Image may be NSFW.
Clik here to view.
ដោយ ម៉ែន សុធីរ RFA 2016-08-26
ក្រុមយុវជន ពលរដ្ឋ និងអាជ្ញាធរមូលដ្ឋានខែត្រស្ទឹងត្រែង បារម្ភពីវាសនាសត្វផ្សោតនៅអន្លង់អូរឈើទាល បន្ទាប់ពីអ្នកនេសាទជនជាតិឡាវ ប្រើឧបករណ៍នេសាទខុសច្បាប់នៅក្បែរអន្លង់អភិរក្សបង្កគ្រោះថ្នាក់ដល់ការបន្លាស់ទីស្វែងរកចំណីរបស់សត្វផ្សោត។ ក្រុមយុវជនអំពាវនាវឲ្យរដ្ឋាភិបាល និងស្ថាប័នពាក់ព័ន្ធពង្រឹងការអភិរក្សតំបន់បម្លាស់ទីរបស់សត្វផ្សោតរកចំណី ខណៈតំបន់សំខាន់ៗកំពុងយាយីដោយប្រជាជនឡាវ។
ក្រុមយុវជនការពារសង្គម និងបរិស្ថាន រកឃើញថា ពលរដ្ឋឡាវ បានលួចឆ្មក់នេសាទប្រើប្រាស់ឧបករណ៍ឆក់ទំនើបនៅតំបន់សត្វផ្សោតបម្លាស់ទីដែលអាចប៉ះពាល់សត្វផ្សោតនៅតំបន់នោះ និងប៉ះពាល់ដល់មច្ឆជាតិធ្ងន់ធ្ងរនារដូវត្រីពង។
ក្រុមយុវជនការពារសង្គម និងបរិស្ថាន បានចុះស៊ើបអង្កេតពីស្ថានភាពទន្លេមេគង្គរយៈពេលពីរថ្ងៃចាប់ថ្ងៃទី២៣ ដល់ថ្ងៃទី២៤ ខែសីហា ដើម្បីតាមដានពីផលប៉ះពាល់បរិស្ថាន និងសង្គម បង្កឡើងដោយទំនប់វារីអគ្គិសនីដនសាហុង (Don Sahong) របស់ឡាវ។
តំណាងក្រុមយុវជន លោក ជុំ ហួត ឲ្យដឹងនៅថ្ងៃទី២៥ ខែសីហា ថា តំបន់ឆ្លងកាត់សំខាន់ៗរបស់សត្វផ្សោត សម្បូរដោយអ្នកនេសាទជនជាតិឡាវ ប្រើឧបករណ៍ខុសច្បាប់។ លោកថា ប្រសិនបើស្ថាប័នពាក់ព័ន្ធមិនយកចិត្តទុកដាក់រកមធ្យោបាយអភិរក្សឲ្យទាន់ពេលទេ សត្វកម្រនេះអាចផុតពូជ និងបណ្ដាលឲ្យបាត់បង់ប្រាក់ចំណូលពីវិស័យទេសចរណ៍។ លោកបញ្ជាក់ថា មកទល់ពេលនេះសត្វផ្សោតរស់នៅអន្លង់អូរឈើទាល នៃឃុំព្រះរំកិល នៅសល់បីក្បាលងើបបង្ហាញខ្លួន៖ «នៅជុំវិញតំបន់ដនសាងហុង គឺគេដាក់ជាតំបន់ហាមឃាត់គ្មាននរណាគេចូលបានទេ។ អ៊ីចឹងឡាវ គាត់គ្មានមុខ»។
មេឃុំព្រះរំកិល លោក ភាវ មឿងឃុន ទទួលស្គាល់ថា ប្រជាជនឡាវ បាននេសាទប្រើឧបករណ៍ខុសច្បាប់នៅតំបន់ព្រំដែនទឹកប្រទេសទាំងពីរ ហើយអាជ្ញាធរឃុំធ្លាប់បានស្នើឲ្យអាជ្ញាធរឡាវ អន្តរាគមន៍ករណីនេះតែពុំមានលទ្ធផល។ តែយ៉ាងណាលោកបានរាយការណ៍ករណីនេះទៅថ្នាក់លើរួចហើយដើម្បីអន្តរាគមន៍បន្តទៀត៖ «យើងទៅទំនាក់ទំនងសហការពិភាក្សាវាអត់មានប្រតិកម្មក្ដៅក្រហាយជាមួយយើងទេ។ ខ្ញុំក៏មិនដឹងថាម៉េចដែរ គេថា ទឹកដីរបស់គេអធិបតេយ្យភាពរបស់គេ»។
អតីតមន្ត្រីសម្របសម្រួលអង្គការបណ្ដាញការពារទន្លេបី លោក មៀច មាន ផ្ដល់មតិថា អាជ្ញាធររបស់កម្ពុជា ត្រូវលើកបញ្ហានេះក្នុងអង្គប្រជុំអាជ្ញាធរមូលដ្ឋានប្រទេសទាំងពីរដោយដាស់តឿនឲ្យអាជ្ញាធរឡាវ យល់ពីកំហុសធ្ងន់ធ្ងរករណីនេះ ដែលប៉ះពាល់ការប្រើប្រាស់ធនធានធម្មជាតិឆ្លងដែននៃប្រទេសទាំងពីរ។ លោកថា អាជ្ញាធរដែនដីប្រទេសទាំងពីរត្រូវស្វែងរកដំណោះស្រាយរួមមួយទាក់ទិនការប្រើប្រាស់ធនធានធម្មជាតិឆ្លងដែនឲ្យបានត្រឹមត្រូវ និងពង្រឹងការចែករំលែកព័ត៌មានទៅវិញទៅមកពីភាពមិនប្រក្រតីនានា នៅតំបន់នោះ៖ «តំបន់ដែលប្រជាជនឡាវ ធ្លាប់រស់នៅធ្លាប់រកស៊ីនៅតំបន់នោះ វាត្រូវបានបាត់មុខរបរត្រូវបានជម្លៀសចេញ។ ក្នុងផ្នត់គំនិតប្រជាជននៅតំបន់នោះ គឺគេគិតថា រដ្ឋាភិបាលបិទទន្លេបានរឿងអីដែលគេរកស៊ីមិនបាន»។
កាលពីខែឧសភា ឆ្នាំ២០១៦ ពលរដ្ឋរស់នៅឃុំអូរស្វាយ និងឃុំព្រះរំកិល ច្រើនគ្រួសារ រើសបានត្រីដែលគេបំពុលក្នុងមួយគ្រួសារចាប់ពី ១គីឡូក្រាមដល់ជាង ១០គីឡូក្រាមនៅខ្សែទឹកខាងលើនៃកន្ទុយកោះស្ដាំ ខាងលិចភូមិវ៉ើងខាម ខែត្រចម្ប៉ាដាក់ ប្រទេសឡាវ។ បន្ទាប់ពីរើសបានពលរដ្ឋច្រើនគ្រួសារបរិភោគត្រីគេបំពុលនោះ កើតអាការៈចុកពោះ ក្អួតចង្អោរ និងវិលមុខ។
អ្នកជំនាញបរិស្ថានកត់សម្គាល់ថា ជាទម្លាប់ការនេសាទរបស់ប្រជាជនខ្មែរ និងប្រជាជនឡាវ រស់នៅអមសងខាងទន្លេមេគង្គអាជ្ញាធរនៃប្រទេសទាំងពីរមិនបានអនុវត្តតំបន់ព្រំដែនរដ្ឋបាលទាក់ទងការនេសាទឆ្លងដែនឡើយ ហើយប្រជាជនឡាវ ច្រើនឆ្លងដែនមកនេសាទនៅទន្លេរបស់កម្ពុជា ដោយសារការនេសាទរបស់ប្រជាជនឡាវ នៅតំបន់កោះ ហ៊ូសាហុង (Hu Sahong) ឬច្រកសាហុង និងកោះដនសាដាម (Don Sadam) ខេត្តចម្ប៉ាដាក់ ប្រទេសឡាវ ត្រូវបានរដ្ឋាភិបាលឡាវ បិទការនេសាទទាំងស្រុងដើម្បីសាងសង់ទំនប់វារីអគ្គិសនីដនសាហុង៕
Clik here to view.
ដោយ ម៉ែន សុធីរ RFA 2016-08-26
ក្រុមយុវជន ពលរដ្ឋ និងអាជ្ញាធរមូលដ្ឋានខែត្រស្ទឹងត្រែង បារម្ភពីវាសនាសត្វផ្សោតនៅអន្លង់អូរឈើទាល បន្ទាប់ពីអ្នកនេសាទជនជាតិឡាវ ប្រើឧបករណ៍នេសាទខុសច្បាប់នៅក្បែរអន្លង់អភិរក្សបង្កគ្រោះថ្នាក់ដល់ការបន្លាស់ទីស្វែងរកចំណីរបស់សត្វផ្សោត។ ក្រុមយុវជនអំពាវនាវឲ្យរដ្ឋាភិបាល និងស្ថាប័នពាក់ព័ន្ធពង្រឹងការអភិរក្សតំបន់បម្លាស់ទីរបស់សត្វផ្សោតរកចំណី ខណៈតំបន់សំខាន់ៗកំពុងយាយីដោយប្រជាជនឡាវ។
ក្រុមយុវជនការពារសង្គម និងបរិស្ថាន រកឃើញថា ពលរដ្ឋឡាវ បានលួចឆ្មក់នេសាទប្រើប្រាស់ឧបករណ៍ឆក់ទំនើបនៅតំបន់សត្វផ្សោតបម្លាស់ទីដែលអាចប៉ះពាល់សត្វផ្សោតនៅតំបន់នោះ និងប៉ះពាល់ដល់មច្ឆជាតិធ្ងន់ធ្ងរនារដូវត្រីពង។
ក្រុមយុវជនការពារសង្គម និងបរិស្ថាន បានចុះស៊ើបអង្កេតពីស្ថានភាពទន្លេមេគង្គរយៈពេលពីរថ្ងៃចាប់ថ្ងៃទី២៣ ដល់ថ្ងៃទី២៤ ខែសីហា ដើម្បីតាមដានពីផលប៉ះពាល់បរិស្ថាន និងសង្គម បង្កឡើងដោយទំនប់វារីអគ្គិសនីដនសាហុង (Don Sahong) របស់ឡាវ។
តំណាងក្រុមយុវជន លោក ជុំ ហួត ឲ្យដឹងនៅថ្ងៃទី២៥ ខែសីហា ថា តំបន់ឆ្លងកាត់សំខាន់ៗរបស់សត្វផ្សោត សម្បូរដោយអ្នកនេសាទជនជាតិឡាវ ប្រើឧបករណ៍ខុសច្បាប់។ លោកថា ប្រសិនបើស្ថាប័នពាក់ព័ន្ធមិនយកចិត្តទុកដាក់រកមធ្យោបាយអភិរក្សឲ្យទាន់ពេលទេ សត្វកម្រនេះអាចផុតពូជ និងបណ្ដាលឲ្យបាត់បង់ប្រាក់ចំណូលពីវិស័យទេសចរណ៍។ លោកបញ្ជាក់ថា មកទល់ពេលនេះសត្វផ្សោតរស់នៅអន្លង់អូរឈើទាល នៃឃុំព្រះរំកិល នៅសល់បីក្បាលងើបបង្ហាញខ្លួន៖ «នៅជុំវិញតំបន់ដនសាងហុង គឺគេដាក់ជាតំបន់ហាមឃាត់គ្មាននរណាគេចូលបានទេ។ អ៊ីចឹងឡាវ គាត់គ្មានមុខ»។
មេឃុំព្រះរំកិល លោក ភាវ មឿងឃុន ទទួលស្គាល់ថា ប្រជាជនឡាវ បាននេសាទប្រើឧបករណ៍ខុសច្បាប់នៅតំបន់ព្រំដែនទឹកប្រទេសទាំងពីរ ហើយអាជ្ញាធរឃុំធ្លាប់បានស្នើឲ្យអាជ្ញាធរឡាវ អន្តរាគមន៍ករណីនេះតែពុំមានលទ្ធផល។ តែយ៉ាងណាលោកបានរាយការណ៍ករណីនេះទៅថ្នាក់លើរួចហើយដើម្បីអន្តរាគមន៍បន្តទៀត៖ «យើងទៅទំនាក់ទំនងសហការពិភាក្សាវាអត់មានប្រតិកម្មក្ដៅក្រហាយជាមួយយើងទេ។ ខ្ញុំក៏មិនដឹងថាម៉េចដែរ គេថា ទឹកដីរបស់គេអធិបតេយ្យភាពរបស់គេ»។
អតីតមន្ត្រីសម្របសម្រួលអង្គការបណ្ដាញការពារទន្លេបី លោក មៀច មាន ផ្ដល់មតិថា អាជ្ញាធររបស់កម្ពុជា ត្រូវលើកបញ្ហានេះក្នុងអង្គប្រជុំអាជ្ញាធរមូលដ្ឋានប្រទេសទាំងពីរដោយដាស់តឿនឲ្យអាជ្ញាធរឡាវ យល់ពីកំហុសធ្ងន់ធ្ងរករណីនេះ ដែលប៉ះពាល់ការប្រើប្រាស់ធនធានធម្មជាតិឆ្លងដែននៃប្រទេសទាំងពីរ។ លោកថា អាជ្ញាធរដែនដីប្រទេសទាំងពីរត្រូវស្វែងរកដំណោះស្រាយរួមមួយទាក់ទិនការប្រើប្រាស់ធនធានធម្មជាតិឆ្លងដែនឲ្យបានត្រឹមត្រូវ និងពង្រឹងការចែករំលែកព័ត៌មានទៅវិញទៅមកពីភាពមិនប្រក្រតីនានា នៅតំបន់នោះ៖ «តំបន់ដែលប្រជាជនឡាវ ធ្លាប់រស់នៅធ្លាប់រកស៊ីនៅតំបន់នោះ វាត្រូវបានបាត់មុខរបរត្រូវបានជម្លៀសចេញ។ ក្នុងផ្នត់គំនិតប្រជាជននៅតំបន់នោះ គឺគេគិតថា រដ្ឋាភិបាលបិទទន្លេបានរឿងអីដែលគេរកស៊ីមិនបាន»។
កាលពីខែឧសភា ឆ្នាំ២០១៦ ពលរដ្ឋរស់នៅឃុំអូរស្វាយ និងឃុំព្រះរំកិល ច្រើនគ្រួសារ រើសបានត្រីដែលគេបំពុលក្នុងមួយគ្រួសារចាប់ពី ១គីឡូក្រាមដល់ជាង ១០គីឡូក្រាមនៅខ្សែទឹកខាងលើនៃកន្ទុយកោះស្ដាំ ខាងលិចភូមិវ៉ើងខាម ខែត្រចម្ប៉ាដាក់ ប្រទេសឡាវ។ បន្ទាប់ពីរើសបានពលរដ្ឋច្រើនគ្រួសារបរិភោគត្រីគេបំពុលនោះ កើតអាការៈចុកពោះ ក្អួតចង្អោរ និងវិលមុខ។
អ្នកជំនាញបរិស្ថានកត់សម្គាល់ថា ជាទម្លាប់ការនេសាទរបស់ប្រជាជនខ្មែរ និងប្រជាជនឡាវ រស់នៅអមសងខាងទន្លេមេគង្គអាជ្ញាធរនៃប្រទេសទាំងពីរមិនបានអនុវត្តតំបន់ព្រំដែនរដ្ឋបាលទាក់ទងការនេសាទឆ្លងដែនឡើយ ហើយប្រជាជនឡាវ ច្រើនឆ្លងដែនមកនេសាទនៅទន្លេរបស់កម្ពុជា ដោយសារការនេសាទរបស់ប្រជាជនឡាវ នៅតំបន់កោះ ហ៊ូសាហុង (Hu Sahong) ឬច្រកសាហុង និងកោះដនសាដាម (Don Sadam) ខេត្តចម្ប៉ាដាក់ ប្រទេសឡាវ ត្រូវបានរដ្ឋាភិបាលឡាវ បិទការនេសាទទាំងស្រុងដើម្បីសាងសង់ទំនប់វារីអគ្គិសនីដនសាហុង៕
