Image may be NSFW.
Clik here to view.
ដោយ ថា កិត្យា RFA 2016-10-24
ប្រធានសមាគមអាដហុក (ADHOC) មិនបានចូលខ្លួនបំភ្លឺតាមការកោះហៅរបស់សាលាដំបូងរាជធានីភ្នំពេញ ពាក់ព័ន្ធនឹងការចោទប្រកាន់រឿងអាស្រូវស្នេហារវាងប្រធានស្ដីទីគណបក្សសង្គ្រោះជាតិ លោក កឹម សុខា និងនាង ខុម ចាន់តារាទី ហៅស្រីមុំ នៅថ្ងៃទី២៤ ខែតុលា ដោយសារលោកកំពុងជាប់បេសកកម្មនៅក្រៅប្រទេស។ ចំពោះការខកខាននេះ ចៅក្រមស៊ើបសួរសាលាដំបូងរាជធានីភ្នំពេញ នឹងបន្តចំណាត់ការស៊ើបសួរលើសំណុំរឿងនេះបន្តទៀត។
សំណុំរឿងអាស្រូវស្នេហាដែលគេចោទថា កើតមានរវាងប្រធានស្តីទីគណបក្សសង្គ្រោះជាតិ លោក កឹម សុខា និងនាង ខុម ចាន់តារាទី ហៅស្រីមុំ នៅតែបន្តជះឥទ្ធិពលលើសមាគមការពារសិទ្ធិមនុស្សអាដហុកមកដល់ពេលនេះ។
តាមការកំណត់នៅក្នុងដីកាកោះរបស់ចៅក្រមស៊ើបសួរ នៃសាលាដំបូងរាជធានីភ្នំពេញនោះ គឺលោក ធន សារាយ ត្រូវចូលទៅបំភ្លឺនៅសាលាដំបូងរាជធានីភ្នំពេញ នៅថ្ងៃទី២៤ ខែតុលា ឆ្នាំ២០១៦ នេះ ក្នុងនាមសាក្សីក្នុងសំណុំរឿងសូកប៉ាន់សាក្សី ពាក់ព័ន្ធនឹងការចោទប្រកាន់រឿងអាស្រូវស្នេហារវាងលោក កឹម សុខា និងនាងស្រីមុំ។
ក៏ប៉ុន្តែមន្ត្រីសមាគមអាដហុក បញ្ជាក់ថា លោក ធន សារាយ មិនបានចូលទៅកាន់តុលាការនោះទេ ដោយសារតែកំពុងបំពេញបេសកកម្មនៅក្រៅប្រទេស ដែលមិនទាន់ច្បាស់ថាអាចនឹងវិលមកវិញពេលណានោះទេ។
អ្នកនាំពាក្យសាលាដំបូងរាជធានីភ្នំពេញ លោក លី សុផាណា បានឲ្យដឹងតាមបណ្ដាញទំនាក់ទំនងតេឡេក្រាម (Telegram) នៅថ្ងៃទី២៤ ខែតុលា ថា ចៅក្រមស៊ើបសួរនៃសាលាដំបូងរាជធានីភ្នំពេញ នឹងបន្តចំណាត់ការស៊ើបសួរលើសំណុំរឿងនេះបន្តទៀត ខណៈដែលលោក ធន សារាយ មិនចូលឆ្លើយតាមកាលបរិច្ឆេទកោះហៅនៅថ្ងៃទី២៤ តុលា នេះ។
អ្នកគ្រប់គ្រងបច្ចេកទេសការិយាល័យស៊ើបអង្កេតនៃអង្គការសិទ្ធិមនុស្សលីកាដូ (LICADHO) លោក អំ សំអាត មានប្រសាសន៍ថា ការកោះហៅលោក ធន សារាយ នៅពេលនេះ និងការចាប់ខ្លួនមន្ត្រីសមាគមអាដហុកកន្លងទៅ គឺជាការគំរាមកំហែងដល់សមាគមអាដហុកផ្ទាល់ និងគំរាមកំហែងដល់សកម្មជនការពារសិទ្ធិមនុស្សផ្សេងៗទៀត៖ «»។
ពាក់ព័ន្ធនឹងរឿងអាស្រូវស្នេហារវាងប្រធានស្ដីទីគណបក្សសង្គ្រោះជាតិ និងនាង ខុម ចាន់តារាទី នេះ មន្ត្រីសមាគមអាដហុកចំនួន ៤នាក់កំពុងជាប់ឃុំ ដោយត្រូវចោទប្រកាន់ថាបានសូកប៉ាន់សាក្សី។ អ្នកទាំងនោះរួមមាន លោក នី សុខា លោក យី សុខសាន្ត លោក ណៃ វ៉ង់ដា និងអ្នកស្រី លឹម មុន្នី។ ចំណែកអគ្គលេខាធិការរង គ.ជ.ប និងជាអតីតមន្ត្រីសមាគមអាដហុកដែរនោះ គឺលោក នី ចរិយា ក៏កំពុងជាប់ឃុំដែរ។ ក្រៅពីនេះ ក៏មានមន្ត្រីសមាគមនេះមួយចំនួនទៀត និងប្រធានមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ លោក ប៉ា ងួនទៀង ក៏ត្រូវកោះហៅឲ្យចូលបំភ្លឺក្នុងនាមសាក្សីដែរ។
សំណុំរឿងដែលនាំឲ្យមន្ត្រីអាដហុក និងអគ្គលេខាធិការរង គ.ជ.ប ត្រូវចាប់ឃុំខ្លួន និងមានមនុស្សមួយចំនួនទៀតត្រូវកោះហៅចូលទៅតុលាការនេះ ត្រូវអ្នកវិភាគនយោបាយចាត់ទុកថា ជាសំណុំរឿងដែលជាប់ពាក់ព័ន្ធនឹងរឿងនយោបាយ។ ម្ល៉ោះហើយទើបបានជាប្រជាពលរដ្ឋ ក្រុមអង្គការសង្គមស៊ីវិលមួយចំនួន បង្កើតយុទ្ធនាការថ្ងៃច័ន្ទពណ៌ខ្មៅ ដើម្បីតវ៉ាទាមទារឲ្យដោះលែងសកម្មជនការពារសិទ្ធិមនុស្សទាំងអស់ ដែលគេចាត់ទុកថាអ្នកទាំងអស់នេះ បានធ្វើការជួយប្រជាពលរដ្ឋរងគ្រោះដោយការរំលោភដីធ្លី និងសិទ្ធិមនុស្ស ជាដើម។
លោក អំ សំអាត យល់ថា បញ្ហានេះអាចធូរស្រាលទៅវិញនៅក្រោយស្ថានភាពតានតឹងផ្នែកនយោបាយបានបញ្ចប់៕
Clik here to view.
ដោយ ថា កិត្យា RFA 2016-10-24
ប្រធានសមាគមអាដហុក (ADHOC) មិនបានចូលខ្លួនបំភ្លឺតាមការកោះហៅរបស់សាលាដំបូងរាជធានីភ្នំពេញ ពាក់ព័ន្ធនឹងការចោទប្រកាន់រឿងអាស្រូវស្នេហារវាងប្រធានស្ដីទីគណបក្សសង្គ្រោះជាតិ លោក កឹម សុខា និងនាង ខុម ចាន់តារាទី ហៅស្រីមុំ នៅថ្ងៃទី២៤ ខែតុលា ដោយសារលោកកំពុងជាប់បេសកកម្មនៅក្រៅប្រទេស។ ចំពោះការខកខាននេះ ចៅក្រមស៊ើបសួរសាលាដំបូងរាជធានីភ្នំពេញ នឹងបន្តចំណាត់ការស៊ើបសួរលើសំណុំរឿងនេះបន្តទៀត។
សំណុំរឿងអាស្រូវស្នេហាដែលគេចោទថា កើតមានរវាងប្រធានស្តីទីគណបក្សសង្គ្រោះជាតិ លោក កឹម សុខា និងនាង ខុម ចាន់តារាទី ហៅស្រីមុំ នៅតែបន្តជះឥទ្ធិពលលើសមាគមការពារសិទ្ធិមនុស្សអាដហុកមកដល់ពេលនេះ។
តាមការកំណត់នៅក្នុងដីកាកោះរបស់ចៅក្រមស៊ើបសួរ នៃសាលាដំបូងរាជធានីភ្នំពេញនោះ គឺលោក ធន សារាយ ត្រូវចូលទៅបំភ្លឺនៅសាលាដំបូងរាជធានីភ្នំពេញ នៅថ្ងៃទី២៤ ខែតុលា ឆ្នាំ២០១៦ នេះ ក្នុងនាមសាក្សីក្នុងសំណុំរឿងសូកប៉ាន់សាក្សី ពាក់ព័ន្ធនឹងការចោទប្រកាន់រឿងអាស្រូវស្នេហារវាងលោក កឹម សុខា និងនាងស្រីមុំ។
ក៏ប៉ុន្តែមន្ត្រីសមាគមអាដហុក បញ្ជាក់ថា លោក ធន សារាយ មិនបានចូលទៅកាន់តុលាការនោះទេ ដោយសារតែកំពុងបំពេញបេសកកម្មនៅក្រៅប្រទេស ដែលមិនទាន់ច្បាស់ថាអាចនឹងវិលមកវិញពេលណានោះទេ។
អ្នកនាំពាក្យសាលាដំបូងរាជធានីភ្នំពេញ លោក លី សុផាណា បានឲ្យដឹងតាមបណ្ដាញទំនាក់ទំនងតេឡេក្រាម (Telegram) នៅថ្ងៃទី២៤ ខែតុលា ថា ចៅក្រមស៊ើបសួរនៃសាលាដំបូងរាជធានីភ្នំពេញ នឹងបន្តចំណាត់ការស៊ើបសួរលើសំណុំរឿងនេះបន្តទៀត ខណៈដែលលោក ធន សារាយ មិនចូលឆ្លើយតាមកាលបរិច្ឆេទកោះហៅនៅថ្ងៃទី២៤ តុលា នេះ។
អ្នកគ្រប់គ្រងបច្ចេកទេសការិយាល័យស៊ើបអង្កេតនៃអង្គការសិទ្ធិមនុស្សលីកាដូ (LICADHO) លោក អំ សំអាត មានប្រសាសន៍ថា ការកោះហៅលោក ធន សារាយ នៅពេលនេះ និងការចាប់ខ្លួនមន្ត្រីសមាគមអាដហុកកន្លងទៅ គឺជាការគំរាមកំហែងដល់សមាគមអាដហុកផ្ទាល់ និងគំរាមកំហែងដល់សកម្មជនការពារសិទ្ធិមនុស្សផ្សេងៗទៀត៖ «»។
ពាក់ព័ន្ធនឹងរឿងអាស្រូវស្នេហារវាងប្រធានស្ដីទីគណបក្សសង្គ្រោះជាតិ និងនាង ខុម ចាន់តារាទី នេះ មន្ត្រីសមាគមអាដហុកចំនួន ៤នាក់កំពុងជាប់ឃុំ ដោយត្រូវចោទប្រកាន់ថាបានសូកប៉ាន់សាក្សី។ អ្នកទាំងនោះរួមមាន លោក នី សុខា លោក យី សុខសាន្ត លោក ណៃ វ៉ង់ដា និងអ្នកស្រី លឹម មុន្នី។ ចំណែកអគ្គលេខាធិការរង គ.ជ.ប និងជាអតីតមន្ត្រីសមាគមអាដហុកដែរនោះ គឺលោក នី ចរិយា ក៏កំពុងជាប់ឃុំដែរ។ ក្រៅពីនេះ ក៏មានមន្ត្រីសមាគមនេះមួយចំនួនទៀត និងប្រធានមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ លោក ប៉ា ងួនទៀង ក៏ត្រូវកោះហៅឲ្យចូលបំភ្លឺក្នុងនាមសាក្សីដែរ។
សំណុំរឿងដែលនាំឲ្យមន្ត្រីអាដហុក និងអគ្គលេខាធិការរង គ.ជ.ប ត្រូវចាប់ឃុំខ្លួន និងមានមនុស្សមួយចំនួនទៀតត្រូវកោះហៅចូលទៅតុលាការនេះ ត្រូវអ្នកវិភាគនយោបាយចាត់ទុកថា ជាសំណុំរឿងដែលជាប់ពាក់ព័ន្ធនឹងរឿងនយោបាយ។ ម្ល៉ោះហើយទើបបានជាប្រជាពលរដ្ឋ ក្រុមអង្គការសង្គមស៊ីវិលមួយចំនួន បង្កើតយុទ្ធនាការថ្ងៃច័ន្ទពណ៌ខ្មៅ ដើម្បីតវ៉ាទាមទារឲ្យដោះលែងសកម្មជនការពារសិទ្ធិមនុស្សទាំងអស់ ដែលគេចាត់ទុកថាអ្នកទាំងអស់នេះ បានធ្វើការជួយប្រជាពលរដ្ឋរងគ្រោះដោយការរំលោភដីធ្លី និងសិទ្ធិមនុស្ស ជាដើម។
លោក អំ សំអាត យល់ថា បញ្ហានេះអាចធូរស្រាលទៅវិញនៅក្រោយស្ថានភាពតានតឹងផ្នែកនយោបាយបានបញ្ចប់៕
