Image may be NSFW.
Clik here to view.
ដោយ ម៉ែន សុធីរ RFA 2016-05-20
អាជីវករផ្សារខែត្រស្ទឹងត្រែង នៅតែបន្តការតវ៉ានៅខាងជើងផ្សារថ្ម ខែត្រស្ទឹងត្រែង ដើម្បីទាមទារឲ្យអាជ្ញាធរខែត្រ ផ្ទាកការសាងសង់បង្គន់អនាម័យ។ ក្រុមអាជីវករអះអាងថា ការសាងសង់បង្គន់អនាម័យចំនួន ៣០បង្គន់នោះ គឺឋិតនៅចំបរិវេណតូបរបស់ពួកគេមុនពេលត្រូវភ្លើងឆាបឆេះ។
អាជីវករផ្សារខែត្រស្ទឹងត្រែង ដែលមានតូបលក់ដូរជាប់ផ្លូវខាងជើងផ្សារ ប្រមាណ ៤០នាក់ បានលើកគ្នាតវ៉ាដោយចាប់ផ្ដើមកាលពីថ្ងៃទី១៧ ខែមេសា ដើម្បីទាមទារឲ្យផ្អាកការសាងសង់បង្គន់អនាម័យដែលអាជ្ញាធរកំពុងសាងសង់។ ក្រុមអាជីវករសម្តែងការខឹងសម្បាចំពោះការសង់បង្គន់អនាម័យ ៣០បង្គន់នេះ ទំនងជាត្រូវប្តូរទីតាំងតូបរបស់ពួកគេ ដែលផ្ទុយពីប្រសាសន៍លោកនាយករដ្ឋមន្ត្រី ហ៊ុន សែន ដែលបានថ្លែងថា គម្រោងកសាងផ្សារជូនអាជីវករថ្មីដូចទីតាំងចាស់ដដែល។
អាជីវករម្នាក់ក្នុងចំណោមអាជីវករច្រើនទៀត គឺលោកស្រី ប៊ុន ណាវី ប្រកាន់ជំហរថា ក្រុមអាជីវករនឹងបន្តការតវ៉ា រហូតទាល់តែអាជ្ញាធរខែត្រផ្អាកការសាងសង់ហើយ និងរកដំណោះស្រាយជូនពួកគាត់។ លោកស្រីថា បន្ទាប់ពីការទាមទាររយៈពេល ៣ថ្ងៃ អាជ្ញាធរក្រុង និងខែត្រ មិនបានមកដំណោះស្រាយជួនពួកគាត់ទេ ថែមទាំងមានកម្លាំងប្រដាប់អាវុធព្រមានចាប់ខ្លួនអាជីវករមួយចំនួនថែមទៀត៖ «តាមប្រសាសន៍សម្តេច ហ៊ុន សែន គាត់និយាយថា តូបនៅកន្លែងណានៅកន្លែងដើមបង្គន់អាចម៍ក៏នៅកន្លែងដើមវិញដែរ។ ដល់អ៊ីចឹងវាខុសគោលកាណ៍អភិវឌ្ឍន៍ តែអភិវឌ្ឍបង្គន់អាចម៍ឲ្យនៅក្នុងផ្សារវិញទៅ ព្រោះអីប្លង់ពីដើមមកតាំងពីជំនាន់ ៧៩ ៨០មក គឺបង្គន់នៅខាងក្នុងគឺនៅខាងក្នុងទាំងអស់ ទីស្នាក់ការប៉ូលីសក៏នៅខាងក្នុងដែរ»។
អាជីវករម្នាក់ទៀត លោក កាំង ធារ៉ា និយាយថា អាជីវករភាគច្រើនបានខ្ចីបុលធនាគារមកទិញតូប និងសម្ភារៈអស់រាប់ម៉ឺនដុល្លារដែលរំពឹងថា ទទួលបានប្រាក់ចំណេញពីការលក់ដូរដើម្បីបង្វិលប្រាក់សងម្ចាស់បំណុលតែបែរជាអាជ្ញាធរសាងសង់បង្គន់អនាម័យលើតូបរបស់ពួកគាត់ទៅវិញ។
លោកថា ប្រសិនបើទីតាំងលក់ដូរថ្មីមិនដូចទីតាំងចាស់ទេ អាចនឹងប៉ះពាល់ដល់ជីវភាពគ្រួសារពួកគេធ្ងន់ធ្ងរ និងហាក់ដូចជាផ្ដាច់ដង្ហើមចំណូលសេដ្ឋកិច្ចអាជីវករដែលនឹងជំរុញឲ្យពួកគេក្លាយជាកូនបំណុលរបស់ធនាគារ និងគ្រឹះស្ថានហិរញ្ញវត្ថុនានា ដែលអាចប្រឈមនឹងការខ្វះខាតប្រាក់បង្វិលសងម្ចាស់បំណុល ឬអាចត្រូវធនាគាររឹបអូសទ្រព្យសម្បត្តិ៖ «ខ្ញុំមកតវ៉ាដើម្បីតូបខ្ញុំប្រកបរបរចិញ្ចឹមជីវិតដើម្បីដោះធនាគារ។ ធនាគារមួយកន្លែង បីម៉ឺន មួយកន្លែងមួយម៉ឺន រួចទៅឲ្យគ្នាទៅទីពឹងអីបើយកតូបគ្នាហើយ។ អត់ល្អធ្វើអ៊ីចឹងបានអីក៏យើងគោរពគោលការណ៍របស់សម្តេចដែរ»។
ជុំវិញការតវ៉ានេះ អ្នកនាំពាក្យសាលាខែត្រស្ទឹងត្រែង លោក ម៉ែន គុង មានប្រសាសន៍ថា អាជ្ញាធរខែត្របានសម្រេចអនុវត្តគម្រោងសាងសង់តាមគំរូប្លង់ដើម្បីធានានូវសោភណភាព និងអនាម័យ។ លោកបញ្ជាក់ថា តូបរបស់ពលរដ្ឋគឺមិនឲ្យនៅជាប់ផ្លូវដូចទីតាំងចាស់នោះឡើយ ដើម្បីទុកកន្លែងចតម៉ូតូជាដើម។ លោកថា តូបរបស់ពលដ្ឋគឺឋិតក្នុងបរិវេណផ្សារទាំងអស់ ដូច្នេះអាជ្ញាធរសម្រេចសាងសង់បង្គន់ ៣០ ដើម្បីបំពេញតម្រូវការដល់សាធារណជន៖ «និយាយជារួមគឺតូបផ្សាររបស់បងប្អូនអាជីវករគឺចូលខាងក្នុងវិញហើយ។ នៅជុំវិញផ្សារគឺត្រូវតែមានផ្លូវដើរ ហើយកន្លែងចតម៉ូតូគៀនផ្សារគឺយើងអត់ឲ្យតូបជាប់មកដល់ផ្លូវទៀតទេ»។
មន្ត្រីសម្របសម្រួលសមាគមអាដហុក (ADHOC) ខែត្រស្ទឹងត្រែង លោក ហូ សំអុល យល់ថា ជុំវិញការតវ៉ារបស់ពលរដ្ឋគឺជាមូលដ្ឋានសំខាន់ដែលអាជ្ញាធរខែត្រគួរតែយកចិត្តទុកដាក់ដោះស្រាយ។ លោកបញ្ជាក់ថា អាជ្ញាធរខែត្រមុនសម្រេចសងសង់គួរតែមានការឯកភាពគ្នាជាមួយតំណាងអាជីវករជាមុនសិន ដើម្បីចៀសបាតុភាពកើតឡើង។ លោកចាត់ទុកការសាងសង់បង្គន់នោះអាចផ្ទុយពីប្រសាសន៍លោកនាយករដ្ឋមន្ត្រី៖ «គួរតែខែត្រកោះប្រជុំពលរដ្ឋមួយលើកទៀតដើម្បីយើងធ្វើជាប្លង់សាថ្មី អ៊ីចឹងទៅឲ្យមានការយល់ព្រមចាំយើងចាប់ផ្តើមសាងសង់ចៀសវាងករណីថ្ងៃហ្នឹង អ៊ីចឹងបើនៅតែធ្វើពលរដ្ឋនៅតែតវ៉ាអ៊ីចឹងវាធ្វើឲ្យអស្ថិរភាពសង្គមហើយខាតការងារ»។
កាលពីថ្ងៃទី១១ ខែមេសា លោកនាយករដ្ឋមន្ត្រី ហ៊ុន សែន ថ្លែងជាសាធារណៈថា នឹងសាងសង់ផ្សារថ្មី ខែត្រស្ទឹងត្រែង បន្ទាន់ ជូនអាជីវករខែត្រស្ទឹងត្រែង។ ការសម្រេចការសាងសង់ផ្សារនោះ គឺមានស្ថានភាពដូចទីតាំងចាស់៖ «ជាមួយខែត្រគេធ្វើការហើយ យើងធ្វើឲ្យតែអាខាងលើឲ្យទេ។ អាខាងក្រោមគាត់ធ្លាប់លក់កន្លែងណាគាត់ធ្វើតូបលក់ខ្លួនឯងកន្លែងហ្នឹងទៅ»។
កាលចុងខែមេសា អាជីវករជិត ២០០នាក់បានលើគ្នាតវ៉ានៅសាលាខែត្រស្ទឹងត្រែង បន្ទាប់ពីក្រុមអាជីវករបានឮព័ត៌មានថា អាជ្ញាធរនឹងរៀបទីតាំងលក់ដូរជាបែបផែនថ្មី ដែលពួកគាត់មិនពេញចិត្ត ខណៈចំនួនសាងសង់ផ្សារថ្មីរបស់អាជ្ញាធរបានកើនឡើង ១០០តូប។
ក្រុមអាជីវករអះអាងថា នឹងបន្តការតវ៉ាដើម្បីសុំការអន្តរាគមន៍នៅខុទ្ទកាល័យលោកនាយករដ្ឋមន្ត្រី ហ៊ុន សែន និងស្ថាប័នពាក់ព័ន្ធ បើអាជ្ញាធរខែត្រមិនផ្អាកការសាងសង់។
អាជ្ញាធរខែត្រស្ទឹងត្រែង គ្រោងសាងសង់តូបថ្មីមានទំហំ ២ម៉ែត្របួនជ្រុងស្មើៗគ្នា ប្រមាណ ១.៣២០តូប គឺកើនឡើង ១០០តូប និងមានទីតាំងផ្ញើម៉ូតូ។
កាលពីថ្ងៃទី៧ ខែមេសា ភ្លើងឆេះផ្សារថ្មស្ទឹងត្រែង អស់ ១.២២០តូប ដែលបំផ្លាញទ្រព្យសម្បត្តិរបស់អាជីវកររាប់លានដុល្លារ៕
Clik here to view.
ដោយ ម៉ែន សុធីរ RFA 2016-05-20
អាជីវករផ្សារខែត្រស្ទឹងត្រែង នៅតែបន្តការតវ៉ានៅខាងជើងផ្សារថ្ម ខែត្រស្ទឹងត្រែង ដើម្បីទាមទារឲ្យអាជ្ញាធរខែត្រ ផ្ទាកការសាងសង់បង្គន់អនាម័យ។ ក្រុមអាជីវករអះអាងថា ការសាងសង់បង្គន់អនាម័យចំនួន ៣០បង្គន់នោះ គឺឋិតនៅចំបរិវេណតូបរបស់ពួកគេមុនពេលត្រូវភ្លើងឆាបឆេះ។
អាជីវករផ្សារខែត្រស្ទឹងត្រែង ដែលមានតូបលក់ដូរជាប់ផ្លូវខាងជើងផ្សារ ប្រមាណ ៤០នាក់ បានលើកគ្នាតវ៉ាដោយចាប់ផ្ដើមកាលពីថ្ងៃទី១៧ ខែមេសា ដើម្បីទាមទារឲ្យផ្អាកការសាងសង់បង្គន់អនាម័យដែលអាជ្ញាធរកំពុងសាងសង់។ ក្រុមអាជីវករសម្តែងការខឹងសម្បាចំពោះការសង់បង្គន់អនាម័យ ៣០បង្គន់នេះ ទំនងជាត្រូវប្តូរទីតាំងតូបរបស់ពួកគេ ដែលផ្ទុយពីប្រសាសន៍លោកនាយករដ្ឋមន្ត្រី ហ៊ុន សែន ដែលបានថ្លែងថា គម្រោងកសាងផ្សារជូនអាជីវករថ្មីដូចទីតាំងចាស់ដដែល។
អាជីវករម្នាក់ក្នុងចំណោមអាជីវករច្រើនទៀត គឺលោកស្រី ប៊ុន ណាវី ប្រកាន់ជំហរថា ក្រុមអាជីវករនឹងបន្តការតវ៉ា រហូតទាល់តែអាជ្ញាធរខែត្រផ្អាកការសាងសង់ហើយ និងរកដំណោះស្រាយជូនពួកគាត់។ លោកស្រីថា បន្ទាប់ពីការទាមទាររយៈពេល ៣ថ្ងៃ អាជ្ញាធរក្រុង និងខែត្រ មិនបានមកដំណោះស្រាយជួនពួកគាត់ទេ ថែមទាំងមានកម្លាំងប្រដាប់អាវុធព្រមានចាប់ខ្លួនអាជីវករមួយចំនួនថែមទៀត៖ «តាមប្រសាសន៍សម្តេច ហ៊ុន សែន គាត់និយាយថា តូបនៅកន្លែងណានៅកន្លែងដើមបង្គន់អាចម៍ក៏នៅកន្លែងដើមវិញដែរ។ ដល់អ៊ីចឹងវាខុសគោលកាណ៍អភិវឌ្ឍន៍ តែអភិវឌ្ឍបង្គន់អាចម៍ឲ្យនៅក្នុងផ្សារវិញទៅ ព្រោះអីប្លង់ពីដើមមកតាំងពីជំនាន់ ៧៩ ៨០មក គឺបង្គន់នៅខាងក្នុងគឺនៅខាងក្នុងទាំងអស់ ទីស្នាក់ការប៉ូលីសក៏នៅខាងក្នុងដែរ»។
អាជីវករម្នាក់ទៀត លោក កាំង ធារ៉ា និយាយថា អាជីវករភាគច្រើនបានខ្ចីបុលធនាគារមកទិញតូប និងសម្ភារៈអស់រាប់ម៉ឺនដុល្លារដែលរំពឹងថា ទទួលបានប្រាក់ចំណេញពីការលក់ដូរដើម្បីបង្វិលប្រាក់សងម្ចាស់បំណុលតែបែរជាអាជ្ញាធរសាងសង់បង្គន់អនាម័យលើតូបរបស់ពួកគាត់ទៅវិញ។
លោកថា ប្រសិនបើទីតាំងលក់ដូរថ្មីមិនដូចទីតាំងចាស់ទេ អាចនឹងប៉ះពាល់ដល់ជីវភាពគ្រួសារពួកគេធ្ងន់ធ្ងរ និងហាក់ដូចជាផ្ដាច់ដង្ហើមចំណូលសេដ្ឋកិច្ចអាជីវករដែលនឹងជំរុញឲ្យពួកគេក្លាយជាកូនបំណុលរបស់ធនាគារ និងគ្រឹះស្ថានហិរញ្ញវត្ថុនានា ដែលអាចប្រឈមនឹងការខ្វះខាតប្រាក់បង្វិលសងម្ចាស់បំណុល ឬអាចត្រូវធនាគាររឹបអូសទ្រព្យសម្បត្តិ៖ «ខ្ញុំមកតវ៉ាដើម្បីតូបខ្ញុំប្រកបរបរចិញ្ចឹមជីវិតដើម្បីដោះធនាគារ។ ធនាគារមួយកន្លែង បីម៉ឺន មួយកន្លែងមួយម៉ឺន រួចទៅឲ្យគ្នាទៅទីពឹងអីបើយកតូបគ្នាហើយ។ អត់ល្អធ្វើអ៊ីចឹងបានអីក៏យើងគោរពគោលការណ៍របស់សម្តេចដែរ»។
ជុំវិញការតវ៉ានេះ អ្នកនាំពាក្យសាលាខែត្រស្ទឹងត្រែង លោក ម៉ែន គុង មានប្រសាសន៍ថា អាជ្ញាធរខែត្របានសម្រេចអនុវត្តគម្រោងសាងសង់តាមគំរូប្លង់ដើម្បីធានានូវសោភណភាព និងអនាម័យ។ លោកបញ្ជាក់ថា តូបរបស់ពលរដ្ឋគឺមិនឲ្យនៅជាប់ផ្លូវដូចទីតាំងចាស់នោះឡើយ ដើម្បីទុកកន្លែងចតម៉ូតូជាដើម។ លោកថា តូបរបស់ពលដ្ឋគឺឋិតក្នុងបរិវេណផ្សារទាំងអស់ ដូច្នេះអាជ្ញាធរសម្រេចសាងសង់បង្គន់ ៣០ ដើម្បីបំពេញតម្រូវការដល់សាធារណជន៖ «និយាយជារួមគឺតូបផ្សាររបស់បងប្អូនអាជីវករគឺចូលខាងក្នុងវិញហើយ។ នៅជុំវិញផ្សារគឺត្រូវតែមានផ្លូវដើរ ហើយកន្លែងចតម៉ូតូគៀនផ្សារគឺយើងអត់ឲ្យតូបជាប់មកដល់ផ្លូវទៀតទេ»។
មន្ត្រីសម្របសម្រួលសមាគមអាដហុក (ADHOC) ខែត្រស្ទឹងត្រែង លោក ហូ សំអុល យល់ថា ជុំវិញការតវ៉ារបស់ពលរដ្ឋគឺជាមូលដ្ឋានសំខាន់ដែលអាជ្ញាធរខែត្រគួរតែយកចិត្តទុកដាក់ដោះស្រាយ។ លោកបញ្ជាក់ថា អាជ្ញាធរខែត្រមុនសម្រេចសងសង់គួរតែមានការឯកភាពគ្នាជាមួយតំណាងអាជីវករជាមុនសិន ដើម្បីចៀសបាតុភាពកើតឡើង។ លោកចាត់ទុកការសាងសង់បង្គន់នោះអាចផ្ទុយពីប្រសាសន៍លោកនាយករដ្ឋមន្ត្រី៖ «គួរតែខែត្រកោះប្រជុំពលរដ្ឋមួយលើកទៀតដើម្បីយើងធ្វើជាប្លង់សាថ្មី អ៊ីចឹងទៅឲ្យមានការយល់ព្រមចាំយើងចាប់ផ្តើមសាងសង់ចៀសវាងករណីថ្ងៃហ្នឹង អ៊ីចឹងបើនៅតែធ្វើពលរដ្ឋនៅតែតវ៉ាអ៊ីចឹងវាធ្វើឲ្យអស្ថិរភាពសង្គមហើយខាតការងារ»។
កាលពីថ្ងៃទី១១ ខែមេសា លោកនាយករដ្ឋមន្ត្រី ហ៊ុន សែន ថ្លែងជាសាធារណៈថា នឹងសាងសង់ផ្សារថ្មី ខែត្រស្ទឹងត្រែង បន្ទាន់ ជូនអាជីវករខែត្រស្ទឹងត្រែង។ ការសម្រេចការសាងសង់ផ្សារនោះ គឺមានស្ថានភាពដូចទីតាំងចាស់៖ «ជាមួយខែត្រគេធ្វើការហើយ យើងធ្វើឲ្យតែអាខាងលើឲ្យទេ។ អាខាងក្រោមគាត់ធ្លាប់លក់កន្លែងណាគាត់ធ្វើតូបលក់ខ្លួនឯងកន្លែងហ្នឹងទៅ»។
កាលចុងខែមេសា អាជីវករជិត ២០០នាក់បានលើគ្នាតវ៉ានៅសាលាខែត្រស្ទឹងត្រែង បន្ទាប់ពីក្រុមអាជីវករបានឮព័ត៌មានថា អាជ្ញាធរនឹងរៀបទីតាំងលក់ដូរជាបែបផែនថ្មី ដែលពួកគាត់មិនពេញចិត្ត ខណៈចំនួនសាងសង់ផ្សារថ្មីរបស់អាជ្ញាធរបានកើនឡើង ១០០តូប។
ក្រុមអាជីវករអះអាងថា នឹងបន្តការតវ៉ាដើម្បីសុំការអន្តរាគមន៍នៅខុទ្ទកាល័យលោកនាយករដ្ឋមន្ត្រី ហ៊ុន សែន និងស្ថាប័នពាក់ព័ន្ធ បើអាជ្ញាធរខែត្រមិនផ្អាកការសាងសង់។
អាជ្ញាធរខែត្រស្ទឹងត្រែង គ្រោងសាងសង់តូបថ្មីមានទំហំ ២ម៉ែត្របួនជ្រុងស្មើៗគ្នា ប្រមាណ ១.៣២០តូប គឺកើនឡើង ១០០តូប និងមានទីតាំងផ្ញើម៉ូតូ។
កាលពីថ្ងៃទី៧ ខែមេសា ភ្លើងឆេះផ្សារថ្មស្ទឹងត្រែង អស់ ១.២២០តូប ដែលបំផ្លាញទ្រព្យសម្បត្តិរបស់អាជីវកររាប់លានដុល្លារ៕