Image may be NSFW.
Clik here to view.
ដោយ ថា កិត្យា RFA 2016-10-13
សង្គមស៊ីវិលនៅតែបារម្ភចំពោះបញ្ហាប្រឈមរបស់យុវជនក្នុងការទៅចុះឈ្មោះបោះឆ្នោត ថ្វីត្បិតតែតួលេខយុវជនដែលបានទៅចុះឈ្មោះបោះឆ្នោតកំពុងឈានមុខគេក្តី។ ដោយឡែកមន្ត្រីគណៈកម្មាធិការជាតិរៀបចំការបោះឆ្នោត (គ.ជ.ប) អះអាងថា បញ្ហាប្រឈមមានតិចតួច មិនមែនជាបញ្ហាធំដុំចំពោះមុខនោះទេ ហើយ គ.ជ.ប នឹងខិតខំដោះស្រាយ។
ក្រុមអង្គការសង្គមស៊ីវិល ថាបញ្ហាប្រឈមរបស់ប្រជាជន ជាពិសេសយុវជនក្នុងការទៅចុះឈ្មោះបោះឆ្នោតនោះរួមមាន បញ្ហាកង្វះការទទួលបានព័ត៌មាន បញ្ហាចំណាកស្រុក និងបញ្ហាកម្តៅនយោបាយ ជាដើម។
ប្រធាននៃមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព (PDP-CENTER) លោក យង់ គិមអេង មានប្រសាសន៍ថា គ.ជ.ប គួរតែពង្រឹងការផ្សព្វផ្សាយបន្ថែមដល់ប្រជាពលរដ្ឋរស់នៅតាមតំបន់ជនបទដាច់ស្រយាល ដែលនៅពុំទាន់ជ្រួតជ្រាបពីដំណើរការចុះឈ្មោះបោះឆ្នោតនៅឡើយ៖ «»។
ថ្លែងប្រាប់អ្នកសារព័ត៌មានក្នុងកម្មវិធីពិគ្រោះយោបល់ថ្នាក់ជាតិស្ដីពីការប្រឈម និងដំណោះស្រាយការចុះឈ្មោះបោះឆ្នោតរបស់យុវជន ដែលរៀបចំនៅសណ្ឋាគារ ហ៊ីម៉ាវ៉ារី (Himawari) នៅថ្ងៃទី១៣ ខែតុលា លោក យង់ គិមអេង បន្ថែមថា គ.ជ.ប គួរតែពង្រីកកិច្ចសហប្រតិបត្តិការឲ្យបានទូលំទូលាយជាមួយដៃគូពាក់ព័ន្ធដទៃ រួមទាំងអង្គការសង្គមស៊ីវិល និងស្ថាប័នរដ្ឋ ដើម្បីដោះស្រាយបញ្ហាប្រឈមនានាក្នុងដំណើរការចុះឈ្មោះបោះឆ្នោតឲ្យបានទាន់ពេលវេលា។
ទាក់ទងបញ្ហានេះ អគ្គលេខាធិការរង គ.ជ.ប លោក សោម សូរីដា ថ្លែងថា បើទោះបីជាដំណើរការចុះឈ្មោះបោះឆ្នោតជាងមួយខែមកនេះ បានជួបនឹងបញ្ហាខ្លះក៏ដោយ តែមិនមែនជាបញ្ហាប្រឈមចំពោះមុខធំដុំ ដែលរាំងស្ទះដល់ដំណើរការចុះធ្វើបញ្ជីបោះឆ្នោតថ្មីនោះឡើយ។ លោកអះអាងថា រហូតមកដល់ពេលនេះ យុវជនដែលមានវ័យចាប់ពី ១៨ឆ្នាំដល់ ៣០ឆ្នាំប្រមាណជាង ១លាន ៨សែននាក់ ឬស្មើនឹង ៣៤ភាគរយហើយបានទៅចុះឈ្មោះបោះឆ្នោត ដែលចំនួននេះខ្ពស់ជាងចំនួននៃវ័យដទៃទៀត។
ចំពោះបញ្ហាផ្សព្វផ្សាយនោះ លោក សោម សូរីដា បញ្ជាក់ថា គ.ជ.ប បានយកចិត្តទុកដាក់ខ្ពស់បំផុត ជាពិសេសកំពុងរៀបចំខ្សែទូរស័ព្ទពិសេស ឬ Hotline ប្រចាំការ ២៤ម៉ោង សម្រាប់ប្រជាពលរដ្ឋមានចម្ងល់ផ្សេងៗ អាចហៅចូលសួរព័ត៌មានពាក់ព័ន្ធនឹងការចុះឈ្មោះបោះឆ្នោតទៀតផង ក្រៅពីបានផ្សព្វផ្សាយតាមវិទ្យុ និងទូរទស្សន៍ផ្សេងៗ៖ «»។
គ.ជ.ប បានបង្ហាញលទ្ធផលបណ្ដោះអាសន្ននៃការចុះឈ្មោះបោះឆ្នោតដើម្បីរៀបចំបញ្ជីបោះឆ្នោតថ្មី ឆ្នាំ២០១៦ ចាប់ពីថ្ងៃទី១ កញ្ញា ដល់ត្រឹមថ្ងៃទី១២ ខែតុលា មានពលរដ្ឋទៅចុះឈ្មោះបោះឆ្នោតបានជាង ៥លាន ៣សែននាក់ហើយ (៥.៣៥៤.១៣៥នាក់) ក្នុងចំណោមពលរដ្ឋដែលគ្រប់អាយុមានសិទ្ធិបោះឆ្នោតដែល គ.ជ.ប បានប៉ាន់ប្រមាណចំនួន ៩,៦លាននាក់៕
Clik here to view.
ដោយ ថា កិត្យា RFA 2016-10-13
សង្គមស៊ីវិលនៅតែបារម្ភចំពោះបញ្ហាប្រឈមរបស់យុវជនក្នុងការទៅចុះឈ្មោះបោះឆ្នោត ថ្វីត្បិតតែតួលេខយុវជនដែលបានទៅចុះឈ្មោះបោះឆ្នោតកំពុងឈានមុខគេក្តី។ ដោយឡែកមន្ត្រីគណៈកម្មាធិការជាតិរៀបចំការបោះឆ្នោត (គ.ជ.ប) អះអាងថា បញ្ហាប្រឈមមានតិចតួច មិនមែនជាបញ្ហាធំដុំចំពោះមុខនោះទេ ហើយ គ.ជ.ប នឹងខិតខំដោះស្រាយ។
ក្រុមអង្គការសង្គមស៊ីវិល ថាបញ្ហាប្រឈមរបស់ប្រជាជន ជាពិសេសយុវជនក្នុងការទៅចុះឈ្មោះបោះឆ្នោតនោះរួមមាន បញ្ហាកង្វះការទទួលបានព័ត៌មាន បញ្ហាចំណាកស្រុក និងបញ្ហាកម្តៅនយោបាយ ជាដើម។
ប្រធាននៃមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព (PDP-CENTER) លោក យង់ គិមអេង មានប្រសាសន៍ថា គ.ជ.ប គួរតែពង្រឹងការផ្សព្វផ្សាយបន្ថែមដល់ប្រជាពលរដ្ឋរស់នៅតាមតំបន់ជនបទដាច់ស្រយាល ដែលនៅពុំទាន់ជ្រួតជ្រាបពីដំណើរការចុះឈ្មោះបោះឆ្នោតនៅឡើយ៖ «»។
ថ្លែងប្រាប់អ្នកសារព័ត៌មានក្នុងកម្មវិធីពិគ្រោះយោបល់ថ្នាក់ជាតិស្ដីពីការប្រឈម និងដំណោះស្រាយការចុះឈ្មោះបោះឆ្នោតរបស់យុវជន ដែលរៀបចំនៅសណ្ឋាគារ ហ៊ីម៉ាវ៉ារី (Himawari) នៅថ្ងៃទី១៣ ខែតុលា លោក យង់ គិមអេង បន្ថែមថា គ.ជ.ប គួរតែពង្រីកកិច្ចសហប្រតិបត្តិការឲ្យបានទូលំទូលាយជាមួយដៃគូពាក់ព័ន្ធដទៃ រួមទាំងអង្គការសង្គមស៊ីវិល និងស្ថាប័នរដ្ឋ ដើម្បីដោះស្រាយបញ្ហាប្រឈមនានាក្នុងដំណើរការចុះឈ្មោះបោះឆ្នោតឲ្យបានទាន់ពេលវេលា។
ទាក់ទងបញ្ហានេះ អគ្គលេខាធិការរង គ.ជ.ប លោក សោម សូរីដា ថ្លែងថា បើទោះបីជាដំណើរការចុះឈ្មោះបោះឆ្នោតជាងមួយខែមកនេះ បានជួបនឹងបញ្ហាខ្លះក៏ដោយ តែមិនមែនជាបញ្ហាប្រឈមចំពោះមុខធំដុំ ដែលរាំងស្ទះដល់ដំណើរការចុះធ្វើបញ្ជីបោះឆ្នោតថ្មីនោះឡើយ។ លោកអះអាងថា រហូតមកដល់ពេលនេះ យុវជនដែលមានវ័យចាប់ពី ១៨ឆ្នាំដល់ ៣០ឆ្នាំប្រមាណជាង ១លាន ៨សែននាក់ ឬស្មើនឹង ៣៤ភាគរយហើយបានទៅចុះឈ្មោះបោះឆ្នោត ដែលចំនួននេះខ្ពស់ជាងចំនួននៃវ័យដទៃទៀត។
ចំពោះបញ្ហាផ្សព្វផ្សាយនោះ លោក សោម សូរីដា បញ្ជាក់ថា គ.ជ.ប បានយកចិត្តទុកដាក់ខ្ពស់បំផុត ជាពិសេសកំពុងរៀបចំខ្សែទូរស័ព្ទពិសេស ឬ Hotline ប្រចាំការ ២៤ម៉ោង សម្រាប់ប្រជាពលរដ្ឋមានចម្ងល់ផ្សេងៗ អាចហៅចូលសួរព័ត៌មានពាក់ព័ន្ធនឹងការចុះឈ្មោះបោះឆ្នោតទៀតផង ក្រៅពីបានផ្សព្វផ្សាយតាមវិទ្យុ និងទូរទស្សន៍ផ្សេងៗ៖ «»។
គ.ជ.ប បានបង្ហាញលទ្ធផលបណ្ដោះអាសន្ននៃការចុះឈ្មោះបោះឆ្នោតដើម្បីរៀបចំបញ្ជីបោះឆ្នោតថ្មី ឆ្នាំ២០១៦ ចាប់ពីថ្ងៃទី១ កញ្ញា ដល់ត្រឹមថ្ងៃទី១២ ខែតុលា មានពលរដ្ឋទៅចុះឈ្មោះបោះឆ្នោតបានជាង ៥លាន ៣សែននាក់ហើយ (៥.៣៥៤.១៣៥នាក់) ក្នុងចំណោមពលរដ្ឋដែលគ្រប់អាយុមានសិទ្ធិបោះឆ្នោតដែល គ.ជ.ប បានប៉ាន់ប្រមាណចំនួន ៩,៦លាននាក់៕
