖ «សូមស្នើឲ្យឯកឧត្ដម ជា សុផារ៉ា រដ្ឋមន្ត្រីក្រសួងដែនដី មេត្តាចាត់វិធានការទៅតាមផ្លូវច្បាប់ និងស្រាវជ្រាវ ឬពិនិត្យមើលទៅលើប័ណ្ណកម្មសិទ្ធិទាំងឡាយណាដែលពាក់ព័ន្ធដីតំបន់ឆ្នេរសមុទ្រ ឬប័ណ្ណកម្មសិទ្ធិ ដែលពាក់ព័ន្ធនឹងព្រៃលិចទឹក ត្រូវតែលើកយកមកពិនិត្យរកឲ្យឃើញមូលហេតុអ្វី ឬមន្ត្រីជាប់ពាក់ព័ន្ធនៅមន្ទីរសុរិយោដី អាចចេញប្លង់កម្មសិទ្ធិទាំងជូនឯកជន ហើយត្រូវរកឲ្យឃើញថា មន្ត្រីនៅថ្នាក់ណាខ្លះដែលហ៊ានយកដីសាធារណៈរបស់រដ្ឋមកចេញប័ណ្ណកម្មសិទ្ធិជូនបុគ្គលមួយចំនួននេះ។ សួរថា តើប័ណ្ណកម្មសិទ្ធិទាំងនោះគួរតែមានវិធានការបែបណា ឬមួយទុកឲ្យប័ណ្ណចេញខុសប្រក្រតីទាំងនោះឲ្យនៅស្របច្បាប់ ឬក៏ត្រូវលុបចោលប័ណ្ណទាំងនោះ ហើយរឹបអូសយកទ្រព្យសម្បត្តិរដ្ឋ ដែលត្រូវរំលោភដោយការឃុបឃិតរបស់មន្ត្រីខ្លះ នៅមន្ទីរសុរិយោដីខេត្តព្រះសីហនុ មកដាក់ឲ្យរដ្ឋគ្រប់គ្រង និងលើកស្ទួយវិស័យទេសចរណ៍ឡើងវិញ»។
មន្ត្រីសិទ្ធិមនុស្សរូបនេះក៏ស្នើឲ្យលោក ជា សុផារ៉ា កោះហៅលោក សូ សុខ លោក ហ៊ុន ភី អតីតប្រធានមន្ទីរសុរិយោដី ខេត្តព្រះសីហនុ និងអនុប្រធានមន្ទីរសុរិយោដី ខេត្តព្រះសីហនុ លោក ស្រ៊ុន ម៉ាប់ ព្រមទាំងអ្នកជាប់ពាក់ព័ន្ធផ្សេងទៀតមកឆ្លើយបំភ្លឺទៅលើការចេញប្លង់កម្មសិទ្ធិទៅលើដីសាធារណៈរបស់រដ្ឋ រួមមាន ដីផ្លូវក្រាលកៅស៊ូជាស្នាព្រះហស្តអតីតព្រះមហាក្សត្រនៅប្របឆ្នេរអូរឈើទាល ចំណីមាត់បឹងព្រែកទប់ ដីបឹងកង្កែប និងដីព្រៃលិចទឹកជាដើម នៅមូលដ្ឋានខេត្តព្រះសីហនុ ដើម្បីឈានទៅផ្ដន្ទាទោស និងរឹបអូសទ្រព្យសម្បត្តិទាំងនោះមករដ្ឋគ្រប់គ្រងវិញ៖ «បើសិនជាអាជ្ញាធរខេត្តព្រះសីហនុ បច្ចុប្បន្ននៅតែបណ្ដោយបុគ្គលនៅមន្ទីរសុរិយោដី និងមន្ត្រីពាក់ខ្លះបន្តធ្វើសកម្មល្មើសឃុបឃិតចេញប្លង់កម្មសិទ្ធិលើដីសាធារណៈរបស់រដ្ឋ មានដីព្រៃលិចទឹក ដីបឹងអូរធម្មជាតិ ដីតំបន់ឆ្នេរ ដីព្រៃភ្នំ ឬកោះជាដើម បន្តកើតមាន និងគ្មានការទប់ស្កាត់ទេ។ ខេត្តនេះនឹងត្រូវបាត់បង់ធនធានធម្មជាតិទាំងនេះធ្ងន់ធ្ងរថែមទៀត ហើយខេត្តព្រះសីហនុ ដែលជាខេត្តទេសចរណ៍ ប្រសិនបើបាត់បង់តំបន់ឆ្នេរដីគម្របព្រៃឈើ និងដីព្រៃកោងកាង ជាដើម នឹងប៉ះពាល់ដល់ចំនួនភ្ញៀវទេសចរចូលមកទស្សនាខេត្តនេះជាមិនខាននៅថ្ងៃអនាគត»។
ទាក់ទិនបញ្ហានេះ ប្រធានមន្ទីរសុរិយោដី ខេត្តព្រះសីហនុថ្មី លោក នួន ប៉ុក ហាក់មានការរារែកក្នុងការឆ្លើយបំភ្លឺទៅលើការចេញប្លង់កម្មសិទ្ធិនៅលើដីព្រៃលិចទឹក ដីចំណីបឹងអូរធម្មជាតិ និងចេញប្លង់កម្មសិទ្ធិទៅលើផ្លូវក្រាលកៅស៊ូជាស្នាព្រះហស្តអតីតព្រះមហាក្សត្រនៅប្របឆ្នេរអូរឈើទាល ចេញប្លង់ដោយអតីតប្រធានមន្ទីរសុរិយោដី និងមន្ត្រីជាប់ពាក់ព័ន្ធដទៃទៀតទេ ដោយនិយាយខ្លីថា ទើបមកទទួលតំណែងថ្មី ក្ដាប់មិនទាន់ច្បាស់៖ «ការចុះបញ្ជីប្លង់ដីជាលក្ខណៈប្រព័ន្ធនៅខេត្តព្រះសីហនុ នៅពេលកន្លងមកទៅ ខ្ញុំមិនបានចូលរួមទេ»។
បញ្ហានេះ អភិបាលខេត្តព្រះសីហនុ លោក យន្ត មីន ក៏មិនធ្វើអត្ថាធិប្បាយទៅលើការចេញប្លង់កម្មសិទ្ធិដែលអតីតអភិបាលខេត្ត និងអតីតប្រធានមន្ទីរសុរិយដីខេត្តនេះ បានចេញប្លង់កម្មសិទ្ធិលើដីព្រៃលិចទឹក ដីចំណីមាត់បឹង ឬអូរធម្មជាតិ និងដីផ្លូវក្រាលកៅស៊ូបន្សល់ទុកពីសម័យសង្គមរាស្ត្រនិយមនេះដែរ។ ប៉ុន្តែលោកបញ្ជាក់ថា នៅក្នុងអាណត្តិដឹកនាំរបស់លោកនឹងមិនអនុញ្ញាតឲ្យមន្ត្រីពាក់ព័ន្ធចេញប្លង់កម្មសិទ្ធិទៅលើទ្រព្យសម្បត្តិសាធារណៈរបស់រដ្ឋ ផ្ទុយពីរដ្ឋធម្មនុញ្ញ បន្តកើតមានទៀតទេ។
បញ្ហានេះ មន្ត្រីសង្គមស៊ីវិលប្រចាំខេត្តព្រះសីហនុ សំដែងការសោកស្ដាយ និងហួសចិត្ត កាលបើសង្កេតឃើញថា រាល់ថ្ងៃនេះ នៅមានបុគ្គលឯកជន មន្ត្រីមានអំណាច និងឈ្មួញមានងារជាឧកញ៉ាបានបន្តធ្វើសកម្មភាពកាប់ទន្ទ្រានដីគម្របព្រៃឈើ ដឹកដីចាក់លុបព្រៃកោងកាង ជាជម្រកត្រីសមុទ្របន្តពូជ ចាក់លុបបឹង និងអូរធម្មជាតិជាដើម បានបន្តកើតមានអនាធិបតេយ្យដោយគ្មានការហាមឃាត់ពីអាជ្ញាធរ ដោយពួកគេសំអាងថា មានប្លង់កម្មសិទ្ធិស្របច្បាប់នៅលើដីសាធារណៈរបស់រដ្ឋទាំងនោះ។ ពួកគេព្រួយបារម្ភថា បើសិនជាសកម្មភាពនេះនៅតែបន្ត ហើយមន្ត្រីដែលល្មើសច្បាប់មិនត្រូវបានផ្ដន្ទាទោស ទំនងជាទ្រព្យសម្បត្តិរបស់រដ្ឋដែលនៅសេសសល់ក្នុងខេត្តព្រះសីហនុ នឹងត្រូវរលាយហិនហោចក្នុងពេលដ៏ឆាប់ខាងមុខ៕