Image may be NSFW.
Clik here to view.
ដោយ ដែន អយុធ្យា RFA 2016-10-18
ប្រជាពលរដ្ឋ ២៤គ្រួសាររស់នៅសហគមន៍កំពេញចាស់ ដែលសង់រោងស្នាក់នៅជាប់របងដីមានទំនាស់ចំកណ្ដាលក្រុងព្រះសីហនុ បន្តស្វែងរកកិច្ចអន្តរាគមន៍ពីលោកនាយករដ្ឋមន្ត្រី ហ៊ុន សែន ជួយរកយុត្តិធម៌។ ការស្វែងរកកិច្ចអន្តរាគមន៍នេះ កើតឡើងក្រោយពេលមន្ត្រីជំនាញស្ថាប័នពាក់ព័ន្ធនាខេត្តព្រះសីហនុ នាំកម្លាំងចម្រុះចុះរុះរើរោងស្នាក់របស់ពួកគេ ដើម្បីរង់ចាំដំណោះស្រាយដីធ្លីពីអាជ្ញាធរនៅជាប់របងដីមានទំនាស់ ស្ថិតក្នុងសង្កាត់លេខ៣ កាលពីល្ងាចថ្ងៃទី១៣ ខែតុលា នាំឲ្យពួកគេខ្វះជម្រក និងកំពុងរស់នៅក្រោមតំណក់ទឹកភ្លៀង និងកម្ដៅថ្ងៃ។
តំណាងប្រជាពលរដ្ឋ ២៤គ្រួសារដែលតុលាការខេត្តព្រះសីហនុ ចុះអនុវត្តដីកាសម្រេចរក្សាការពាររុះរើខ្ទម ឬរោងប្រក់កៅស៊ូសម្រាប់ជ្រកកាលពីថ្ងៃទី៥ ខែមិថុនា ឆ្នាំ២០១៥ បន្តដង្ហោយរកលោកនាយករដ្ឋមន្ត្រី ហ៊ុន សែន ជួយរកយុត្តិធម៌ នៅគ្រាទំនាស់នេះបានអូសពេលតាំងពីឆ្នាំ១៩៩៦ រហូតមកដល់ពេលនេះ នៅមិនទាន់មានដំណោះស្រាយនៅឡើយ។
លោកស្រី ហង្ស សោភា តំណាងពលរដ្ឋទាំង ២៤គ្រួសារ ថ្លែងទាំងអួលដើមក ទទូចដល់លោកនាយករដ្ឋមន្ត្រី និងអ្នកស្រី ប៊ុន រ៉ានី ជួយរកយុត្តិធម៌ឲ្យពួកគាត់ ដែលលោកស្រីអះអាងថាត្រូវឈ្មួញមានទ្រព្យឃុបឃិតជាមួយស្ថាប័នរដ្ឋមួយចំនួន រំលោភយក និងបណ្ដេញពួកគេចេញពីដីធ្លាប់រស់នៅ ដោយប្រើប្រព័ន្ធតុលាការ។ នៅពេលនេះទៀត ត្រូវរដ្ឋបាលខេត្តព្រះសីហនុ ចុះរុះរើរោងស្នាក់នៅចេញពីរបងដីមានទំនាស់ស្ថិតក្នុងសង្កាត់លេខ៣ កាលពីល្ងាចថ្ងៃទី១៣ ខែតុលា នាំឲ្យពួកគាត់ខ្វះជម្រកស្នាក់នៅ។
លោកស្រីបន្តថា ការទន្ទឹងរង់ចាំយុត្តិធម៌លើទំនាស់ដីធ្លីរ៉ាំរ៉ៃជិត ២០ឆ្នាំរបស់ប្រជាពលរដ្ឋ ២៤គ្រួសារនៅសហគមន៍កំពេញចាស់ ពួកគាត់ធ្លាប់បានស្វែងរកកិច្ចអន្តរាគមន៍ពីគ្រប់ស្ថាប័នរដ្ឋចាប់ពីថ្នាក់ខេត្ត រហូតដល់ស្ថាប័នថ្នាក់ជាតិ ក្រោយចាញ់ក្តីនៅតុលាការគ្រប់ជាន់ថ្នាក់។
លោកស្រី ហង្ស សោភា បង្ហាញអារម្មណ៍ក្តុកក្តួលនៅគ្រាប្រជាពលរដ្ឋពួកគាត់ទាំង ២៤គ្រួសារដែលជាម្ចាស់ដីពិតប្រាកដ មិនអាចមានសិទ្ធិរស់នៅលើដីធ្លាប់កាន់កាប់ ប៉ុន្តែបែរជាឈ្មួញមានទ្រព្យដែលកន្លងមកគ្មានវត្តមាននៅមូលដ្ឋាននេះ មានសិទ្ធិរស់នៅ និងកាន់កាប់ដីស្របច្បាប់ទៅវិញ៖ «សូមសម្ដេច ហ៊ុន សែន និងលោកជំទាវ ប៊ុន រ៉ានី ជួយរកយុត្តិធម៌ដីធ្លីជូនពលរដ្ឋក្នុងសហគមន៍ខ្ញុំផង ព្រោះពួកខ្ញុំគ្មានដីសង់ផ្ទះរស់នៅទេ គឺត្រូវគេរំលោភយកអស់ហើយ ហើយម្តាយរបស់ខ្ញុំដែលធ្លាប់ត្រូវអាជ្ញាធរចាប់ដាក់គុក និងដាក់ច្រវាក់ជើងកន្លងមក ដោយសារការទាមទារសិទ្ធិកាន់កាប់ដីធ្លីនេះ ក៏បានស្លាប់ទាំងមិនទាន់ទទួលបានយុត្តិធម៌ដែរកាលពីខែមុននេះ»។
យ៉ាងនេះក្តី លោកស្រី ហង្ស សោភា តំណាងប្រជាពលរដ្ឋ ២៤គ្រួសារ នៅសហគមន៍កំពេញចាស់ នៅតែមានក្តីរំពឹងថា នឹងមានដំណោះស្រាយពីលោកនាយករដ្ឋមន្ត្រី ហ៊ុន សែន ជួយរកយុត្តិធម៌សម្រាប់ពួកគាត់នៅថ្ងៃណាមួយ ទៅលើវិវាទដីធ្លីរ៉ាំរ៉ៃនៅសហគមន៍នេះ ឲ្យទទួលបានយុត្តិធម៌ឡើងវិញ។
ទាក់ទិនបញ្ហានេះ ស្ត្រីវ័យចាស់ម្នាក់ដែលធ្លាប់ត្រូវអាជ្ញាធរចាប់ដាក់គុកច្រវាក់ ក្នុងការទាមទារសិទ្ធិកាន់កាប់ដីធ្លីនៅក្នុងសហគមន៍កំពេញចាស់ និងធ្លាប់រំពឹងទទួលបានយុត្តិធម៌ពីលោកនាយករដ្ឋមន្ត្រី ហ៊ុន សែន លើទំនាស់ដីធ្លីនេះកន្លងមក បានស្លាប់ទាំងមិនទាន់ទទួលបានយុត្តិធម៌ក្នុងពេលថ្មីៗនេះ។
Image may be NSFW.
Clik here to view.
ទោះជាបែបនេះក្តី ភាគីទំនាស់ម្ខាងទៀតដែលមានបុគ្គលខ្លះមានងារជាឧកញ៉ា និងជាអ្នកមានទ្រព្យធនដ៏មានឥទ្ធិពលមួយចំនួនរស់នៅខេត្តព្រះសីហនុ បានអះអាងថា ទីតាំងដីធ្លីដែលប្រជាពលរដ្ឋទាំង ២៤គ្រួសារតវ៉ាទាមទារនេះ ពួកគេមានប្លង់កម្មសិទ្ធិស្របច្បាប់ចេញដោយស្ថាប័នជំនាញពាក់ព័ន្ធតាំងពីឆ្នាំ២០០៨ និងបានបង់ពន្ធដីជូនរដ្ឋជាបន្តបន្ទាប់រាល់ឆ្នាំ។ ជាងនេះទៀត រាល់សំណុំរឿងក្តីនៅប្រព័ន្ធតុលាការ ក៏ពួកគេបានឈ្នះក្តីរហូតទៅលើសំណុំរឿងដីធ្លីរវាងពួកគេ និងពលរដ្ឋនៅក្នុងសហគមន៍នេះ។
អភិបាលខេត្តព្រះសីហនុ លោក យន្ត មីន ធ្លាប់ពន្យល់ប្រជាពលរដ្ឋថា ទំនាស់ដីធ្លីដែលស្ថិតក្នុងដៃតុលាការដោះស្រាយ គឺរូបលោកគ្មានសិទ្ធិលូកដៃរកដំណោះស្រាយជូនទេ ប៉ុន្តែវិវាទដីធ្លីទាំងឡាយណាដែលមិនទាន់ស្ថិតក្នុងដៃតុលាការ រូបលោកក្នុងនាមថ្នាក់ដឹកនាំខេត្ត អាចមានសិទ្ធិសម្របសម្រួលឈានទៅរកដំណោះស្រាយជូនពលរដ្ឋ ដោយផ្អែកទៅលើគោលការណ៍ច្បាប់ និងការសម្បទានឲ្យគ្នាទៅវិញទៅមក ធ្វើយ៉ាងណាឲ្យគ្រប់ភាគីពាក់ព័ន្ធទទួលយកបានទាំងអស់គ្នា។
លោក យន្ត មីន ថាករណីទំនាស់ដីធ្លី ២៤គ្រួសារនៅសហគមន៍កំពេញចាស់នេះ វាហួសពីដែនសមត្ថកិច្ចរដ្ឋបាលខេត្តត្រូវដោះស្រាយ ហើយរឿងក្តីនេះក៏បានអូសបន្លាយពេលយូរឆ្នាំ មុនពេលរូបលោកបានមកដឹកនាំខេត្តនេះ៖ «ជារួមរដ្ឋបាលខេត្តព្រះសីហនុ គឺមិនបានកប់ទុកកិច្ចការ ឬកង្វល់របស់ប្រជាពលរដ្ឋក្នុងមូលដ្ឋាននេះស្នើសុំ ឬសុំកិច្ចអន្តរាគមន៍ចោលទេ ប៉ុន្តែកិច្ចការ ឬទំនាស់ទាំងឡាយណាដែលស្ថិតក្នុងប្រព័ន្ធតុលាការដោះស្រាយ ឬដោះស្រាយចប់សព្វគ្រប់អស់ហើយ រដ្ឋបាលខេត្តមិនអាចលូកដៃដោះស្រាយបានទេ គឺវាមិនមែនជាសមត្ថកិច្ចរបស់អាជ្ញាធរខេត្តត្រូវដោះស្រាយ ប៉ុន្តែប្រសិនបើទំនាស់នៅក្រៅប្រព័ន្ធតុលាការ គឺអាជ្ញាធរនឹងខិតខំរកដំណោះស្រាយជូនពលរដ្ឋឲ្យបានឈ្នះទាំងអស់គ្នា ឬទទួលបានដំណោះស្រាយសមរម្យទាំងគ្រប់ភាគីពាក់ព័ន្ធ»។
Image may be NSFW.
Clik here to view.![អាជ្ញាធររុះរើរោងស្នាក់នៅរបស់ពលរដ្ឋ ២៤គ្រួសារនៅសហគមន៍កំពេញចាស់ ស្ថិតក្នុងសង្កាត់លេខ៣ ក្រុងព្រះសីហនុ ខេត្តព្រះសីហនុ កាលពីថ្ងៃទី១៣ ខែតុលា ឆ្នាំ២០១៦។ RFA/Den Ayuthyea]()
អ្នកស្រី ជៀប សុធារី មន្ត្រីសម្របសម្រួលនៃសមាគមអាដហុក (ADHOC) ខេត្តព្រះសីហនុ ដែលបានឃ្លាំមើល និងអង្កេតករណីទំនាស់ដីធ្លីដ៏រ៉ាំរ៉ៃមួយនេះយូរឆ្នាំ ថ្លែងចាត់ទុកការដែលតុលាការសម្រេចសេចក្តីលើសំណុំរឿងដីធ្លីពលរដ្ឋ ២៤គ្រួសារនៅសង្កាត់លេខ៣ ចាញ់ក្តី ដោយសំអាងទៅលើភាគីម្ខាងមានប្លង់កម្មសិទ្ធិ គឺមិនទាន់ត្រឹមត្រូវទាំងស្រុងទេ។ អ្នកស្រីបន្តថា តុលាការគួរតែចុះស្រាវជ្រាវ ឬអង្កេតទៅលើប្លង់កម្មសិទ្ធិដែលភាគីម្ខាងទៀតទទួលបាននោះ ថាតើបានមកដោយស្របច្បាប់ ឬទទួលបានដោយការឃុបឃិតមានសំណូកពុករលួយពីស្ថាប័នពាក់ព័ន្ធណាមួយនាខេត្តព្រះសីហនុ៖ «តាមការសង្កេតបញ្ហាដីធ្លីនេះ ការដោះស្រាយនៅប្រព័ន្ធតុលាការកន្លងមក គឺមិនទាន់មានយុត្តិធម៌សម្រាប់ពលរដ្ឋទាំង ២៤គ្រួសារនេះទេ។ ហើយទំនាស់ដីធ្លីនេះកើតមានយូរឆ្នាំមកហើយ ហើយកន្លងមកមានប្រជាពលរដ្ឋជាច្រើនគ្រួសារនៅសហគមន៍នេះ ត្រូវអាជ្ញាធរបណ្ដេញចេញពីទីតាំងនេះ ហើយពលរដ្ឋមួយចំនួនក៏ត្រូវអាជ្ញាធរបានដោះស្រាយគោលនយោបាយជូនរួចហើយ ប៉ុន្តែនៅសល់ពលរដ្ឋ ២៤គ្រួសារនេះ ពួកគេមិនទាន់ដែលទទួលបានគោលនយោបាយម្តងណាទេកន្លងមកនេះ»។
តំណាងពលរដ្ឋមានទំនាស់ដីធ្លី ២៤គ្រួសារនៅសហគមន៍កំពេញចាស់ លោកស្រី ហង្ស សោភា បានឲ្យដឹងថា ទំហំផ្ទៃដីរបស់ពួកគាត់ទាំង ២៤គ្រួសារសរុបមានចំនួនជាង ៤ហិកតារ ត្រូវឈ្មួញមានទ្រព្យធនឃុបឃិតជាមួយមន្ត្រីមន្ទីររៀបចំដែនដី នគរូបនីយកម្ម និងសំណង់ខេត្តព្រះសីហនុ លួចធ្វើប្លង់កម្មសិទ្ធិ ទោះបីពួកគាត់បានដាក់បណ្ដឹងតវ៉ា ឬជំទាស់បែបណាក្តី។
លោកស្រីឲ្យដឹងថា អ្នកដឹកនាំកម្លាំងចុះរុះរើ និងរឹបអូសរោងប្រក់តង់កៅស៊ូរបស់ប្រជាពលរដ្ឋសហគមន៍កំពេញចាស់ ដែលសង់នៅលើចំណីផ្លូវសាធារណៈកាលពីល្ងាចថ្ងៃទី១៣ ខែតុលា មានអភិបាលរងខេត្តព្រះសីហនុ លោក ស្រ៊ុន ស្រ៊ន់ អភិបាលរងក្រុងព្រះសីហនុ លោក លី វណ្ណដា និងព្រះរាជអាជ្ញារងសាលាដំបូងខេត្តព្រះសីហនុ លោក រស់ សារាំ ព្រមទាំងមន្ត្រីស្ថាប័នពាក់ព័ន្ធមួយចំនួនទៀត។
សកម្មភាពរុះរើនេះ អាជ្ញាធរលើកហេតុផលថា ដើម្បីយកទីតាំងចិញ្ចើមផ្លូវដែលពលរដ្ឋសង់រោងស្នាក់នៅនេះ ស្ថាបនាផ្លូវក្រាលកៅស៊ូ និងស្ថាបនាលូបង្ហូរទឹក ត្រៀមស្វាគមន៍ពិធីបុណ្យសមុទ្រដែលខេត្តព្រះសីហនុ ទទួលធ្វើជាម្ចាស់ផ្ទះនៅចុងឆ្នាំនេះ ឲ្យមានសោភណភាពទាក់ទាញភ្ញៀវទេសចរជាតិ និងអន្តរជាតិឲ្យចូលមកទស្សនាបានច្រើន។
លោកស្រី ហង្ស សោភា អះអាងថា ម្ចាស់ពាក្យបណ្ដឹងចុងក្រោយលើសំណុំរឿងដីធ្លីនេះ មានឈ្មោះ ណាថ សុភក្រ និង ណាថ សុរិទ្ធ ជាអ្នកប្ដឹងពលរដ្ឋពួកគាត់នៅប្រព័ន្ធតុលាការ ក្នុងនោះក៏មានលោកឧកញ៉ា សុខ សុង បច្ចុប្បន្នមានតួនាទីជាអនុប្រធានសភាពាណិជ្ជកម្មខេត្តព្រះសីហនុ ក៏ស្ថិតក្នុងចំណោមឈ្មួញច្រើនទៀតមានឈ្មោះកាន់កាប់ចំណែកដីកំពុងមានទំនាស់ នៅក្នុងសង្កាត់លេខ៣ ក្រុងព្រះសីហនុ នេះដែរ។
ផ្ដើមពីបញ្ហានេះ លោកស្រី ហង្ស សោភា បានអំពាវនាវដល់អង្គភាពប្រឆាំងអំពើពុករលួយ ពិសេសលោកនាយករដ្ឋមន្ត្រី ហ៊ុន សែន ជាថ្មីទៀត ស្នើជួយបញ្ជូនមន្ត្រីជំនាញឯករាជ្យចុះស៊ើបអង្កេតភាពមិនប្រក្រតីនៃការឃុបឃិតជាលក្ខណៈប្រព័ន្ធ ចេញប្លង់កម្មសិទ្ធិរំលោភយកដីធ្លីពួកគាត់ ដែលធ្លាប់រស់នៅក្រោយឆ្នាំ១៩៧៩ មក ហើយដែលអាជ្ញាធរពាក់ព័ន្ធមិនផ្តល់ដំណឹងពិតជូនប្រមុខដឹកនាំ។ ជាងនេះទៀត កាលពីល្ងាចថ្ងៃព្រហស្បតិ៍ ទី១៤ ខែតុលា រដ្ឋបាលខេត្តព្រះសីហនុ ក៏បានដឹកនាំកម្លាំងចុះរុះរើរោងស្នាក់នៅបណ្ដោះអាសន្នរបស់ពួកគេ ចេញពីទីតាំងជាប់របងដីមានទំនាស់ ដោយរឹបអូសសំណង់ទាំងនោះយកទៅរក្សាទុក បណ្ដាលឲ្យពលរដ្ឋទាំង ២៤គ្រួសារខ្វះទីជម្រក និងរស់នៅក្រោមតំណក់ទឹកភ្លៀង និងកម្ដៅថ្ងៃពេលនេះ។
លោកស្រី ហង្ស សោភា បានរៀបរាប់ថា ទំនាស់នេះ ដើមឡើយមានការពាក់ព័ន្ធជាមួយក្រុមហ៊ុន ថៃ ប៊ុនរ៉ុង ហើយទំនាស់នេះកាលពីឆ្នាំ២០០៨ លោកនាយករដ្ឋមន្ត្រីក៏បានចុះមកដោះស្រាយផ្ទាល់ដល់ទីតាំងនេះ ដោយបានតម្រូវឲ្យក្រុមហ៊ុន ថៃ ប៊ុនរ៉ុង កាត់ដីពីក្រុមហ៊ុនចំនួន ១៦ហិកតារចែកជូនពលរដ្ឋពួកខ្ញុំចេញពីទំហំផ្ទៃដីចំនួន ៩២ហិកតារ ប៉ុន្តែបទបញ្ជារបស់ប្រមុខដឹកនាំកាលណោះ មន្ត្រីពាក់ព័ន្ធថ្នាក់ខេត្ត មិនអនុវត្តតាមទេ ហើយពលរដ្ឋទាំង ២៤គ្រួសារនៅសហគមន៍នេះ ក៏នៅមិនទាន់ទទួលបានចំណែកដីមួយចំអាមណាដែររហូតមកដល់ពេលនេះ៕
Clik here to view.
ដោយ ដែន អយុធ្យា RFA 2016-10-18
ប្រជាពលរដ្ឋ ២៤គ្រួសាររស់នៅសហគមន៍កំពេញចាស់ ដែលសង់រោងស្នាក់នៅជាប់របងដីមានទំនាស់ចំកណ្ដាលក្រុងព្រះសីហនុ បន្តស្វែងរកកិច្ចអន្តរាគមន៍ពីលោកនាយករដ្ឋមន្ត្រី ហ៊ុន សែន ជួយរកយុត្តិធម៌។ ការស្វែងរកកិច្ចអន្តរាគមន៍នេះ កើតឡើងក្រោយពេលមន្ត្រីជំនាញស្ថាប័នពាក់ព័ន្ធនាខេត្តព្រះសីហនុ នាំកម្លាំងចម្រុះចុះរុះរើរោងស្នាក់របស់ពួកគេ ដើម្បីរង់ចាំដំណោះស្រាយដីធ្លីពីអាជ្ញាធរនៅជាប់របងដីមានទំនាស់ ស្ថិតក្នុងសង្កាត់លេខ៣ កាលពីល្ងាចថ្ងៃទី១៣ ខែតុលា នាំឲ្យពួកគេខ្វះជម្រក និងកំពុងរស់នៅក្រោមតំណក់ទឹកភ្លៀង និងកម្ដៅថ្ងៃ។
តំណាងប្រជាពលរដ្ឋ ២៤គ្រួសារដែលតុលាការខេត្តព្រះសីហនុ ចុះអនុវត្តដីកាសម្រេចរក្សាការពាររុះរើខ្ទម ឬរោងប្រក់កៅស៊ូសម្រាប់ជ្រកកាលពីថ្ងៃទី៥ ខែមិថុនា ឆ្នាំ២០១៥ បន្តដង្ហោយរកលោកនាយករដ្ឋមន្ត្រី ហ៊ុន សែន ជួយរកយុត្តិធម៌ នៅគ្រាទំនាស់នេះបានអូសពេលតាំងពីឆ្នាំ១៩៩៦ រហូតមកដល់ពេលនេះ នៅមិនទាន់មានដំណោះស្រាយនៅឡើយ។
លោកស្រី ហង្ស សោភា តំណាងពលរដ្ឋទាំង ២៤គ្រួសារ ថ្លែងទាំងអួលដើមក ទទូចដល់លោកនាយករដ្ឋមន្ត្រី និងអ្នកស្រី ប៊ុន រ៉ានី ជួយរកយុត្តិធម៌ឲ្យពួកគាត់ ដែលលោកស្រីអះអាងថាត្រូវឈ្មួញមានទ្រព្យឃុបឃិតជាមួយស្ថាប័នរដ្ឋមួយចំនួន រំលោភយក និងបណ្ដេញពួកគេចេញពីដីធ្លាប់រស់នៅ ដោយប្រើប្រព័ន្ធតុលាការ។ នៅពេលនេះទៀត ត្រូវរដ្ឋបាលខេត្តព្រះសីហនុ ចុះរុះរើរោងស្នាក់នៅចេញពីរបងដីមានទំនាស់ស្ថិតក្នុងសង្កាត់លេខ៣ កាលពីល្ងាចថ្ងៃទី១៣ ខែតុលា នាំឲ្យពួកគាត់ខ្វះជម្រកស្នាក់នៅ។
លោកស្រីបន្តថា ការទន្ទឹងរង់ចាំយុត្តិធម៌លើទំនាស់ដីធ្លីរ៉ាំរ៉ៃជិត ២០ឆ្នាំរបស់ប្រជាពលរដ្ឋ ២៤គ្រួសារនៅសហគមន៍កំពេញចាស់ ពួកគាត់ធ្លាប់បានស្វែងរកកិច្ចអន្តរាគមន៍ពីគ្រប់ស្ថាប័នរដ្ឋចាប់ពីថ្នាក់ខេត្ត រហូតដល់ស្ថាប័នថ្នាក់ជាតិ ក្រោយចាញ់ក្តីនៅតុលាការគ្រប់ជាន់ថ្នាក់។
លោកស្រី ហង្ស សោភា បង្ហាញអារម្មណ៍ក្តុកក្តួលនៅគ្រាប្រជាពលរដ្ឋពួកគាត់ទាំង ២៤គ្រួសារដែលជាម្ចាស់ដីពិតប្រាកដ មិនអាចមានសិទ្ធិរស់នៅលើដីធ្លាប់កាន់កាប់ ប៉ុន្តែបែរជាឈ្មួញមានទ្រព្យដែលកន្លងមកគ្មានវត្តមាននៅមូលដ្ឋាននេះ មានសិទ្ធិរស់នៅ និងកាន់កាប់ដីស្របច្បាប់ទៅវិញ៖ «សូមសម្ដេច ហ៊ុន សែន និងលោកជំទាវ ប៊ុន រ៉ានី ជួយរកយុត្តិធម៌ដីធ្លីជូនពលរដ្ឋក្នុងសហគមន៍ខ្ញុំផង ព្រោះពួកខ្ញុំគ្មានដីសង់ផ្ទះរស់នៅទេ គឺត្រូវគេរំលោភយកអស់ហើយ ហើយម្តាយរបស់ខ្ញុំដែលធ្លាប់ត្រូវអាជ្ញាធរចាប់ដាក់គុក និងដាក់ច្រវាក់ជើងកន្លងមក ដោយសារការទាមទារសិទ្ធិកាន់កាប់ដីធ្លីនេះ ក៏បានស្លាប់ទាំងមិនទាន់ទទួលបានយុត្តិធម៌ដែរកាលពីខែមុននេះ»។
យ៉ាងនេះក្តី លោកស្រី ហង្ស សោភា តំណាងប្រជាពលរដ្ឋ ២៤គ្រួសារ នៅសហគមន៍កំពេញចាស់ នៅតែមានក្តីរំពឹងថា នឹងមានដំណោះស្រាយពីលោកនាយករដ្ឋមន្ត្រី ហ៊ុន សែន ជួយរកយុត្តិធម៌សម្រាប់ពួកគាត់នៅថ្ងៃណាមួយ ទៅលើវិវាទដីធ្លីរ៉ាំរ៉ៃនៅសហគមន៍នេះ ឲ្យទទួលបានយុត្តិធម៌ឡើងវិញ។
ទាក់ទិនបញ្ហានេះ ស្ត្រីវ័យចាស់ម្នាក់ដែលធ្លាប់ត្រូវអាជ្ញាធរចាប់ដាក់គុកច្រវាក់ ក្នុងការទាមទារសិទ្ធិកាន់កាប់ដីធ្លីនៅក្នុងសហគមន៍កំពេញចាស់ និងធ្លាប់រំពឹងទទួលបានយុត្តិធម៌ពីលោកនាយករដ្ឋមន្ត្រី ហ៊ុន សែន លើទំនាស់ដីធ្លីនេះកន្លងមក បានស្លាប់ទាំងមិនទាន់ទទួលបានយុត្តិធម៌ក្នុងពេលថ្មីៗនេះ។
Image may be NSFW.
Clik here to view.
ទោះជាបែបនេះក្តី ភាគីទំនាស់ម្ខាងទៀតដែលមានបុគ្គលខ្លះមានងារជាឧកញ៉ា និងជាអ្នកមានទ្រព្យធនដ៏មានឥទ្ធិពលមួយចំនួនរស់នៅខេត្តព្រះសីហនុ បានអះអាងថា ទីតាំងដីធ្លីដែលប្រជាពលរដ្ឋទាំង ២៤គ្រួសារតវ៉ាទាមទារនេះ ពួកគេមានប្លង់កម្មសិទ្ធិស្របច្បាប់ចេញដោយស្ថាប័នជំនាញពាក់ព័ន្ធតាំងពីឆ្នាំ២០០៨ និងបានបង់ពន្ធដីជូនរដ្ឋជាបន្តបន្ទាប់រាល់ឆ្នាំ។ ជាងនេះទៀត រាល់សំណុំរឿងក្តីនៅប្រព័ន្ធតុលាការ ក៏ពួកគេបានឈ្នះក្តីរហូតទៅលើសំណុំរឿងដីធ្លីរវាងពួកគេ និងពលរដ្ឋនៅក្នុងសហគមន៍នេះ។
អភិបាលខេត្តព្រះសីហនុ លោក យន្ត មីន ធ្លាប់ពន្យល់ប្រជាពលរដ្ឋថា ទំនាស់ដីធ្លីដែលស្ថិតក្នុងដៃតុលាការដោះស្រាយ គឺរូបលោកគ្មានសិទ្ធិលូកដៃរកដំណោះស្រាយជូនទេ ប៉ុន្តែវិវាទដីធ្លីទាំងឡាយណាដែលមិនទាន់ស្ថិតក្នុងដៃតុលាការ រូបលោកក្នុងនាមថ្នាក់ដឹកនាំខេត្ត អាចមានសិទ្ធិសម្របសម្រួលឈានទៅរកដំណោះស្រាយជូនពលរដ្ឋ ដោយផ្អែកទៅលើគោលការណ៍ច្បាប់ និងការសម្បទានឲ្យគ្នាទៅវិញទៅមក ធ្វើយ៉ាងណាឲ្យគ្រប់ភាគីពាក់ព័ន្ធទទួលយកបានទាំងអស់គ្នា។
លោក យន្ត មីន ថាករណីទំនាស់ដីធ្លី ២៤គ្រួសារនៅសហគមន៍កំពេញចាស់នេះ វាហួសពីដែនសមត្ថកិច្ចរដ្ឋបាលខេត្តត្រូវដោះស្រាយ ហើយរឿងក្តីនេះក៏បានអូសបន្លាយពេលយូរឆ្នាំ មុនពេលរូបលោកបានមកដឹកនាំខេត្តនេះ៖ «ជារួមរដ្ឋបាលខេត្តព្រះសីហនុ គឺមិនបានកប់ទុកកិច្ចការ ឬកង្វល់របស់ប្រជាពលរដ្ឋក្នុងមូលដ្ឋាននេះស្នើសុំ ឬសុំកិច្ចអន្តរាគមន៍ចោលទេ ប៉ុន្តែកិច្ចការ ឬទំនាស់ទាំងឡាយណាដែលស្ថិតក្នុងប្រព័ន្ធតុលាការដោះស្រាយ ឬដោះស្រាយចប់សព្វគ្រប់អស់ហើយ រដ្ឋបាលខេត្តមិនអាចលូកដៃដោះស្រាយបានទេ គឺវាមិនមែនជាសមត្ថកិច្ចរបស់អាជ្ញាធរខេត្តត្រូវដោះស្រាយ ប៉ុន្តែប្រសិនបើទំនាស់នៅក្រៅប្រព័ន្ធតុលាការ គឺអាជ្ញាធរនឹងខិតខំរកដំណោះស្រាយជូនពលរដ្ឋឲ្យបានឈ្នះទាំងអស់គ្នា ឬទទួលបានដំណោះស្រាយសមរម្យទាំងគ្រប់ភាគីពាក់ព័ន្ធ»។
Image may be NSFW.
Clik here to view.
អ្នកស្រី ជៀប សុធារី មន្ត្រីសម្របសម្រួលនៃសមាគមអាដហុក (ADHOC) ខេត្តព្រះសីហនុ ដែលបានឃ្លាំមើល និងអង្កេតករណីទំនាស់ដីធ្លីដ៏រ៉ាំរ៉ៃមួយនេះយូរឆ្នាំ ថ្លែងចាត់ទុកការដែលតុលាការសម្រេចសេចក្តីលើសំណុំរឿងដីធ្លីពលរដ្ឋ ២៤គ្រួសារនៅសង្កាត់លេខ៣ ចាញ់ក្តី ដោយសំអាងទៅលើភាគីម្ខាងមានប្លង់កម្មសិទ្ធិ គឺមិនទាន់ត្រឹមត្រូវទាំងស្រុងទេ។ អ្នកស្រីបន្តថា តុលាការគួរតែចុះស្រាវជ្រាវ ឬអង្កេតទៅលើប្លង់កម្មសិទ្ធិដែលភាគីម្ខាងទៀតទទួលបាននោះ ថាតើបានមកដោយស្របច្បាប់ ឬទទួលបានដោយការឃុបឃិតមានសំណូកពុករលួយពីស្ថាប័នពាក់ព័ន្ធណាមួយនាខេត្តព្រះសីហនុ៖ «តាមការសង្កេតបញ្ហាដីធ្លីនេះ ការដោះស្រាយនៅប្រព័ន្ធតុលាការកន្លងមក គឺមិនទាន់មានយុត្តិធម៌សម្រាប់ពលរដ្ឋទាំង ២៤គ្រួសារនេះទេ។ ហើយទំនាស់ដីធ្លីនេះកើតមានយូរឆ្នាំមកហើយ ហើយកន្លងមកមានប្រជាពលរដ្ឋជាច្រើនគ្រួសារនៅសហគមន៍នេះ ត្រូវអាជ្ញាធរបណ្ដេញចេញពីទីតាំងនេះ ហើយពលរដ្ឋមួយចំនួនក៏ត្រូវអាជ្ញាធរបានដោះស្រាយគោលនយោបាយជូនរួចហើយ ប៉ុន្តែនៅសល់ពលរដ្ឋ ២៤គ្រួសារនេះ ពួកគេមិនទាន់ដែលទទួលបានគោលនយោបាយម្តងណាទេកន្លងមកនេះ»។
តំណាងពលរដ្ឋមានទំនាស់ដីធ្លី ២៤គ្រួសារនៅសហគមន៍កំពេញចាស់ លោកស្រី ហង្ស សោភា បានឲ្យដឹងថា ទំហំផ្ទៃដីរបស់ពួកគាត់ទាំង ២៤គ្រួសារសរុបមានចំនួនជាង ៤ហិកតារ ត្រូវឈ្មួញមានទ្រព្យធនឃុបឃិតជាមួយមន្ត្រីមន្ទីររៀបចំដែនដី នគរូបនីយកម្ម និងសំណង់ខេត្តព្រះសីហនុ លួចធ្វើប្លង់កម្មសិទ្ធិ ទោះបីពួកគាត់បានដាក់បណ្ដឹងតវ៉ា ឬជំទាស់បែបណាក្តី។
លោកស្រីឲ្យដឹងថា អ្នកដឹកនាំកម្លាំងចុះរុះរើ និងរឹបអូសរោងប្រក់តង់កៅស៊ូរបស់ប្រជាពលរដ្ឋសហគមន៍កំពេញចាស់ ដែលសង់នៅលើចំណីផ្លូវសាធារណៈកាលពីល្ងាចថ្ងៃទី១៣ ខែតុលា មានអភិបាលរងខេត្តព្រះសីហនុ លោក ស្រ៊ុន ស្រ៊ន់ អភិបាលរងក្រុងព្រះសីហនុ លោក លី វណ្ណដា និងព្រះរាជអាជ្ញារងសាលាដំបូងខេត្តព្រះសីហនុ លោក រស់ សារាំ ព្រមទាំងមន្ត្រីស្ថាប័នពាក់ព័ន្ធមួយចំនួនទៀត។
សកម្មភាពរុះរើនេះ អាជ្ញាធរលើកហេតុផលថា ដើម្បីយកទីតាំងចិញ្ចើមផ្លូវដែលពលរដ្ឋសង់រោងស្នាក់នៅនេះ ស្ថាបនាផ្លូវក្រាលកៅស៊ូ និងស្ថាបនាលូបង្ហូរទឹក ត្រៀមស្វាគមន៍ពិធីបុណ្យសមុទ្រដែលខេត្តព្រះសីហនុ ទទួលធ្វើជាម្ចាស់ផ្ទះនៅចុងឆ្នាំនេះ ឲ្យមានសោភណភាពទាក់ទាញភ្ញៀវទេសចរជាតិ និងអន្តរជាតិឲ្យចូលមកទស្សនាបានច្រើន។
លោកស្រី ហង្ស សោភា អះអាងថា ម្ចាស់ពាក្យបណ្ដឹងចុងក្រោយលើសំណុំរឿងដីធ្លីនេះ មានឈ្មោះ ណាថ សុភក្រ និង ណាថ សុរិទ្ធ ជាអ្នកប្ដឹងពលរដ្ឋពួកគាត់នៅប្រព័ន្ធតុលាការ ក្នុងនោះក៏មានលោកឧកញ៉ា សុខ សុង បច្ចុប្បន្នមានតួនាទីជាអនុប្រធានសភាពាណិជ្ជកម្មខេត្តព្រះសីហនុ ក៏ស្ថិតក្នុងចំណោមឈ្មួញច្រើនទៀតមានឈ្មោះកាន់កាប់ចំណែកដីកំពុងមានទំនាស់ នៅក្នុងសង្កាត់លេខ៣ ក្រុងព្រះសីហនុ នេះដែរ។
ផ្ដើមពីបញ្ហានេះ លោកស្រី ហង្ស សោភា បានអំពាវនាវដល់អង្គភាពប្រឆាំងអំពើពុករលួយ ពិសេសលោកនាយករដ្ឋមន្ត្រី ហ៊ុន សែន ជាថ្មីទៀត ស្នើជួយបញ្ជូនមន្ត្រីជំនាញឯករាជ្យចុះស៊ើបអង្កេតភាពមិនប្រក្រតីនៃការឃុបឃិតជាលក្ខណៈប្រព័ន្ធ ចេញប្លង់កម្មសិទ្ធិរំលោភយកដីធ្លីពួកគាត់ ដែលធ្លាប់រស់នៅក្រោយឆ្នាំ១៩៧៩ មក ហើយដែលអាជ្ញាធរពាក់ព័ន្ធមិនផ្តល់ដំណឹងពិតជូនប្រមុខដឹកនាំ។ ជាងនេះទៀត កាលពីល្ងាចថ្ងៃព្រហស្បតិ៍ ទី១៤ ខែតុលា រដ្ឋបាលខេត្តព្រះសីហនុ ក៏បានដឹកនាំកម្លាំងចុះរុះរើរោងស្នាក់នៅបណ្ដោះអាសន្នរបស់ពួកគេ ចេញពីទីតាំងជាប់របងដីមានទំនាស់ ដោយរឹបអូសសំណង់ទាំងនោះយកទៅរក្សាទុក បណ្ដាលឲ្យពលរដ្ឋទាំង ២៤គ្រួសារខ្វះទីជម្រក និងរស់នៅក្រោមតំណក់ទឹកភ្លៀង និងកម្ដៅថ្ងៃពេលនេះ។
លោកស្រី ហង្ស សោភា បានរៀបរាប់ថា ទំនាស់នេះ ដើមឡើយមានការពាក់ព័ន្ធជាមួយក្រុមហ៊ុន ថៃ ប៊ុនរ៉ុង ហើយទំនាស់នេះកាលពីឆ្នាំ២០០៨ លោកនាយករដ្ឋមន្ត្រីក៏បានចុះមកដោះស្រាយផ្ទាល់ដល់ទីតាំងនេះ ដោយបានតម្រូវឲ្យក្រុមហ៊ុន ថៃ ប៊ុនរ៉ុង កាត់ដីពីក្រុមហ៊ុនចំនួន ១៦ហិកតារចែកជូនពលរដ្ឋពួកខ្ញុំចេញពីទំហំផ្ទៃដីចំនួន ៩២ហិកតារ ប៉ុន្តែបទបញ្ជារបស់ប្រមុខដឹកនាំកាលណោះ មន្ត្រីពាក់ព័ន្ធថ្នាក់ខេត្ត មិនអនុវត្តតាមទេ ហើយពលរដ្ឋទាំង ២៤គ្រួសារនៅសហគមន៍នេះ ក៏នៅមិនទាន់ទទួលបានចំណែកដីមួយចំអាមណាដែររហូតមកដល់ពេលនេះ៕