Image may be NSFW.
Clik here to view.
ដោយ ដែន អយុធ្យា RFA 2016-08-15
មន្ត្រីសង្គមស៊ីវិល និងប្រជាពលរដ្ឋរស់នៅតំបន់កោះខ្យងខេត្តព្រះសីហនុ បង្ហាញកង្វល់ជុំវិញបទល្មើសកូនគ្រែងឈាមដែលឈ្មួញប្រើឧបករណ៍នេសាទខុសច្បាប់ ចាប់លក់ទៅឲ្យឈ្មួញប្រទេសវៀតណាម ប៉ុន្តែគ្មានសមត្ថកិច្ចជំនាញទប់ស្កាត់ទេ។
បញ្ហានេះ ពលរដ្ឋរស់នៅតំបន់កោះខ្យង ចោទសមត្ថកិច្ចស្ថាប័នជំនាញមួយចំនួន ថាបានឃុបឃិតបើកដៃឲ្យឈ្មួញល្មើសប្រើឧបករណ៍នេសាទកូនគ្រែងឈាម ដែលច្បាប់ហាមឃាត់ អាចធ្វើសកម្មភាពបានដោយរលូន ជាថ្នូរទទួលបានសំណូកពុករលួយ ទើបបទល្មើសបន្តកើតមានស្ទើរជារៀងរាល់ថ្ងៃ។
មន្ត្រីសង្គមស៊ីវិល ប្រជាពលរដ្ឋ និងអាជ្ញាធរឃុំអូរជ្រៅ ស្រុកព្រៃនប់ ខេត្តព្រះសីហនុ និយាយប្រាប់អាស៊ីសេរី ជាថ្មីទៀតថា បទល្មើសនេសាទកូនគ្រែងឈាមដែលឈ្មួញប្រើឧបករណ៍ល្មើសច្បាប់បន្តកើតមានក្នុងដែនសមុទ្រមូលដ្ឋាននេះ។ ប្រជាពលរដ្ឋរស់នៅតំបន់កោះខ្យងចោទថា បទល្មើសកូនគ្រែងឈាមដុះស្លែនៅតំបន់កោះខ្យង សមត្ថកិច្ចស្ថាប័នជំនាញពាក់ព័ន្ធទប់ស្កាត់មិនមានប្រសិទ្ធភាពទេ។ ពោល គឺបង្ក្រាប ឬទប់ស្កាត់រើសមុខ ឬបង្ក្រាបរើសមុខបុគ្គលល្មើស។
ប្រជានេសាទតំបន់កោះខ្យង ស្នើមិនបង្ហាញអត្តសញ្ញាណជាច្រើននាក់ បានចោទមន្ត្រីជំនាញស្ថាប័នពាក់ព័ន្ធមួយចំនួន ថាទំនងជាជាប់ពាក់ព័ន្ធ ឬនៅពីក្រោយបទល្មើសនេសាទសមុទ្រមានបទល្មើសកូនគ្រែងឈាមស្រុកព្រៃនប់ ជាដើម ទើបគ្មានសកម្មភាពបង្ក្រាបឲ្យមានប្រសិទ្ធភាព។ បទល្មើសនេះ ទាំងប្រជាពលរដ្ឋ អាជ្ញាធរឃុំអូរជ្រៅ និងមន្ត្រីសង្គមស៊ីវិល បានបង្ហាញការព្រួយបារម្ភជាថ្មីទៀត ដោយខ្លាចបាត់បង់ធនធានជលផលសមុទ្រ ពិសេសគ្រែងឈាម ដែលបន្តពូជនៅតំបន់កោះខ្យង ដោយសារបទល្មើសប្រើឧបករណ៍នេសាទខុសច្បាប់ និងគ្មានសមត្ថកិច្ចទប់ស្កាត់។
បញ្ហានេះ អ្នកស្រី ជៀប សុធារី មន្ត្រីសម្របសម្រួលនៃសមាគមអាដហុក (ADHOC) ប្រចាំខេត្តព្រះសីហនុ ដែលបានចុះផ្ទាល់ដល់តំបន់កោះខ្យង ឃុំអូរជ្រៅ អះអាងថា បទល្មើសនេសាទកូនគ្រែងឈាមពិតជាបន្តកើតមានអនាធិបតេយ្យ និងធ្វើសកម្មភាពរាល់ថ្ងៃពិតមែន។ មន្ត្រីសង្គមស៊ីវិលរូបនេះទទូចដល់ថ្នាក់ដឹកនាំស្ថាប័នជំនាញថ្នាក់ជាតិ ចុះអង្កេតឈានដល់អន្តរាគមន៍ទប់ស្កាត់បទល្មើសនេសាទកូនគ្រែងឈាម នៅតំបន់កោះខ្យង ដែលឈ្មួញជួញដូរទៅកាន់ប្រទេសវៀតណាម៖ «នៅឃុំអូរជ្រៅ នេះ កាលពីដើមឡើយ គឺពលរដ្ឋរស់នៅតំបន់នេះ ពួកគាត់រាវគ្រែងតែនឹងដៃទេ ដើម្បីយកទៅលក់នៅលើទីផ្សារចិញ្ចឹមជីវិតប្រចាំថ្ងៃ ប៉ុន្តែពេលនេះ របរនេសាទដោយដៃ គឺមិនទទួលបានផលទេ ដោយសារតែឈ្មួញនេសាទបានប្រើឧបករណ៍នេសាទខុសច្បាប់ មកកៀងកូនគ្រែង ហើយគ្មានអាជ្ញាធរបង្ក្រាប ឬទប់ស្កាត់ឲ្យមានប្រសិទ្ធភាព នាំឲ្យរបរនេសាទគ្រែងឈាមតំណពីដូនតាត្រូវបាត់បង់។ បទល្មើសនេះ គឺសង្កេតឃើញមានសមត្ថកិច្ចពាក់ព័ន្ធមួយចំនួន និងសហគមន៍ ឬអង្គការខ្លះធ្វើការងារពាក់ព័ន្ធជលផលសមុទ្រ បានជួយខ្នះខ្នែងបង្ក្រាបបទល្មើសប្រើឧបករណ៍នេសាទនេះដែរ ប៉ុន្តែខ្ញុំមិនដឹងថា មូលហេតុអ្វីបានជាបទល្មើសនេសាទកូនគ្រែងឈាម នៅតែបន្តកើតមាននៅតំបន់កោះខ្យងរហូតមកដល់ពេលនេះ»។
អ្នកស្រី ជៀប សុធារី មន្ត្រីសមាគមអាដហុក ស្ថិតក្នុងចំណោមមេដឹកនាំអង្គការជាច្រើនស្ថាប័នទៀត ព្រួយបារម្ភថា ប្រសិនបើបទល្មើសគ្រែងឈាម និងបទល្មើសជលផលសមុទ្រផ្សេងទៀតអាចបន្តធ្វើសកម្មភាពអនាធិបតេយ្យគ្មានការទប់ស្កាត់ឲ្យមានប្រសិទ្ធភាព ទំនងជានឹងអាចផុតពូជពីដែនសមុទ្រខេត្តព្រះសីហនុ នៅថ្ងៃណាមួយ៖ «ខ្ញុំគ្រាន់តែចង់សំណូមពរដល់អាជ្ញាធរពាក់ព័ន្ធថ្នាក់ជាតិនៃរាជរដ្ឋាភិបាល សូមឲ្យលោកជួយមានវិធានការក្តៅក្នុងការលុបបាត់បទល្មើសនេសាទសមុទ្រ បទល្មើសកូនគ្រែងឈាម នៅតំបន់កោះខ្យង ឲ្យបានជាស្ថាពរ ព្រោះមន្ត្រីជំនាញស្ថាប័នពាក់ព័ន្ធនៅមូលដ្ឋាននេះ ហាក់មិនមានឆន្ទៈបង្ក្រាប ឬទប់ស្កាត់ទេ»។
បញ្ហានេះដែរ លោក យន់ ឆេង មេឃុំអូរជ្រៅ ស្រុកព្រៃនប់ ខេត្តព្រះសីហនុ ទទួលស្គាល់ថា ពិតជាមានបទល្មើសនេសាទកូនគ្រែងឈាមបន្តធ្វើសកម្មភាពល្មើសនៅតំបន់កោះខ្យង ដូចពលរដ្ឋ និងមន្ត្រីសង្គមស៊ីវិលលើកឡើងពិតមែន។ លោកថា បទល្មើសនេះគេសង្កេតឃើញកម្លាំងសមត្ថកិច្ចស្ថាប័នពាក់ព័ន្ធ ចាប់បានម្តងម្កាលដែរ ប៉ុន្តែចាប់បានតែកូនគ្រែងទេ រីឯឈ្មួញប្រព្រឹត្តបទល្មើសជាក់ស្តែង ចាប់មិនបានឡើយ។ លោក យន់ ឆេង បញ្ជាក់ថា បទល្មើសកូនគ្រែងឈាមនៅឃុំអូរជ្រៅ តំបន់កោះខ្យងនេះ រូបលោកផ្ទាល់ក៏បារម្ភខ្លាចបាត់បង់ធនធានជលផលសមុទ្រ ពិសេសគ្រែងឈាមត្រូវផុតពូជ ដោយសារឈ្មួញបានប្រើឧបករណ៍ចាប់យកទាំងតូចទាំងធំ។
លោក យន់ ឆេង មេឃុំអូរជ្រៅ អះអាងថា បទល្មើសកូនគ្រែងឈាមបានកើតមានយូរឆ្នាំមកហើយនៅតំបន់កោះខ្យង ហើយរូបលោកក៏ធ្លាប់រាយការណ៍ជូនថ្នាក់ដឹកនាំស្ថាប័នជលផល និងរដ្ឋបាលខេត្តព្រះសីហនុ ជាបន្តបន្ទាប់ដែរ ប៉ុន្តែបទល្មើសនេះនៅតែបន្តកើតមានមកដល់ពេលនេះ។
ឆ្លើយតបបញ្ហានេះ នាយខណ្ឌជលផលកំពង់សោម លោក នេន ចំរើន មានប្រសាសន៍ប្រាប់អាស៊ីសេរី ថា ចាប់ពីខែកក្កដា រហូតមកដល់ថ្ងៃទី១២ ខែសីហា មន្ត្រីជំនាញស្ថាប័នខ្លួន សហការជាមួយកម្លាំងនគរបាល និងកងរាជអាវុធហត្ថជាដើម បានចុះបង្ក្រាប និងចាប់បានកូនគ្រែងឈាមដែលឈ្មួញត្រៀមនាំចេញទៅកាន់ប្រទេសវៀតណាម សរុបមានចំនួនជាង ២តោន ប៉ុន្តែជនប្រព្រឹត្តិល្មើសបានគេចខ្លួនរួច។
ទាក់ទិនបទល្មើសនេះ កាលពីថ្ងៃទី៦ ខែសីហា លោក ជួន ណារិន្ទ ស្នងការនគរបាលខេត្តព្រះសីហនុ បានចាប់បានកូនគ្រែងឈាមជាង ៣០០គីឡូក្រាមពីឈ្មួញល្មើសបម្រុងនាំចេញទៅកាន់ប្រទេសវៀតណាម។ កូនគ្រែងឈាមទាំងនោះ បើគិតពីចំនួនគ្រាប់ ឬកូនគ្រែងវិញ គឺក្នុងមួយគីឡូក្រាមមានកូនគ្រែងប្រមាណ ៥ពាន់គ្រាប់ ឬ ៥ពាន់កូនគ្រែង។
ត្រង់ចំណុចនេះ លោក យន្ត មីន អភិបាលខេត្តព្រះសីហនុ បានឲ្យដឹងថា កូនគ្រែងឈាមដែលកម្លាំងស្នងការដ្ឋាននគរបាលខេត្តព្រះសីហនុ ចាប់បានកាលពីដើមខែសីហា នេះ បានប្រគល់ជូនរដ្ឋបាលខេត្ត និងស្ថាប័នជលផល ហើយពេលនេះបាននាំយកទៅលែងក្នុងសមុទ្រវិញហើយ។ យ៉ាងណាក៏ដោយ លោក យន្ត មីន បានចោទសួរទៅកាន់ផ្នែកពាក់ព័ន្ធ ពិសេសឈ្មួញប្រព្រឹត្តបទល្មើសនេសាទថា ត្រូវបញ្ឈប់ការជួញដូរកូនគ្រែងតូចៗមានទំហំស្ទើរប៉ុនសរសៃធូប និងបទល្មើសចាប់កូនក្តាមកូនខ្យងតូចៗ ដើម្បីធ្វើជំនួញទៅលក់ឲ្យប្រទេសជិតខាងតទៅទៀត ព្រោះនាំឲ្យប្រទេសកម្ពុជា បាត់បង់ធនធានជលផលសមុទ្រធ្ងន់ធ្ងរ។ លោកទទូចថា គួរគប្បីទាំងប្រជានេសាទ ឈ្មួញល្មើស និងអាជ្ញាធរដែលអាចជាប់ពាក់ព័ន្ធនឹងបទល្មើសនេសាទសមុទ្រ ត្រូវបញ្ឈប់សកម្មភាពល្មើសនេះជាបន្ទាន់។
ផ្ដើមពីបទល្មើសនេះដែរ អភិបាលខេត្តព្រះសីហនុ លោក យន្ត មីន បានក្រើនរំឭកជាថ្មីទៀតដល់សមត្ថកិច្ចស្ថាប័នពាក់ព័ន្ធ ត្រូវខិតខំសហការរួមគ្នាទប់ស្កាត់សកម្មភាពបទល្មើសនេសាទសមុទ្រនានា មានដូចជាបទល្មើសកូនគ្រែង កូនក្តាម និងកូនខ្យងតូចៗ ពិសេសធនធានក្នុងសមុទ្រទាំងអស់ដើម្បីនាំចេញទៅលក់ដូរនៅក្រៅប្រទេសជាបន្តទៀត។ លោកអំពាវនាវដល់អ្នកជាប់ពាក់ព័ន្ធបទល្មើសជលផលសមុទ្រ ត្រូវបញ្ឈប់សកម្មភាពបំផ្លាញធនធានសមុទ្រជាបន្ទាន់ ហើយត្រូវមានស្មារតីជួយគិតគូរពីផលប្រយោជន៍ជាតិ ដោយចាប់ផ្ដើមពីខ្លួនយើងម្នាក់ៗ ដើម្បីខ្លួនយើង និងកូនចៅជំនាន់ក្រោយរបស់យើង។
លោក យន្ត មីន ស្នើដល់ប្រជាពលរដ្ឋ និងអាជ្ញាធរមានសមត្ថកិច្ចស្ថាប័នពាក់ព័ន្ធ ត្រូវរួមសហការគ្នាការពារធនធានធម្មជាតិទាំងនៅលើដីគោក និងនៅក្នុងសមុទ្រនាខេត្តព្រះសីហនុ ឲ្យបានគង់វង្ស៕
Clik here to view.
ដោយ ដែន អយុធ្យា RFA 2016-08-15
មន្ត្រីសង្គមស៊ីវិល និងប្រជាពលរដ្ឋរស់នៅតំបន់កោះខ្យងខេត្តព្រះសីហនុ បង្ហាញកង្វល់ជុំវិញបទល្មើសកូនគ្រែងឈាមដែលឈ្មួញប្រើឧបករណ៍នេសាទខុសច្បាប់ ចាប់លក់ទៅឲ្យឈ្មួញប្រទេសវៀតណាម ប៉ុន្តែគ្មានសមត្ថកិច្ចជំនាញទប់ស្កាត់ទេ។
បញ្ហានេះ ពលរដ្ឋរស់នៅតំបន់កោះខ្យង ចោទសមត្ថកិច្ចស្ថាប័នជំនាញមួយចំនួន ថាបានឃុបឃិតបើកដៃឲ្យឈ្មួញល្មើសប្រើឧបករណ៍នេសាទកូនគ្រែងឈាម ដែលច្បាប់ហាមឃាត់ អាចធ្វើសកម្មភាពបានដោយរលូន ជាថ្នូរទទួលបានសំណូកពុករលួយ ទើបបទល្មើសបន្តកើតមានស្ទើរជារៀងរាល់ថ្ងៃ។
មន្ត្រីសង្គមស៊ីវិល ប្រជាពលរដ្ឋ និងអាជ្ញាធរឃុំអូរជ្រៅ ស្រុកព្រៃនប់ ខេត្តព្រះសីហនុ និយាយប្រាប់អាស៊ីសេរី ជាថ្មីទៀតថា បទល្មើសនេសាទកូនគ្រែងឈាមដែលឈ្មួញប្រើឧបករណ៍ល្មើសច្បាប់បន្តកើតមានក្នុងដែនសមុទ្រមូលដ្ឋាននេះ។ ប្រជាពលរដ្ឋរស់នៅតំបន់កោះខ្យងចោទថា បទល្មើសកូនគ្រែងឈាមដុះស្លែនៅតំបន់កោះខ្យង សមត្ថកិច្ចស្ថាប័នជំនាញពាក់ព័ន្ធទប់ស្កាត់មិនមានប្រសិទ្ធភាពទេ។ ពោល គឺបង្ក្រាប ឬទប់ស្កាត់រើសមុខ ឬបង្ក្រាបរើសមុខបុគ្គលល្មើស។
ប្រជានេសាទតំបន់កោះខ្យង ស្នើមិនបង្ហាញអត្តសញ្ញាណជាច្រើននាក់ បានចោទមន្ត្រីជំនាញស្ថាប័នពាក់ព័ន្ធមួយចំនួន ថាទំនងជាជាប់ពាក់ព័ន្ធ ឬនៅពីក្រោយបទល្មើសនេសាទសមុទ្រមានបទល្មើសកូនគ្រែងឈាមស្រុកព្រៃនប់ ជាដើម ទើបគ្មានសកម្មភាពបង្ក្រាបឲ្យមានប្រសិទ្ធភាព។ បទល្មើសនេះ ទាំងប្រជាពលរដ្ឋ អាជ្ញាធរឃុំអូរជ្រៅ និងមន្ត្រីសង្គមស៊ីវិល បានបង្ហាញការព្រួយបារម្ភជាថ្មីទៀត ដោយខ្លាចបាត់បង់ធនធានជលផលសមុទ្រ ពិសេសគ្រែងឈាម ដែលបន្តពូជនៅតំបន់កោះខ្យង ដោយសារបទល្មើសប្រើឧបករណ៍នេសាទខុសច្បាប់ និងគ្មានសមត្ថកិច្ចទប់ស្កាត់។
បញ្ហានេះ អ្នកស្រី ជៀប សុធារី មន្ត្រីសម្របសម្រួលនៃសមាគមអាដហុក (ADHOC) ប្រចាំខេត្តព្រះសីហនុ ដែលបានចុះផ្ទាល់ដល់តំបន់កោះខ្យង ឃុំអូរជ្រៅ អះអាងថា បទល្មើសនេសាទកូនគ្រែងឈាមពិតជាបន្តកើតមានអនាធិបតេយ្យ និងធ្វើសកម្មភាពរាល់ថ្ងៃពិតមែន។ មន្ត្រីសង្គមស៊ីវិលរូបនេះទទូចដល់ថ្នាក់ដឹកនាំស្ថាប័នជំនាញថ្នាក់ជាតិ ចុះអង្កេតឈានដល់អន្តរាគមន៍ទប់ស្កាត់បទល្មើសនេសាទកូនគ្រែងឈាម នៅតំបន់កោះខ្យង ដែលឈ្មួញជួញដូរទៅកាន់ប្រទេសវៀតណាម៖ «នៅឃុំអូរជ្រៅ នេះ កាលពីដើមឡើយ គឺពលរដ្ឋរស់នៅតំបន់នេះ ពួកគាត់រាវគ្រែងតែនឹងដៃទេ ដើម្បីយកទៅលក់នៅលើទីផ្សារចិញ្ចឹមជីវិតប្រចាំថ្ងៃ ប៉ុន្តែពេលនេះ របរនេសាទដោយដៃ គឺមិនទទួលបានផលទេ ដោយសារតែឈ្មួញនេសាទបានប្រើឧបករណ៍នេសាទខុសច្បាប់ មកកៀងកូនគ្រែង ហើយគ្មានអាជ្ញាធរបង្ក្រាប ឬទប់ស្កាត់ឲ្យមានប្រសិទ្ធភាព នាំឲ្យរបរនេសាទគ្រែងឈាមតំណពីដូនតាត្រូវបាត់បង់។ បទល្មើសនេះ គឺសង្កេតឃើញមានសមត្ថកិច្ចពាក់ព័ន្ធមួយចំនួន និងសហគមន៍ ឬអង្គការខ្លះធ្វើការងារពាក់ព័ន្ធជលផលសមុទ្រ បានជួយខ្នះខ្នែងបង្ក្រាបបទល្មើសប្រើឧបករណ៍នេសាទនេះដែរ ប៉ុន្តែខ្ញុំមិនដឹងថា មូលហេតុអ្វីបានជាបទល្មើសនេសាទកូនគ្រែងឈាម នៅតែបន្តកើតមាននៅតំបន់កោះខ្យងរហូតមកដល់ពេលនេះ»។
អ្នកស្រី ជៀប សុធារី មន្ត្រីសមាគមអាដហុក ស្ថិតក្នុងចំណោមមេដឹកនាំអង្គការជាច្រើនស្ថាប័នទៀត ព្រួយបារម្ភថា ប្រសិនបើបទល្មើសគ្រែងឈាម និងបទល្មើសជលផលសមុទ្រផ្សេងទៀតអាចបន្តធ្វើសកម្មភាពអនាធិបតេយ្យគ្មានការទប់ស្កាត់ឲ្យមានប្រសិទ្ធភាព ទំនងជានឹងអាចផុតពូជពីដែនសមុទ្រខេត្តព្រះសីហនុ នៅថ្ងៃណាមួយ៖ «ខ្ញុំគ្រាន់តែចង់សំណូមពរដល់អាជ្ញាធរពាក់ព័ន្ធថ្នាក់ជាតិនៃរាជរដ្ឋាភិបាល សូមឲ្យលោកជួយមានវិធានការក្តៅក្នុងការលុបបាត់បទល្មើសនេសាទសមុទ្រ បទល្មើសកូនគ្រែងឈាម នៅតំបន់កោះខ្យង ឲ្យបានជាស្ថាពរ ព្រោះមន្ត្រីជំនាញស្ថាប័នពាក់ព័ន្ធនៅមូលដ្ឋាននេះ ហាក់មិនមានឆន្ទៈបង្ក្រាប ឬទប់ស្កាត់ទេ»។
បញ្ហានេះដែរ លោក យន់ ឆេង មេឃុំអូរជ្រៅ ស្រុកព្រៃនប់ ខេត្តព្រះសីហនុ ទទួលស្គាល់ថា ពិតជាមានបទល្មើសនេសាទកូនគ្រែងឈាមបន្តធ្វើសកម្មភាពល្មើសនៅតំបន់កោះខ្យង ដូចពលរដ្ឋ និងមន្ត្រីសង្គមស៊ីវិលលើកឡើងពិតមែន។ លោកថា បទល្មើសនេះគេសង្កេតឃើញកម្លាំងសមត្ថកិច្ចស្ថាប័នពាក់ព័ន្ធ ចាប់បានម្តងម្កាលដែរ ប៉ុន្តែចាប់បានតែកូនគ្រែងទេ រីឯឈ្មួញប្រព្រឹត្តបទល្មើសជាក់ស្តែង ចាប់មិនបានឡើយ។ លោក យន់ ឆេង បញ្ជាក់ថា បទល្មើសកូនគ្រែងឈាមនៅឃុំអូរជ្រៅ តំបន់កោះខ្យងនេះ រូបលោកផ្ទាល់ក៏បារម្ភខ្លាចបាត់បង់ធនធានជលផលសមុទ្រ ពិសេសគ្រែងឈាមត្រូវផុតពូជ ដោយសារឈ្មួញបានប្រើឧបករណ៍ចាប់យកទាំងតូចទាំងធំ។
លោក យន់ ឆេង មេឃុំអូរជ្រៅ អះអាងថា បទល្មើសកូនគ្រែងឈាមបានកើតមានយូរឆ្នាំមកហើយនៅតំបន់កោះខ្យង ហើយរូបលោកក៏ធ្លាប់រាយការណ៍ជូនថ្នាក់ដឹកនាំស្ថាប័នជលផល និងរដ្ឋបាលខេត្តព្រះសីហនុ ជាបន្តបន្ទាប់ដែរ ប៉ុន្តែបទល្មើសនេះនៅតែបន្តកើតមានមកដល់ពេលនេះ។
ឆ្លើយតបបញ្ហានេះ នាយខណ្ឌជលផលកំពង់សោម លោក នេន ចំរើន មានប្រសាសន៍ប្រាប់អាស៊ីសេរី ថា ចាប់ពីខែកក្កដា រហូតមកដល់ថ្ងៃទី១២ ខែសីហា មន្ត្រីជំនាញស្ថាប័នខ្លួន សហការជាមួយកម្លាំងនគរបាល និងកងរាជអាវុធហត្ថជាដើម បានចុះបង្ក្រាប និងចាប់បានកូនគ្រែងឈាមដែលឈ្មួញត្រៀមនាំចេញទៅកាន់ប្រទេសវៀតណាម សរុបមានចំនួនជាង ២តោន ប៉ុន្តែជនប្រព្រឹត្តិល្មើសបានគេចខ្លួនរួច។
ទាក់ទិនបទល្មើសនេះ កាលពីថ្ងៃទី៦ ខែសីហា លោក ជួន ណារិន្ទ ស្នងការនគរបាលខេត្តព្រះសីហនុ បានចាប់បានកូនគ្រែងឈាមជាង ៣០០គីឡូក្រាមពីឈ្មួញល្មើសបម្រុងនាំចេញទៅកាន់ប្រទេសវៀតណាម។ កូនគ្រែងឈាមទាំងនោះ បើគិតពីចំនួនគ្រាប់ ឬកូនគ្រែងវិញ គឺក្នុងមួយគីឡូក្រាមមានកូនគ្រែងប្រមាណ ៥ពាន់គ្រាប់ ឬ ៥ពាន់កូនគ្រែង។
ត្រង់ចំណុចនេះ លោក យន្ត មីន អភិបាលខេត្តព្រះសីហនុ បានឲ្យដឹងថា កូនគ្រែងឈាមដែលកម្លាំងស្នងការដ្ឋាននគរបាលខេត្តព្រះសីហនុ ចាប់បានកាលពីដើមខែសីហា នេះ បានប្រគល់ជូនរដ្ឋបាលខេត្ត និងស្ថាប័នជលផល ហើយពេលនេះបាននាំយកទៅលែងក្នុងសមុទ្រវិញហើយ។ យ៉ាងណាក៏ដោយ លោក យន្ត មីន បានចោទសួរទៅកាន់ផ្នែកពាក់ព័ន្ធ ពិសេសឈ្មួញប្រព្រឹត្តបទល្មើសនេសាទថា ត្រូវបញ្ឈប់ការជួញដូរកូនគ្រែងតូចៗមានទំហំស្ទើរប៉ុនសរសៃធូប និងបទល្មើសចាប់កូនក្តាមកូនខ្យងតូចៗ ដើម្បីធ្វើជំនួញទៅលក់ឲ្យប្រទេសជិតខាងតទៅទៀត ព្រោះនាំឲ្យប្រទេសកម្ពុជា បាត់បង់ធនធានជលផលសមុទ្រធ្ងន់ធ្ងរ។ លោកទទូចថា គួរគប្បីទាំងប្រជានេសាទ ឈ្មួញល្មើស និងអាជ្ញាធរដែលអាចជាប់ពាក់ព័ន្ធនឹងបទល្មើសនេសាទសមុទ្រ ត្រូវបញ្ឈប់សកម្មភាពល្មើសនេះជាបន្ទាន់។
ផ្ដើមពីបទល្មើសនេះដែរ អភិបាលខេត្តព្រះសីហនុ លោក យន្ត មីន បានក្រើនរំឭកជាថ្មីទៀតដល់សមត្ថកិច្ចស្ថាប័នពាក់ព័ន្ធ ត្រូវខិតខំសហការរួមគ្នាទប់ស្កាត់សកម្មភាពបទល្មើសនេសាទសមុទ្រនានា មានដូចជាបទល្មើសកូនគ្រែង កូនក្តាម និងកូនខ្យងតូចៗ ពិសេសធនធានក្នុងសមុទ្រទាំងអស់ដើម្បីនាំចេញទៅលក់ដូរនៅក្រៅប្រទេសជាបន្តទៀត។ លោកអំពាវនាវដល់អ្នកជាប់ពាក់ព័ន្ធបទល្មើសជលផលសមុទ្រ ត្រូវបញ្ឈប់សកម្មភាពបំផ្លាញធនធានសមុទ្រជាបន្ទាន់ ហើយត្រូវមានស្មារតីជួយគិតគូរពីផលប្រយោជន៍ជាតិ ដោយចាប់ផ្ដើមពីខ្លួនយើងម្នាក់ៗ ដើម្បីខ្លួនយើង និងកូនចៅជំនាន់ក្រោយរបស់យើង។
លោក យន្ត មីន ស្នើដល់ប្រជាពលរដ្ឋ និងអាជ្ញាធរមានសមត្ថកិច្ចស្ថាប័នពាក់ព័ន្ធ ត្រូវរួមសហការគ្នាការពារធនធានធម្មជាតិទាំងនៅលើដីគោក និងនៅក្នុងសមុទ្រនាខេត្តព្រះសីហនុ ឲ្យបានគង់វង្ស៕