Image may be NSFW.
Clik here to view.
ដោយ ម៉ែន សុធីរ RFA 2016-10-14
ពលរដ្ឋរស់នៅភូមិអន្លង់ភេ ស្រុកថាឡាបរិវ៉ាត់ ត្អូញត្អែរអំពីស្ថានភាពផ្លូវលំបាកមិនអាចធ្វើដំណើរបាន ដែលប៉ះពាល់ជាខ្លាំងដល់ជីវភាពរស់នៅរបស់ពួកគេ។ អ្នកភូមិអំពាវនាវឲ្យអាជ្ញាធរពន្លឿនការកសាងផ្លូវលំដ៏សំខាន់មួយនេះក្នុងភូមិ។ ថ្នាក់ដឹកនាំស្រុកឲ្យដឹងថា គេមានគម្រោងកសាងផ្លូវមួយខ្សែនេះនៅឆ្នាំ២០១៧។
ផ្លូវលំមួយមានប្រវែងជាង ៨គីឡូម៉ែត្រ ពីឃុំចម្ការលើ ទៅឃុំអន្លង់ភេ ស្រុកថាឡាបរិវ៉ាត់ កំពុងមានស្ថានភាពយ៉ាប់យ៉ឺនខ្លាំង មានទាំងផ្លូវជង្ហុកជ្រៅៗ និងល្បាប់ភក់ ដែលពិបាកធ្វើដំណើរ។ អ្នកភូមិអះអាងថា ពួកគាត់បង្ខំចិត្តធ្វើដំណើរកាត់ផ្លូវនេះ ទាល់តែមានកិច្ចការចាំបាច់ខានមិនបានដូចជា កូនឈឺ និងស្ត្រីមានផ្ទៃពោះត្រូវបញ្ជូនទៅមន្ទីរពេទ្យ។
ពលរដ្ឋរស់នៅឃុំអន្លង់ភេ ស្រុកថាឡាបរិវ៉ាត់ លោក កាន់ យ៉ឺន ឲ្យដឹងនៅថ្ងៃទី១៣ ខែតុលា ថា ផ្លូវលំមួយខ្សែនេះជាផ្លូវស្នូលដ៏សំខាន់នៅតំបន់នេះ ដែលអ្នកភូមិអន្លង់ភេ តែងតែធ្វើដំណើរទៅមកពីទីរួមស្រុកថាឡាបរិវ៉ាត់ ឬទីរួមខេត្តស្ទឹងត្រែង តែបច្ចុប្បន្នផ្លូវនេះកំពុងក្លាយជាឧបសគ្គចម្បងរាំងខ្ទប់ការធ្វើដំណើររបស់អ្នកភូមិដឹកកសិផល និងប្រកបរបរចិញ្ចឹមជីវិត។ លោកកត់សម្គាល់ថា ប្រសិនបើធ្វើដំណើរនៅខែប្រាំង ត្រូវចំណាយពេលជាងមួយម៉ោង ក៏ប៉ុន្តែបើធ្វើដំណើរនៅខែវស្សាវិញ ត្រូវចំណាយពេលជិតមួយថ្ងៃ៖ «ផ្លូវនេះស្លាប់ម្នាក់ៗហើយ គ្មានរស់ទេ។ ខ្ញុំយកកូនទៅពេទ្យ (ជិះ) ផ្លូវនេះ សង្ស័យថា ម៉ោង ៣ល្ងាចបានដល់»។
ឆ្លើយតបរឿងនេះ ប្រធានរដ្ឋបាលសាលាស្រុកថាឡាបរិវ៉ាត់ លោក ថៃ អ៊ី ទទួលស្គាល់ថា ផ្លូវមួយខ្សែនេះមានស្ថានភាពលំបាក ក៏ប៉ុន្តែថ្នាក់ដឹកនាំស្រុកបានពិភាក្សាករណីនេះហើយ នឹងបង្វែរកសាងផ្លូវមួយខ្សែនេះនៅឆ្នាំ២០១៧ ដោយជំរុញឲ្យអាជ្ញាធរឃុំចម្ការលើ និងអាជ្ញាធរឃុំអន្លង់ភេ ចាប់ដៃគ្នាជួសជុលផ្លូវនេះឡើងវិញ។ លោកបញ្ជាក់ថា គម្រោងអភិវឌ្ឍន៍ផ្លូវនេះ រដ្ឋបាលស្រុកថាឡាបរិវ៉ាត់ បានព្យាយាមស្នើសុំទៅមន្ទីរអភិវឌ្ឍន៍ជនបទដែរ តែពុំទាន់ទទួលលទ្ធផល៖ «ថវិកាឃុំឆ្នាំ២០១៧ នឹងបង្វែរមកឲ្យធ្វើកន្លែងហ្នឹង។ ឆ្នាំ២០១៦ វាចុងឆ្នាំ ហើយណាមួយគាត់បានអនុម័តថវិកាគាត់ហើយ»។
ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព លោក យង់ គិមអេង ចាត់ទុកផ្លូវគឺជាសរសៃឈាមដ៏សំខាន់នៃជីវភាពរស់នៅរបស់ពលរដ្ឋដែលទាមទារឲ្យអាជ្ញាធររដ្ឋាភិបាលយកចិត្តទុកដាក់អភិវឌ្ឍផ្លូវណាដែលជាតំបន់អាទិភាពមុនគេ ដើម្បីកាត់បន្ថយភាពក្រីក្រ។ លោកទទូចឲ្យអាជ្ញាធរមូលដ្ឋានលើកផែនការវិនិយោគផ្លូវនោះជាអាទិភាពនៅឆ្នាំក្រោយ និងចៀសវាងអូសបន្លាយពេល បង្កជាឧបសគ្គដល់អ្នកធ្វើដំណើរ និងមុខរបរទទួលទានរបស់ពលរដ្ឋ៖ «ផ្លូវហ្នឹងលំបាកធ្វើដំណើរប៉ះពាល់របររកស៊ីច្រើនណាស់។ កាលណាប៉ះពាល់របររកស៊ីគាត់អត់ចេញទៅរកស៊ី គឺខាតទាំងពលរដ្ឋ ខាតទាំងរដ្ឋ។ កាលណាពលរដ្ឋអត់ប្រាក់ចំណូល ប្រជាពលរដ្ឋអត់មានខ្ទង់ចំណាយ ហើយរដ្ឋក៏អត់បានចំណូលដែរ»។
ឃុំអន្លង់ភេ ស្រុកថាឡាបរិវ៉ាត់ ខេត្តស្ទឹងត្រែង ឋិតនៅទិសខាងលិចឆៀងខាងជើងនៃទីរួមខេត្តស្ទឹងត្រែង ឆ្ងាយពីទីរួមខេត្តជាង ៤០គីឡូម៉ែត្រ។ ពលរដ្ឋរស់នៅទីនោះភាគច្រើនជាពលរដ្ឋជនជាតិដើមភាគតិចកួយ មានចំនួនជាង ១ពាន់គ្រួសារ ហើយនៅអមសងខាងផ្លូវទៅតំបន់នោះ សម្បូរដោយព្រៃល្បោះ ឬព្រៃរេចរឹល ព្រៃសហគមន៍ និងដីទំនេរដែលគេទើបកាប់រានយកដីនៅប៉ុន្មានឆ្នាំចុងក្រោយនេះ៕
Clik here to view.
ដោយ ម៉ែន សុធីរ RFA 2016-10-14
ពលរដ្ឋរស់នៅភូមិអន្លង់ភេ ស្រុកថាឡាបរិវ៉ាត់ ត្អូញត្អែរអំពីស្ថានភាពផ្លូវលំបាកមិនអាចធ្វើដំណើរបាន ដែលប៉ះពាល់ជាខ្លាំងដល់ជីវភាពរស់នៅរបស់ពួកគេ។ អ្នកភូមិអំពាវនាវឲ្យអាជ្ញាធរពន្លឿនការកសាងផ្លូវលំដ៏សំខាន់មួយនេះក្នុងភូមិ។ ថ្នាក់ដឹកនាំស្រុកឲ្យដឹងថា គេមានគម្រោងកសាងផ្លូវមួយខ្សែនេះនៅឆ្នាំ២០១៧។
ផ្លូវលំមួយមានប្រវែងជាង ៨គីឡូម៉ែត្រ ពីឃុំចម្ការលើ ទៅឃុំអន្លង់ភេ ស្រុកថាឡាបរិវ៉ាត់ កំពុងមានស្ថានភាពយ៉ាប់យ៉ឺនខ្លាំង មានទាំងផ្លូវជង្ហុកជ្រៅៗ និងល្បាប់ភក់ ដែលពិបាកធ្វើដំណើរ។ អ្នកភូមិអះអាងថា ពួកគាត់បង្ខំចិត្តធ្វើដំណើរកាត់ផ្លូវនេះ ទាល់តែមានកិច្ចការចាំបាច់ខានមិនបានដូចជា កូនឈឺ និងស្ត្រីមានផ្ទៃពោះត្រូវបញ្ជូនទៅមន្ទីរពេទ្យ។
ពលរដ្ឋរស់នៅឃុំអន្លង់ភេ ស្រុកថាឡាបរិវ៉ាត់ លោក កាន់ យ៉ឺន ឲ្យដឹងនៅថ្ងៃទី១៣ ខែតុលា ថា ផ្លូវលំមួយខ្សែនេះជាផ្លូវស្នូលដ៏សំខាន់នៅតំបន់នេះ ដែលអ្នកភូមិអន្លង់ភេ តែងតែធ្វើដំណើរទៅមកពីទីរួមស្រុកថាឡាបរិវ៉ាត់ ឬទីរួមខេត្តស្ទឹងត្រែង តែបច្ចុប្បន្នផ្លូវនេះកំពុងក្លាយជាឧបសគ្គចម្បងរាំងខ្ទប់ការធ្វើដំណើររបស់អ្នកភូមិដឹកកសិផល និងប្រកបរបរចិញ្ចឹមជីវិត។ លោកកត់សម្គាល់ថា ប្រសិនបើធ្វើដំណើរនៅខែប្រាំង ត្រូវចំណាយពេលជាងមួយម៉ោង ក៏ប៉ុន្តែបើធ្វើដំណើរនៅខែវស្សាវិញ ត្រូវចំណាយពេលជិតមួយថ្ងៃ៖ «ផ្លូវនេះស្លាប់ម្នាក់ៗហើយ គ្មានរស់ទេ។ ខ្ញុំយកកូនទៅពេទ្យ (ជិះ) ផ្លូវនេះ សង្ស័យថា ម៉ោង ៣ល្ងាចបានដល់»។
ឆ្លើយតបរឿងនេះ ប្រធានរដ្ឋបាលសាលាស្រុកថាឡាបរិវ៉ាត់ លោក ថៃ អ៊ី ទទួលស្គាល់ថា ផ្លូវមួយខ្សែនេះមានស្ថានភាពលំបាក ក៏ប៉ុន្តែថ្នាក់ដឹកនាំស្រុកបានពិភាក្សាករណីនេះហើយ នឹងបង្វែរកសាងផ្លូវមួយខ្សែនេះនៅឆ្នាំ២០១៧ ដោយជំរុញឲ្យអាជ្ញាធរឃុំចម្ការលើ និងអាជ្ញាធរឃុំអន្លង់ភេ ចាប់ដៃគ្នាជួសជុលផ្លូវនេះឡើងវិញ។ លោកបញ្ជាក់ថា គម្រោងអភិវឌ្ឍន៍ផ្លូវនេះ រដ្ឋបាលស្រុកថាឡាបរិវ៉ាត់ បានព្យាយាមស្នើសុំទៅមន្ទីរអភិវឌ្ឍន៍ជនបទដែរ តែពុំទាន់ទទួលលទ្ធផល៖ «ថវិកាឃុំឆ្នាំ២០១៧ នឹងបង្វែរមកឲ្យធ្វើកន្លែងហ្នឹង។ ឆ្នាំ២០១៦ វាចុងឆ្នាំ ហើយណាមួយគាត់បានអនុម័តថវិកាគាត់ហើយ»។
ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព លោក យង់ គិមអេង ចាត់ទុកផ្លូវគឺជាសរសៃឈាមដ៏សំខាន់នៃជីវភាពរស់នៅរបស់ពលរដ្ឋដែលទាមទារឲ្យអាជ្ញាធររដ្ឋាភិបាលយកចិត្តទុកដាក់អភិវឌ្ឍផ្លូវណាដែលជាតំបន់អាទិភាពមុនគេ ដើម្បីកាត់បន្ថយភាពក្រីក្រ។ លោកទទូចឲ្យអាជ្ញាធរមូលដ្ឋានលើកផែនការវិនិយោគផ្លូវនោះជាអាទិភាពនៅឆ្នាំក្រោយ និងចៀសវាងអូសបន្លាយពេល បង្កជាឧបសគ្គដល់អ្នកធ្វើដំណើរ និងមុខរបរទទួលទានរបស់ពលរដ្ឋ៖ «ផ្លូវហ្នឹងលំបាកធ្វើដំណើរប៉ះពាល់របររកស៊ីច្រើនណាស់។ កាលណាប៉ះពាល់របររកស៊ីគាត់អត់ចេញទៅរកស៊ី គឺខាតទាំងពលរដ្ឋ ខាតទាំងរដ្ឋ។ កាលណាពលរដ្ឋអត់ប្រាក់ចំណូល ប្រជាពលរដ្ឋអត់មានខ្ទង់ចំណាយ ហើយរដ្ឋក៏អត់បានចំណូលដែរ»។
ឃុំអន្លង់ភេ ស្រុកថាឡាបរិវ៉ាត់ ខេត្តស្ទឹងត្រែង ឋិតនៅទិសខាងលិចឆៀងខាងជើងនៃទីរួមខេត្តស្ទឹងត្រែង ឆ្ងាយពីទីរួមខេត្តជាង ៤០គីឡូម៉ែត្រ។ ពលរដ្ឋរស់នៅទីនោះភាគច្រើនជាពលរដ្ឋជនជាតិដើមភាគតិចកួយ មានចំនួនជាង ១ពាន់គ្រួសារ ហើយនៅអមសងខាងផ្លូវទៅតំបន់នោះ សម្បូរដោយព្រៃល្បោះ ឬព្រៃរេចរឹល ព្រៃសហគមន៍ និងដីទំនេរដែលគេទើបកាប់រានយកដីនៅប៉ុន្មានឆ្នាំចុងក្រោយនេះ៕
