Image may be NSFW.
Clik here to view.
មាស សុខជា ភ្នំពេញ ប៉ុស្តិ៍ Fri, 26 August 2016
ភ្នំពេញៈ គណបក្សប្រឆាំងបានចាត់ទុកការបន្តប្រើប្រាស់ប្រព័ន្ធតុលាការធ្វើជាឧបករណ៍នយោបាយក្នុងការធ្វើទុក្ខបុកម្នេញឥតឈប់ឈរទៅលើសកម្មជន និងមេដឹកនាំរបស់ខ្លួនថានឹងនាំឲ្យស្ថានការណ៍នយោបាយកាន់តែតានតឹងហើយធ្វើឲ្យការប្រកួតប្រជែងក្នុងការបោះឆ្នោតខាងមុខមិនយុត្តិធម៌ និងមិនស្មើភាព។
ជាការឆ្លើយតបនឹងសេចក្តីសម្រេចរបស់សាលាដំបូងរាជធានីភ្នំពេញចំពោះការប្រកាសបញ្ជូនសំណុំរឿងរបស់លោក កឹម សុខា ប្រធានស្តីទីនៃគណបក្សសង្គ្រោះជាតិទៅជំនុំជម្រះបន្ទាប់ពីបញ្ចប់ការស៊ើបអង្កេតលើករណីចោទប្រកាន់ពីបទ «បដិសេធមិនចូលបំភ្លឺ» នៅតុលាការកាលពីថ្ងៃទី ២៦ ឧសភា ជាសាក្សីនៅក្នុង «សំណុំរឿងសញ្ចារកម្ម» ជាមួយនារីកាត់សក់ឈ្មោះ ខុម ចាន់តារាទី ហៅ ស្រីមុំ។
គណបក្សសង្គ្រោះជាតិបានចេញសេចក្តីថ្លែងការណ៍មួយកាលពីម្សិលមិញដោយចាត់ទុកការប្រើប្រាស់ប្រព័ន្ធតុលាការជាឧបករណ៍នយោបាយក្នុងការធ្វើទុក្ខបុកម្នេញឥតឈប់ឈរទៅលើសកម្មជន និងមេដឹកនាំរបស់គណបក្សសង្គ្រោះជាតិដែលជាគណបក្សប្រឆាំងមានតំណាងរាស្រ្តចំនួន ៥៥ រូបតំណាងឲ្យសំឡេងប្រជាពលរដ្ឋស្ទើរពាក់កណ្តាលប្រទេសនោះនឹងនាំឲ្យស្ថានការណ៍នយោបាយកាន់តែតានតឹងហើយធ្វើឲ្យការប្រកួតប្រជែងក្នុងការបោះឆ្នោតខាងមុខមិនយុត្តិធម៌ និងមិនស្មើភាព។
សេចក្តីថ្លែងការណ៍បន្តថា៖ «ក្រុមសមាជិកសភាគណបក្សសង្គ្រោះជាតិមិនអាចទទួលយកបានជាដាច់ខាតនូវការសម្រេចរបស់តំណាងអយ្យការ និងចៅក្រមស៊ើបសួរនៃសាលាដំបូងរាជធានីភ្នំពេញដែលបានធ្វើការចោទប្រកាន់ស្ថាពរ និងបញ្ជូនសំណុំរឿងឯកឧត្តម កឹម សុខា ជាប្រធានស្តីទីគណបក្សសង្គ្រោះជាតិ និងជាអ្នកតំណាងរាស្រ្តទៅជំនុំជម្រះដោយមិនមានការលើកអភ័យឯកសិទ្ធិសភាជាមុន»។
សេចក្តីថ្លែងការណ៍បន្តថា៖ «ការសម្រេចរបស់តុលាការបែបនេះគឺជាការរំលោភយ៉ាងធ្ងន់ធ្ងរទៅលើរដ្ឋធម្មនុញ្ញនៃព្រះរាជាណាចក្រកម្ពុជាដែលជាច្បាប់កំពូលរបស់ជាតិ»។
គណបក្សសង្គ្រោះជាតិបានលើកឡើងថាមាត្រា ៨០ នៃរដ្ឋធម្មនុញ្ញ និងមាត្រា ៧ នៃច្បាប់ស្តីពីលក្ខន្តិកៈតំណាងរាស្រ្តបានចែងយ៉ាងច្បាស់ថាការចោទប្រកាន់ ការចាប់ខ្លួន ការឃាត់ខ្លួន ឬការឃុំខ្លួនលើអ្នកតំណាងរាស្រ្តណាម្នាក់បានលុះត្រាតែរដ្ឋសភាប្រជុំអនុម័តតាមមតិភាគច្រើនពីរភាគបីនៃចំនួនសមាជិកសភាទាំងមូលដើម្បីលើកអភ័យឯកសិទ្ធិសភាជាមុនសិន។
លោក កឹម សុខា គ្រាន់តែមិនបានទៅកាន់តុលាការដោយផ្ទាល់ដើម្បីឆ្លើយបំភ្លឺក្នុងនាមជាសាក្សី «មិនអាចចាត់ទុកជាបទល្មើសជាក់ស្តែងឡើយ» ហើយជាងនេះទៀតសមត្ថកិច្ចក៏មិនបានអនុវត្តលើករណីនេះស្របតាមនីតិវិធីសម្រាប់បទល្មើសជាក់ស្តែងនោះដែរ។
សេចក្តីថ្លែងការណ៍បន្តថា៖ «ការចោទប្រកាន់របស់តុលាការដោយមិនសមហេតុផល និងស្របតាមនីតិវិធីច្បាប់ជាធរមានបែបនេះគឺគ្រាន់តែជាលេសដើម្បីបង្ករឿងដាក់បន្ទុកទៅលើគណបក្សសង្គ្រោះជាតិតែប៉ុណ្ណោះ»។
ទន្ទឹមនេះគណបក្សសង្គ្រោះជាតិបានស្នើសុំសាលាដំបូងរាជធានីភ្នំពេញទម្លាក់ការចោទប្រកាន់ករណីលោក កឹម សុខា និងសូមអំពាវនាវដល់ភាគីពាក់ព័ន្ធ និងសាធារណមតិជាតិ និងអន្តរជាតិទាំងអស់ចូលរួមធ្វើយ៉ាងណាជំរុញស្ថានភាពនយោបាយនៅកម្ពុជាបច្ចុប្បន្នឲ្យវិលមករកភាពប្រក្រតីឡើងវិញដើម្បីឲ្យការបោះឆ្នោតនាពេលខាងមុខប្រព្រឹត្តទៅដោយសេរី ត្រឹមត្រូវ យុត្តិធម៌ និងជឿទុកចិត្តបាន។
ប៉ុន្តែអ្នកនាំពាក្យ CPP លោក សុខ ឥសាន បានចាត់ទុកសេចក្តីថ្លែងការណ៍របស់គណបក្សសង្គ្រោះជាតិថាជាការវាយប្រហារដដែលៗដែលគណបក្សសង្គ្រោះជាតិបានចោទប្រកាន់គណបក្សប្រជាជន ឬរដ្ឋាភិបាលថាប្រើប្រាស់តុលាការជាឧបករណ៍។ លោកថ្លែងថាប្រសិនបើលោក កឹម សុខា មិនបានធ្វើខុសច្បាប់តុលាការក៏មិនចោទប្រកាន់ និងបើកការជំនុំជម្រះលើរូបគាត់ដែរ។
លោកបន្តថា៖ «ការចោទប្រកាន់របស់គាត់គឺមិនពិតពីព្រោះករណីនេះកើតឡើងពាក់ព័ន្ធតែមន្រ្តីជាន់ខ្ពស់ [របស់គណបក្សសង្គ្រោះជាតិ] ដែលមានរឿងអាស្រូវស្នេហាប៉ុណ្ណោះដោយសារតែការប្រពឹត្តខុសច្បាប់របស់គាត់ដែលត្រូវតែទទួលខុសត្រូវចំពោះមុខច្បាប់»។
ឆ្លើយតបចំពោះការលើកឡើងដែលថាស្ថានការនេះនឹងនាំឲ្យមានការបោះឆ្នោតមិនយុត្តិធម៌ និងស្មើភាពលោក ឥសាន បានថ្លែងថាការបោះឆ្នោតយុត្តិធម៌ ឬមិនយុត្តិធម៌វាមិនមែនអាស្រ័យលើតម្លៃរបស់គណបក្សសង្គ្រោះជាតិទេប៉ុន្តែវាអាស្រ័យលើសាធារណជនទូទៅ និងគណៈកម្មាធិការជាតិរៀបចំការបោះឆ្នោតដែលជាអាជ្ញាកណ្តាលនៅក្នុងការបោះឆ្នោត។
លោកបន្តថា៖ «ជាធម្មតានីតិវិធីតុលាការពួកគេធ្វើតាមនីតិវិធីរបស់ពួកគេ។ ស្ថាប័នណាចង់និយាយថា [ស្ថានភាពនយោបាយ] ក្តៅស្ថាប័នណាចង់និយាយថា [ស្ថានភាពនយោបាយ] ត្រជាក់វាជារឿងរបស់ពួកគេ។ ប៉ុន្តែតុលាការមិនឈប់នៅកណ្តាលផ្លូវទេ»។
លោកថាតុលាការមិនមែនជាឧបករណ៍របស់គណបក្សប្រជាជនទេប៉ុន្តែវាជាឧបករណ៍ និងជាអំណាចរបស់ប្រជាជន។
ទោះយ៉ាងណាអ្នកវិភាគនយោបាយលោក អ៊ូ វីរៈ ប្រធានវេទិកាអនាគតបានថ្លែងថាករណីរបស់លោក កឹម សុខា ដែលនឹងបញ្ជូនទៅជំនុំជម្រះគឺគ្រាន់តែជាសម្ពាធទៅលើគណបក្សសង្គ្រោះជាតិដើម្បីធ្វើឲ្យគណបក្សសង្គ្រោះជាតិទន់ខ្សោយនៅក្នុងការបោះឆ្នោតឆ្នាំ ២០១៨ ដែលគណបក្សប្រជាជនកំពុងបារម្ភអំពីការចាញ់ឆ្នោតប៉ុន្តែថាការដាក់សម្ពាធបែបនេះលើលោក កឹម សុខា មិនមានប្រសិទ្ធភាពទេដោយសារប្រជាជនមិនចាប់អារម្មណ៍ចំពោះករណីរឿងស្នេហាបុគ្គលឡើយ។
លោក អ៊ូ វីរៈ បន្តថា៖ «កម្តៅនយោបាយគឺដោយសារការបោះឆ្នោតឆ្នាំ ២០១៨ ជាការបោះឆ្នោតមួយដែលខ្ញុំមើលទៅគណបក្សកាន់អំណាចគាត់បារម្ភ។ ឆ្នាំ ២០១៨ គឺជាការបោះឆ្នោតមួយដែលមិនដូចមុន។ នៅក្នុង [ការបោះឆ្នោត]មុនៗគណបក្សកាន់អំណាចមានទំនុកចិត្តជាង [ការបោះឆ្នោតឆ្នាំ ២០១៨ ]។ នៅឆ្នាំ ២០១៨ [គណបក្សប្រជាជន] មិនសូវមានទំនុកចិត្តពិតប្រាកដ»។
កាលពីថ្ងៃអង្គារចៅក្រមស៊ើបសួរលោក ថាន ឡេង បានបញ្ជូនករណីលោក កឹម សុខា ដែលកំពុងសម្ងំនៅក្នុងទីស្នាក់ការគណបក្សសង្គ្រោះជាតិទៅជំនុំជម្រះបន្ទាប់ពីបញ្ចប់ការស៊ើបអង្កេតលើបទចោទប្រកាន់ «បដិសេធចូលបំភ្លឺ» ជាសំណុំរឿងដែលមជ្ឈដ្ឋានជាតិ និងអន្តរជាតិជាច្រើនចាត់ទុកថាជារឿងនយោបាយ៕ PS
Clik here to view.
មាស សុខជា ភ្នំពេញ ប៉ុស្តិ៍ Fri, 26 August 2016
ភ្នំពេញៈ គណបក្សប្រឆាំងបានចាត់ទុកការបន្តប្រើប្រាស់ប្រព័ន្ធតុលាការធ្វើជាឧបករណ៍នយោបាយក្នុងការធ្វើទុក្ខបុកម្នេញឥតឈប់ឈរទៅលើសកម្មជន និងមេដឹកនាំរបស់ខ្លួនថានឹងនាំឲ្យស្ថានការណ៍នយោបាយកាន់តែតានតឹងហើយធ្វើឲ្យការប្រកួតប្រជែងក្នុងការបោះឆ្នោតខាងមុខមិនយុត្តិធម៌ និងមិនស្មើភាព។
ជាការឆ្លើយតបនឹងសេចក្តីសម្រេចរបស់សាលាដំបូងរាជធានីភ្នំពេញចំពោះការប្រកាសបញ្ជូនសំណុំរឿងរបស់លោក កឹម សុខា ប្រធានស្តីទីនៃគណបក្សសង្គ្រោះជាតិទៅជំនុំជម្រះបន្ទាប់ពីបញ្ចប់ការស៊ើបអង្កេតលើករណីចោទប្រកាន់ពីបទ «បដិសេធមិនចូលបំភ្លឺ» នៅតុលាការកាលពីថ្ងៃទី ២៦ ឧសភា ជាសាក្សីនៅក្នុង «សំណុំរឿងសញ្ចារកម្ម» ជាមួយនារីកាត់សក់ឈ្មោះ ខុម ចាន់តារាទី ហៅ ស្រីមុំ។
គណបក្សសង្គ្រោះជាតិបានចេញសេចក្តីថ្លែងការណ៍មួយកាលពីម្សិលមិញដោយចាត់ទុកការប្រើប្រាស់ប្រព័ន្ធតុលាការជាឧបករណ៍នយោបាយក្នុងការធ្វើទុក្ខបុកម្នេញឥតឈប់ឈរទៅលើសកម្មជន និងមេដឹកនាំរបស់គណបក្សសង្គ្រោះជាតិដែលជាគណបក្សប្រឆាំងមានតំណាងរាស្រ្តចំនួន ៥៥ រូបតំណាងឲ្យសំឡេងប្រជាពលរដ្ឋស្ទើរពាក់កណ្តាលប្រទេសនោះនឹងនាំឲ្យស្ថានការណ៍នយោបាយកាន់តែតានតឹងហើយធ្វើឲ្យការប្រកួតប្រជែងក្នុងការបោះឆ្នោតខាងមុខមិនយុត្តិធម៌ និងមិនស្មើភាព។
សេចក្តីថ្លែងការណ៍បន្តថា៖ «ក្រុមសមាជិកសភាគណបក្សសង្គ្រោះជាតិមិនអាចទទួលយកបានជាដាច់ខាតនូវការសម្រេចរបស់តំណាងអយ្យការ និងចៅក្រមស៊ើបសួរនៃសាលាដំបូងរាជធានីភ្នំពេញដែលបានធ្វើការចោទប្រកាន់ស្ថាពរ និងបញ្ជូនសំណុំរឿងឯកឧត្តម កឹម សុខា ជាប្រធានស្តីទីគណបក្សសង្គ្រោះជាតិ និងជាអ្នកតំណាងរាស្រ្តទៅជំនុំជម្រះដោយមិនមានការលើកអភ័យឯកសិទ្ធិសភាជាមុន»។
សេចក្តីថ្លែងការណ៍បន្តថា៖ «ការសម្រេចរបស់តុលាការបែបនេះគឺជាការរំលោភយ៉ាងធ្ងន់ធ្ងរទៅលើរដ្ឋធម្មនុញ្ញនៃព្រះរាជាណាចក្រកម្ពុជាដែលជាច្បាប់កំពូលរបស់ជាតិ»។
គណបក្សសង្គ្រោះជាតិបានលើកឡើងថាមាត្រា ៨០ នៃរដ្ឋធម្មនុញ្ញ និងមាត្រា ៧ នៃច្បាប់ស្តីពីលក្ខន្តិកៈតំណាងរាស្រ្តបានចែងយ៉ាងច្បាស់ថាការចោទប្រកាន់ ការចាប់ខ្លួន ការឃាត់ខ្លួន ឬការឃុំខ្លួនលើអ្នកតំណាងរាស្រ្តណាម្នាក់បានលុះត្រាតែរដ្ឋសភាប្រជុំអនុម័តតាមមតិភាគច្រើនពីរភាគបីនៃចំនួនសមាជិកសភាទាំងមូលដើម្បីលើកអភ័យឯកសិទ្ធិសភាជាមុនសិន។
លោក កឹម សុខា គ្រាន់តែមិនបានទៅកាន់តុលាការដោយផ្ទាល់ដើម្បីឆ្លើយបំភ្លឺក្នុងនាមជាសាក្សី «មិនអាចចាត់ទុកជាបទល្មើសជាក់ស្តែងឡើយ» ហើយជាងនេះទៀតសមត្ថកិច្ចក៏មិនបានអនុវត្តលើករណីនេះស្របតាមនីតិវិធីសម្រាប់បទល្មើសជាក់ស្តែងនោះដែរ។
សេចក្តីថ្លែងការណ៍បន្តថា៖ «ការចោទប្រកាន់របស់តុលាការដោយមិនសមហេតុផល និងស្របតាមនីតិវិធីច្បាប់ជាធរមានបែបនេះគឺគ្រាន់តែជាលេសដើម្បីបង្ករឿងដាក់បន្ទុកទៅលើគណបក្សសង្គ្រោះជាតិតែប៉ុណ្ណោះ»។
ទន្ទឹមនេះគណបក្សសង្គ្រោះជាតិបានស្នើសុំសាលាដំបូងរាជធានីភ្នំពេញទម្លាក់ការចោទប្រកាន់ករណីលោក កឹម សុខា និងសូមអំពាវនាវដល់ភាគីពាក់ព័ន្ធ និងសាធារណមតិជាតិ និងអន្តរជាតិទាំងអស់ចូលរួមធ្វើយ៉ាងណាជំរុញស្ថានភាពនយោបាយនៅកម្ពុជាបច្ចុប្បន្នឲ្យវិលមករកភាពប្រក្រតីឡើងវិញដើម្បីឲ្យការបោះឆ្នោតនាពេលខាងមុខប្រព្រឹត្តទៅដោយសេរី ត្រឹមត្រូវ យុត្តិធម៌ និងជឿទុកចិត្តបាន។
ប៉ុន្តែអ្នកនាំពាក្យ CPP លោក សុខ ឥសាន បានចាត់ទុកសេចក្តីថ្លែងការណ៍របស់គណបក្សសង្គ្រោះជាតិថាជាការវាយប្រហារដដែលៗដែលគណបក្សសង្គ្រោះជាតិបានចោទប្រកាន់គណបក្សប្រជាជន ឬរដ្ឋាភិបាលថាប្រើប្រាស់តុលាការជាឧបករណ៍។ លោកថ្លែងថាប្រសិនបើលោក កឹម សុខា មិនបានធ្វើខុសច្បាប់តុលាការក៏មិនចោទប្រកាន់ និងបើកការជំនុំជម្រះលើរូបគាត់ដែរ។
លោកបន្តថា៖ «ការចោទប្រកាន់របស់គាត់គឺមិនពិតពីព្រោះករណីនេះកើតឡើងពាក់ព័ន្ធតែមន្រ្តីជាន់ខ្ពស់ [របស់គណបក្សសង្គ្រោះជាតិ] ដែលមានរឿងអាស្រូវស្នេហាប៉ុណ្ណោះដោយសារតែការប្រពឹត្តខុសច្បាប់របស់គាត់ដែលត្រូវតែទទួលខុសត្រូវចំពោះមុខច្បាប់»។
ឆ្លើយតបចំពោះការលើកឡើងដែលថាស្ថានការនេះនឹងនាំឲ្យមានការបោះឆ្នោតមិនយុត្តិធម៌ និងស្មើភាពលោក ឥសាន បានថ្លែងថាការបោះឆ្នោតយុត្តិធម៌ ឬមិនយុត្តិធម៌វាមិនមែនអាស្រ័យលើតម្លៃរបស់គណបក្សសង្គ្រោះជាតិទេប៉ុន្តែវាអាស្រ័យលើសាធារណជនទូទៅ និងគណៈកម្មាធិការជាតិរៀបចំការបោះឆ្នោតដែលជាអាជ្ញាកណ្តាលនៅក្នុងការបោះឆ្នោត។
លោកបន្តថា៖ «ជាធម្មតានីតិវិធីតុលាការពួកគេធ្វើតាមនីតិវិធីរបស់ពួកគេ។ ស្ថាប័នណាចង់និយាយថា [ស្ថានភាពនយោបាយ] ក្តៅស្ថាប័នណាចង់និយាយថា [ស្ថានភាពនយោបាយ] ត្រជាក់វាជារឿងរបស់ពួកគេ។ ប៉ុន្តែតុលាការមិនឈប់នៅកណ្តាលផ្លូវទេ»។
លោកថាតុលាការមិនមែនជាឧបករណ៍របស់គណបក្សប្រជាជនទេប៉ុន្តែវាជាឧបករណ៍ និងជាអំណាចរបស់ប្រជាជន។
ទោះយ៉ាងណាអ្នកវិភាគនយោបាយលោក អ៊ូ វីរៈ ប្រធានវេទិកាអនាគតបានថ្លែងថាករណីរបស់លោក កឹម សុខា ដែលនឹងបញ្ជូនទៅជំនុំជម្រះគឺគ្រាន់តែជាសម្ពាធទៅលើគណបក្សសង្គ្រោះជាតិដើម្បីធ្វើឲ្យគណបក្សសង្គ្រោះជាតិទន់ខ្សោយនៅក្នុងការបោះឆ្នោតឆ្នាំ ២០១៨ ដែលគណបក្សប្រជាជនកំពុងបារម្ភអំពីការចាញ់ឆ្នោតប៉ុន្តែថាការដាក់សម្ពាធបែបនេះលើលោក កឹម សុខា មិនមានប្រសិទ្ធភាពទេដោយសារប្រជាជនមិនចាប់អារម្មណ៍ចំពោះករណីរឿងស្នេហាបុគ្គលឡើយ។
លោក អ៊ូ វីរៈ បន្តថា៖ «កម្តៅនយោបាយគឺដោយសារការបោះឆ្នោតឆ្នាំ ២០១៨ ជាការបោះឆ្នោតមួយដែលខ្ញុំមើលទៅគណបក្សកាន់អំណាចគាត់បារម្ភ។ ឆ្នាំ ២០១៨ គឺជាការបោះឆ្នោតមួយដែលមិនដូចមុន។ នៅក្នុង [ការបោះឆ្នោត]មុនៗគណបក្សកាន់អំណាចមានទំនុកចិត្តជាង [ការបោះឆ្នោតឆ្នាំ ២០១៨ ]។ នៅឆ្នាំ ២០១៨ [គណបក្សប្រជាជន] មិនសូវមានទំនុកចិត្តពិតប្រាកដ»។
កាលពីថ្ងៃអង្គារចៅក្រមស៊ើបសួរលោក ថាន ឡេង បានបញ្ជូនករណីលោក កឹម សុខា ដែលកំពុងសម្ងំនៅក្នុងទីស្នាក់ការគណបក្សសង្គ្រោះជាតិទៅជំនុំជម្រះបន្ទាប់ពីបញ្ចប់ការស៊ើបអង្កេតលើបទចោទប្រកាន់ «បដិសេធចូលបំភ្លឺ» ជាសំណុំរឿងដែលមជ្ឈដ្ឋានជាតិ និងអន្តរជាតិជាច្រើនចាត់ទុកថាជារឿងនយោបាយ៕ PS