Image may be NSFW.
Clik here to view.
ដោយ ដែន អយុធ្យា RFA 2016-08-26
មន្ត្រីជំនាញនៃស្នងការដ្ឋាននគរបាលខេត្តព្រះសីហនុ បង្កើនសកម្មភាពចុះផ្សព្វផ្សាយស្ដីពីច្បាប់ចរាចរណ៍ផ្លូវគោកជូនដល់ប្រជាពលរដ្ឋធ្វើដំណើរតាមផ្លូវសាធារណៈ រហូតដល់មូលដ្ឋានឆ្ងាយពីទីប្រជុំជន ដើម្បីបញ្ជ្រាបការយល់ដឹងពីសារសំខាន់នៃការគោរពច្បាប់ចរាចរណ៍ ឬការពាក់មួកការពារសុវត្ថិភាពពេលបើកបរជាដើម។
លោកវរសេនីយ៍ឯក អ៊ី សុខា ស្នងការរងនគរបាលខេត្តព្រះសីហនុ និងជាប្រធានការិយាល័យកណ្ដាលនគរបាលសណ្ដាប់ធ្នាប់សាធារណៈមានប្រសាសន៍ថា ការបង្កើនសកម្មភាពចុះអប់រំច្បាប់ចរាចរណ៍របស់កម្លាំងជំនាញពេលនេះ គឺមានបំណងបញ្ជ្រាបការយល់ដឹងដល់ប្រជាពលរដ្ឋទូទៅ ពិសេសយុវជន ឲ្យចូលរួមគោរពច្បាប់ចរាចរណ៍ឲ្យបានទាំងអស់គ្នាដើម្បីកាត់បន្ថយអត្រាស្លាប់ និងរងរបួសដោយគ្រោះថ្នាក់ចរាចរណ៍នៅកម្ពុជា។
លោក អ៊ី សុខា ក៏បានអំពាវនាវដល់គ្រប់អង្គការសមាគម និងស្ថាប័នពាក់ព័ន្ធនានាក្នុងខេត្តព្រះសីហនុ រាប់បញ្ចូលទាំងគ្រឹះស្ថានសិក្សា ឬសាលារៀនជាដើម ត្រូវបំផុស និងចលនាឲ្យយុវជនចូលរួមអនុវត្តច្បាប់ចរាចរណ៍ផ្លូវគោកឲ្យបានគ្រប់ៗគ្នា៖ «»។
របាយការណ៍សកម្មភាពការងារ ឆមាសទី១ ឬ ៦ខែដើមឆ្នាំ២០១៦ របស់កម្លាំងជំនាញនៃស្នងការដ្ឋាននគរបាលខេត្តព្រះសីហនុ គឺបានបង្កើនការងារចុះត្រួតពិនិត្យអ្នកបើករថយន្តលើសល្បឿននៅតាមផ្លូវជាតិលេខ៤ ក្នុងសង្កាត់លេខ១ បានចំនួន ៤០លើក ទៅលើរថយន្តគ្រប់ប្រភេទមានចំនួន ៩៨៤គ្រឿង។ ជាមួយគ្នានេះ កម្លាំងជំនាញបានត្រួតពិនិត្យជាតិស្រវឹង និងអ្នកមិនពាក់មួកការពារសុវត្ថិភាពនៅពេលយប់មានចំនួន ៣៣លើក នាទីប្រជុំជនក្រុងព្រះសីហនុ ដោយរកឃើញអ្នកបើកបរមានជាតិអាកុល និងមួកសុវត្ថិភាពពេលយប់ សរុបលទ្ធផលរកឃើញអ្នកជិះម៉ូតូមិនពាក់មួក ៤៤១គ្រឿង និងអ្នកបើកបរមានជាតិអាកុល ឬផឹកស្រាស្រវឹងជោក មានចំនួន ២៣២នាក់ ហើយអ្នកបើកបររថយន្តចំនួន ១៦០នាក់ និងអ្នកបើកបរម៉ូតូចំនួន ៧២នាក់ ត្រូវទទួលការផាកពិន័យ។
របាយការណ៍ដដែលបង្ហាញថា លទ្ធផលផាកពិន័យសរុបនៅឆមាសទី១ ឆ្នាំ២០១៦ ទៅលើអ្នកបើកបររថយន្តគ្រប់ប្រភេទដែលបើកបរល្មើសច្បាប់ចរាចរណ៍ផ្លូវគោកទៅលើរថយន្តចំនួន ៧.០៦០គ្រឿង គឺសមត្ថកិច្ចបានផាកពិន័យបទល្មើសចរាចរណ៍ផ្លូវគោកមានចំនួន ៥.០៤៣គ្រឿង។
ផ្ដើមពីបញ្ហានេះ លោកឧត្ដមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានអំពាវនាវដល់ប្រជាពលរដ្ឋទូទៅ ពិសេសយុវជន ឲ្យចូលរួមគោរពច្បាប់ចរាចរណ៍ឲ្យបានទាំងអស់គ្នាដើម្បីកាត់បន្ថយអត្រាស្លាប់ និងគ្រោះថ្នាក់នេះឲ្យថយចុះចាប់ពីឆ្នាំ២០១៦ តទៅ។ លោកសង្កត់ធ្ងន់ថា ការបង្កើនការចុះអប់រំច្បាប់ចរាចរណ៍ជូនពលរដ្ឋទូទៅទាំងយប់ថ្ងៃរបស់កម្លាំងនគរបាលខេត្តព្រះសីហនុ ជាបន្តបន្ទាប់មកនេះ គឺក្នុងគោលបំណងចូលរួមចំណែកបង្កើនការយល់ដឹងពីច្បាប់ចរាចរណ៍ដល់ប្រជាពលរដ្ឋ ឈានដល់កាត់បន្ថយគ្រោះថ្នាក់ចរាចរណ៍ឲ្យថយមកចំនួនទាប។
លោក ជួន ណារិន្ទ អះអាងថា រាល់ថ្ងៃនេះគ្រោះថ្នាក់ចរាចរណ៍ភាគច្រើនគឺបង្កឡើងដោយកត្តាមនុស្សមិនគោរពច្បាប់ចរាចរណ៍ ច្រើនជាងកត្តាយានយន្ត។
មន្ត្រីសង្គមស៊ីវិលមួយចំនួននាខេត្តព្រះសីហនុ បានប្រាប់អាស៊ីសេរីថា រាល់ថ្ងៃពួកគេសង្កេតឃើញប្រជាពលរដ្ឋទាំងក្មេងចាស់ភាគច្រើនមិនបានចូលរួមគោរពច្បាប់ចរាចរណ៍ឲ្យស្របតាមការអំពាវនាវរបស់សមត្ថកិច្ចជំនាញទេ។ ក្នុងនោះបានបើកបររថយន្ត និងម៉ូតូភាគច្រើន បើកបរក្នុងស្ថានភាពស្រវឹង គ្មានពាក់មួកសុវត្ថិភាព ម៉ូតូគ្មានកញ្ចក់ ឬគ្មានស្លាកលេខ គ្មានភ្លើងបំភ្លឺ និងបើកបរក្នុងល្បឿនលឿនហួសច្បាប់កំណត់ជាដើម។
បញ្ហានេះ មន្ត្រីសង្គមស៊ីវិលគាំឲ្យសមត្ថកិច្ចនគរបាលរឹតបន្តឹងការផាកពិន័យឲ្យបានធ្ងន់ធ្ងរទៅលើបុគ្គលទាំងឡាយណាដែលបើកបរយានយន្តគ្រប់ប្រភេទមិនគោរពច្បាប់ចរាចរណ៍នៅតាមផ្លូវសាធារណៈនានា ដើម្បីឈានដល់កាត់បន្ថយអត្រាគ្រោះថ្នាក់នេះឲ្យមកចំនួនទាបនៅថ្ងៃខាងមុខ។
របាយការណ៍របស់ស្នងការដ្ឋាននគរបាលខេត្តព្រះសីហនុ បង្ហាញថា ឆមាសទី១ ឆ្នាំ២០១៦ មានគ្រោះថ្នាក់ចរាចរណ៍កើតមាននៅមូលដ្ឋាននេះចំនួន ១៧៦ករណី។ ក្នុងនោះមានមនុស្សស្លាប់ និងរងរបួសជិត ៤០០នាក់។ គ្រោះថ្នាក់នេះ បើប្រៀបធៀបពេលវេលាដូចគ្នាឆ្នាំ២០១៥ បានកើនឡើងជិត ៥០ករណី។ គ្រោះថ្នាក់នេះ បានសម្លាប់មនុស្សចំនួន ៥៦នាក់ កើន ២៤នាក់ និងរងរបួសធ្ងន់ស្រាល ៣១០នាក់ គឺកើន ៩៥នាក់ បើប្រៀបធៀបឆ្នាំ២០១៥។
គ្រោះថ្នាក់ចរាចរណ៍ឆមាសទី១ ដើមឆ្នាំ២០១៦ នាខេត្តព្រះសីហនុ បានខូចខាតយានយន្តគ្រប់ប្រភេទ ២៩២គ្រឿង។ បើប្រៀបធៀបឆមាសទី១ ឆ្នាំ២០១៥ បានកើន ៧៩គ្រឿង៕
Clik here to view.
ដោយ ដែន អយុធ្យា RFA 2016-08-26
មន្ត្រីជំនាញនៃស្នងការដ្ឋាននគរបាលខេត្តព្រះសីហនុ បង្កើនសកម្មភាពចុះផ្សព្វផ្សាយស្ដីពីច្បាប់ចរាចរណ៍ផ្លូវគោកជូនដល់ប្រជាពលរដ្ឋធ្វើដំណើរតាមផ្លូវសាធារណៈ រហូតដល់មូលដ្ឋានឆ្ងាយពីទីប្រជុំជន ដើម្បីបញ្ជ្រាបការយល់ដឹងពីសារសំខាន់នៃការគោរពច្បាប់ចរាចរណ៍ ឬការពាក់មួកការពារសុវត្ថិភាពពេលបើកបរជាដើម។
លោកវរសេនីយ៍ឯក អ៊ី សុខា ស្នងការរងនគរបាលខេត្តព្រះសីហនុ និងជាប្រធានការិយាល័យកណ្ដាលនគរបាលសណ្ដាប់ធ្នាប់សាធារណៈមានប្រសាសន៍ថា ការបង្កើនសកម្មភាពចុះអប់រំច្បាប់ចរាចរណ៍របស់កម្លាំងជំនាញពេលនេះ គឺមានបំណងបញ្ជ្រាបការយល់ដឹងដល់ប្រជាពលរដ្ឋទូទៅ ពិសេសយុវជន ឲ្យចូលរួមគោរពច្បាប់ចរាចរណ៍ឲ្យបានទាំងអស់គ្នាដើម្បីកាត់បន្ថយអត្រាស្លាប់ និងរងរបួសដោយគ្រោះថ្នាក់ចរាចរណ៍នៅកម្ពុជា។
លោក អ៊ី សុខា ក៏បានអំពាវនាវដល់គ្រប់អង្គការសមាគម និងស្ថាប័នពាក់ព័ន្ធនានាក្នុងខេត្តព្រះសីហនុ រាប់បញ្ចូលទាំងគ្រឹះស្ថានសិក្សា ឬសាលារៀនជាដើម ត្រូវបំផុស និងចលនាឲ្យយុវជនចូលរួមអនុវត្តច្បាប់ចរាចរណ៍ផ្លូវគោកឲ្យបានគ្រប់ៗគ្នា៖ «»។
របាយការណ៍សកម្មភាពការងារ ឆមាសទី១ ឬ ៦ខែដើមឆ្នាំ២០១៦ របស់កម្លាំងជំនាញនៃស្នងការដ្ឋាននគរបាលខេត្តព្រះសីហនុ គឺបានបង្កើនការងារចុះត្រួតពិនិត្យអ្នកបើករថយន្តលើសល្បឿននៅតាមផ្លូវជាតិលេខ៤ ក្នុងសង្កាត់លេខ១ បានចំនួន ៤០លើក ទៅលើរថយន្តគ្រប់ប្រភេទមានចំនួន ៩៨៤គ្រឿង។ ជាមួយគ្នានេះ កម្លាំងជំនាញបានត្រួតពិនិត្យជាតិស្រវឹង និងអ្នកមិនពាក់មួកការពារសុវត្ថិភាពនៅពេលយប់មានចំនួន ៣៣លើក នាទីប្រជុំជនក្រុងព្រះសីហនុ ដោយរកឃើញអ្នកបើកបរមានជាតិអាកុល និងមួកសុវត្ថិភាពពេលយប់ សរុបលទ្ធផលរកឃើញអ្នកជិះម៉ូតូមិនពាក់មួក ៤៤១គ្រឿង និងអ្នកបើកបរមានជាតិអាកុល ឬផឹកស្រាស្រវឹងជោក មានចំនួន ២៣២នាក់ ហើយអ្នកបើកបររថយន្តចំនួន ១៦០នាក់ និងអ្នកបើកបរម៉ូតូចំនួន ៧២នាក់ ត្រូវទទួលការផាកពិន័យ។
របាយការណ៍ដដែលបង្ហាញថា លទ្ធផលផាកពិន័យសរុបនៅឆមាសទី១ ឆ្នាំ២០១៦ ទៅលើអ្នកបើកបររថយន្តគ្រប់ប្រភេទដែលបើកបរល្មើសច្បាប់ចរាចរណ៍ផ្លូវគោកទៅលើរថយន្តចំនួន ៧.០៦០គ្រឿង គឺសមត្ថកិច្ចបានផាកពិន័យបទល្មើសចរាចរណ៍ផ្លូវគោកមានចំនួន ៥.០៤៣គ្រឿង។
ផ្ដើមពីបញ្ហានេះ លោកឧត្ដមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានអំពាវនាវដល់ប្រជាពលរដ្ឋទូទៅ ពិសេសយុវជន ឲ្យចូលរួមគោរពច្បាប់ចរាចរណ៍ឲ្យបានទាំងអស់គ្នាដើម្បីកាត់បន្ថយអត្រាស្លាប់ និងគ្រោះថ្នាក់នេះឲ្យថយចុះចាប់ពីឆ្នាំ២០១៦ តទៅ។ លោកសង្កត់ធ្ងន់ថា ការបង្កើនការចុះអប់រំច្បាប់ចរាចរណ៍ជូនពលរដ្ឋទូទៅទាំងយប់ថ្ងៃរបស់កម្លាំងនគរបាលខេត្តព្រះសីហនុ ជាបន្តបន្ទាប់មកនេះ គឺក្នុងគោលបំណងចូលរួមចំណែកបង្កើនការយល់ដឹងពីច្បាប់ចរាចរណ៍ដល់ប្រជាពលរដ្ឋ ឈានដល់កាត់បន្ថយគ្រោះថ្នាក់ចរាចរណ៍ឲ្យថយមកចំនួនទាប។
លោក ជួន ណារិន្ទ អះអាងថា រាល់ថ្ងៃនេះគ្រោះថ្នាក់ចរាចរណ៍ភាគច្រើនគឺបង្កឡើងដោយកត្តាមនុស្សមិនគោរពច្បាប់ចរាចរណ៍ ច្រើនជាងកត្តាយានយន្ត។
មន្ត្រីសង្គមស៊ីវិលមួយចំនួននាខេត្តព្រះសីហនុ បានប្រាប់អាស៊ីសេរីថា រាល់ថ្ងៃពួកគេសង្កេតឃើញប្រជាពលរដ្ឋទាំងក្មេងចាស់ភាគច្រើនមិនបានចូលរួមគោរពច្បាប់ចរាចរណ៍ឲ្យស្របតាមការអំពាវនាវរបស់សមត្ថកិច្ចជំនាញទេ។ ក្នុងនោះបានបើកបររថយន្ត និងម៉ូតូភាគច្រើន បើកបរក្នុងស្ថានភាពស្រវឹង គ្មានពាក់មួកសុវត្ថិភាព ម៉ូតូគ្មានកញ្ចក់ ឬគ្មានស្លាកលេខ គ្មានភ្លើងបំភ្លឺ និងបើកបរក្នុងល្បឿនលឿនហួសច្បាប់កំណត់ជាដើម។
បញ្ហានេះ មន្ត្រីសង្គមស៊ីវិលគាំឲ្យសមត្ថកិច្ចនគរបាលរឹតបន្តឹងការផាកពិន័យឲ្យបានធ្ងន់ធ្ងរទៅលើបុគ្គលទាំងឡាយណាដែលបើកបរយានយន្តគ្រប់ប្រភេទមិនគោរពច្បាប់ចរាចរណ៍នៅតាមផ្លូវសាធារណៈនានា ដើម្បីឈានដល់កាត់បន្ថយអត្រាគ្រោះថ្នាក់នេះឲ្យមកចំនួនទាបនៅថ្ងៃខាងមុខ។
របាយការណ៍របស់ស្នងការដ្ឋាននគរបាលខេត្តព្រះសីហនុ បង្ហាញថា ឆមាសទី១ ឆ្នាំ២០១៦ មានគ្រោះថ្នាក់ចរាចរណ៍កើតមាននៅមូលដ្ឋាននេះចំនួន ១៧៦ករណី។ ក្នុងនោះមានមនុស្សស្លាប់ និងរងរបួសជិត ៤០០នាក់។ គ្រោះថ្នាក់នេះ បើប្រៀបធៀបពេលវេលាដូចគ្នាឆ្នាំ២០១៥ បានកើនឡើងជិត ៥០ករណី។ គ្រោះថ្នាក់នេះ បានសម្លាប់មនុស្សចំនួន ៥៦នាក់ កើន ២៤នាក់ និងរងរបួសធ្ងន់ស្រាល ៣១០នាក់ គឺកើន ៩៥នាក់ បើប្រៀបធៀបឆ្នាំ២០១៥។
គ្រោះថ្នាក់ចរាចរណ៍ឆមាសទី១ ដើមឆ្នាំ២០១៦ នាខេត្តព្រះសីហនុ បានខូចខាតយានយន្តគ្រប់ប្រភេទ ២៩២គ្រឿង។ បើប្រៀបធៀបឆមាសទី១ ឆ្នាំ២០១៥ បានកើន ៧៩គ្រឿង៕