Image may be NSFW.
Clik here to view.
ដោយ ប្រាជ្ញ ចេវ RFA 2016-05-21
មន្ត្រីជំនាញកម្ពុជា នឹងទៅសម្ភាសជនភៀសខ្លួនពីរនាក់ នៅកោះណាវរូ (Nauru) នៅដើមខែមិថុនា ខាងមុខ ដើម្បីរកអ្នកដែលមានបំណងស្ម័គ្រចិត្តមករស់នៅប្រទេសកម្ពុជា។ ប៉ុន្តែសង្គមស៊ីវិលធ្វើការងារលើផ្នែកសិទ្ធិមនុស្ស ស្នើឲ្យរដ្ឋាភិបាលពិចារណាឡើងវិញ មុនទៅសម្ភាសទទួលយកជនភៀសខ្លួន ខណៈជនភៀសស្ទើរតែទាំងអស់បានមកដល់កម្ពុជា ហើយ ក៏នាំគ្នាទៅរស់នៅស្រុកកំណើតវិញ។
ប្រធាននាយកដ្ឋានជនភៀសខ្លួននៃអគ្គនាយកដ្ឋានជនអន្តោប្រវេសន៍ក្រសួងមហាផ្ទៃ លោក តាន់ សុខវិជ្ជា ថ្លែងឲ្យវិទ្យុអាស៊ីសេរី ដឹងនៅថ្ងៃទី២១ ខែឧសភា ថា ភាគីកម្ពុជា ដែលមានមន្ត្រីជំនាញចំនួន ៣រូប បានរៀបចំរួចរាល់អស់ហើយដើម្បីធ្វើដំណើរទៅប្រទេសអូស្ត្រាលី សម្ភាសជនភៀសខ្លួននៅកោះណាវរូ ដោយរង់ចាំតែការឆ្លើយតបពីភាគីអូស្ត្រាលីប៉ុណ្ណោះ។ លោកបន្តថា នៅពេលជនភៀសខ្លួនមកដល់ប្រទេសកម្ពុជា ពួកគេមានលទ្ធភាពទៅរស់នៅប្រទេសផ្សេង ឬចង់ទៅប្រទេសកំណើតវិញ ក្នុងករណីមិនចេះរស់នៅក្នុងប្រទេសនេះ៖ «»។
ប្រធាននាយកដ្ឋានជនភៀសខ្លួន លោក តាន់ សុខវិជ្ជា ឲ្យដឹងទៀត តាមគម្រោងភាគីកម្ពុជា ត្រូវទៅសម្ភាសខ្លួនមុនខែមិថុនា ប៉ុន្តែដោយសារភាគីអូស្ត្រាលី មានកិច្ចការផ្ទៃក្នុងទាក់ទងរឿងបោះឆ្នោតទើបស្នើពន្យារពេល។
កាលពីពេលថ្មីៗនេះ ប្រទេសអូស្ត្រាលី បានជូនដំណឹងមកកម្ពុជា ថា មានជនភៀសខ្លួនពីរនាក់ជាជនជាតិអ៊ីរ៉ង់ (Iran) ស្ម័គ្រចិត្តមករស់នៅប្រទេសកម្ពុជា។
សព្វថ្ងៃនេះ ជនភៀសខ្លួនដែលយល់ព្រមមករស់នៅប្រទេសកម្ពុជា នៅសល់តែម្នាក់ទេ កំពុងរស់នៅប្រទេសកម្ពុជា ក្រៅពីនេះ បានស្នើទៅប្រទេសកំណើតរបស់គេវិញ។ កាលពីខែមីនា ជនភៀសខ្លួនផ្ទេរពីកោះណាវរូ ពីរនាក់ថា ស្ដាយក្រោយដែលសម្រេចចិត្តមកនៅកម្ពុជា។ ជនភៀសខ្លួនដែលផ្ដល់បទសម្ភាសន៍នោះ គឺលោក ម៉ូហាម៉ាត់ រ៉ូហ្ស៊ីដ (Mohammed Roshid) វ័យ ២៦ឆ្នាំ ជាជនជាតិរ៉ូហ៊ីងយ៉ា (Rohingya) កាន់សាសនាឥស្លាម ត្រូវបានសារព័ត៌មាន ហ្វ៊ែរ ហ្វែក្ស មេឌា (Fairfax Media) ស្រង់សម្ដីថា លោកមានអារម្មណ៍ឯកោ ហើយខ្លាចស្លាប់នៅកម្ពុជា។
អ្នកគ្រប់គ្រងបច្ចេកទេសការិយាល័យស៊ើបអង្កេតនៃអង្គការសិទ្ធិមនុស្សលីកាដូ (LICADHO) លោក អំ សំអាត យល់ថា រដ្ឋាភិបាលកម្ពុជា គួរពិចារណាឡើងវិញមុនទៅសម្ភាសទទួលយកជនភៀសខ្លួន ព្រោះតែជនភៀសខ្លួនស្ទើរតែទាំងអស់បានមកដល់ប្រទេសកម្ពុជា បានស្នើទៅប្រទេសកំណើតរបស់គេវិញ។ មន្ត្រីសង្គមស៊ីវិលរូបនេះនៅតែព្រួយបារម្ភថា កម្ពុជាជាប្រទេសមួយដែលជនភៀសខ្លួនពិបាករស់នៅ ខណៈប្រទេសមួយនេះ មានកេរឈ្មោះមិនសូវល្អរឿងគោរពសិទ្ធិមនុស្ស៖ «»។
រដ្ឋាភិបាលអូស្ត្រាលី បានផ្ដល់កញ្ចប់ជំនួយមានទឹកប្រាក់ប្រមាណ ៤០លានដុល្លារអូស្ត្រាលី ឬស្មើប្រមាណ ៣៥លានដុល្លារអាមេរិក ជាថ្នូរនឹងកិច្ចព្រមព្រៀងទទួលយកជនភៀសខ្លួនដែលត្រូវបានចុះហត្ថលេខាកាលពីឆ្នាំ២០១៤។
អ្នកនាំពាក្យក្រសួងមហាផ្ទៃ លោក ខៀវ សុភ័គ ប្រាប់វិទ្យុអាស៊ីសេរីថា ជនភៀសខ្លួនខ្លះចង់មកកម្ពុជា ដើម្បីងាយស្រួលវិលត្រឡប់ទៅប្រទេសកំណើតវិញ។ ប៉ុន្តែមន្ត្រីជាន់ខ្ពស់នៃអង្គការសិទ្ធិលីកាដូ លោក អំ សំអាត និយាយថា ជនភៀសខ្លួនពេលកំពុងរស់នៅលើកោះណាវរូ បើចង់វិលទៅប្រទេសកំណើតក៏បានដែរ ដោយមិនបាច់ឆ្លងកាត់កម្ពុជាទេ៕
Clik here to view.
ដោយ ប្រាជ្ញ ចេវ RFA 2016-05-21
មន្ត្រីជំនាញកម្ពុជា នឹងទៅសម្ភាសជនភៀសខ្លួនពីរនាក់ នៅកោះណាវរូ (Nauru) នៅដើមខែមិថុនា ខាងមុខ ដើម្បីរកអ្នកដែលមានបំណងស្ម័គ្រចិត្តមករស់នៅប្រទេសកម្ពុជា។ ប៉ុន្តែសង្គមស៊ីវិលធ្វើការងារលើផ្នែកសិទ្ធិមនុស្ស ស្នើឲ្យរដ្ឋាភិបាលពិចារណាឡើងវិញ មុនទៅសម្ភាសទទួលយកជនភៀសខ្លួន ខណៈជនភៀសស្ទើរតែទាំងអស់បានមកដល់កម្ពុជា ហើយ ក៏នាំគ្នាទៅរស់នៅស្រុកកំណើតវិញ។
ប្រធាននាយកដ្ឋានជនភៀសខ្លួននៃអគ្គនាយកដ្ឋានជនអន្តោប្រវេសន៍ក្រសួងមហាផ្ទៃ លោក តាន់ សុខវិជ្ជា ថ្លែងឲ្យវិទ្យុអាស៊ីសេរី ដឹងនៅថ្ងៃទី២១ ខែឧសភា ថា ភាគីកម្ពុជា ដែលមានមន្ត្រីជំនាញចំនួន ៣រូប បានរៀបចំរួចរាល់អស់ហើយដើម្បីធ្វើដំណើរទៅប្រទេសអូស្ត្រាលី សម្ភាសជនភៀសខ្លួននៅកោះណាវរូ ដោយរង់ចាំតែការឆ្លើយតបពីភាគីអូស្ត្រាលីប៉ុណ្ណោះ។ លោកបន្តថា នៅពេលជនភៀសខ្លួនមកដល់ប្រទេសកម្ពុជា ពួកគេមានលទ្ធភាពទៅរស់នៅប្រទេសផ្សេង ឬចង់ទៅប្រទេសកំណើតវិញ ក្នុងករណីមិនចេះរស់នៅក្នុងប្រទេសនេះ៖ «»។
ប្រធាននាយកដ្ឋានជនភៀសខ្លួន លោក តាន់ សុខវិជ្ជា ឲ្យដឹងទៀត តាមគម្រោងភាគីកម្ពុជា ត្រូវទៅសម្ភាសខ្លួនមុនខែមិថុនា ប៉ុន្តែដោយសារភាគីអូស្ត្រាលី មានកិច្ចការផ្ទៃក្នុងទាក់ទងរឿងបោះឆ្នោតទើបស្នើពន្យារពេល។
កាលពីពេលថ្មីៗនេះ ប្រទេសអូស្ត្រាលី បានជូនដំណឹងមកកម្ពុជា ថា មានជនភៀសខ្លួនពីរនាក់ជាជនជាតិអ៊ីរ៉ង់ (Iran) ស្ម័គ្រចិត្តមករស់នៅប្រទេសកម្ពុជា។
សព្វថ្ងៃនេះ ជនភៀសខ្លួនដែលយល់ព្រមមករស់នៅប្រទេសកម្ពុជា នៅសល់តែម្នាក់ទេ កំពុងរស់នៅប្រទេសកម្ពុជា ក្រៅពីនេះ បានស្នើទៅប្រទេសកំណើតរបស់គេវិញ។ កាលពីខែមីនា ជនភៀសខ្លួនផ្ទេរពីកោះណាវរូ ពីរនាក់ថា ស្ដាយក្រោយដែលសម្រេចចិត្តមកនៅកម្ពុជា។ ជនភៀសខ្លួនដែលផ្ដល់បទសម្ភាសន៍នោះ គឺលោក ម៉ូហាម៉ាត់ រ៉ូហ្ស៊ីដ (Mohammed Roshid) វ័យ ២៦ឆ្នាំ ជាជនជាតិរ៉ូហ៊ីងយ៉ា (Rohingya) កាន់សាសនាឥស្លាម ត្រូវបានសារព័ត៌មាន ហ្វ៊ែរ ហ្វែក្ស មេឌា (Fairfax Media) ស្រង់សម្ដីថា លោកមានអារម្មណ៍ឯកោ ហើយខ្លាចស្លាប់នៅកម្ពុជា។
អ្នកគ្រប់គ្រងបច្ចេកទេសការិយាល័យស៊ើបអង្កេតនៃអង្គការសិទ្ធិមនុស្សលីកាដូ (LICADHO) លោក អំ សំអាត យល់ថា រដ្ឋាភិបាលកម្ពុជា គួរពិចារណាឡើងវិញមុនទៅសម្ភាសទទួលយកជនភៀសខ្លួន ព្រោះតែជនភៀសខ្លួនស្ទើរតែទាំងអស់បានមកដល់ប្រទេសកម្ពុជា បានស្នើទៅប្រទេសកំណើតរបស់គេវិញ។ មន្ត្រីសង្គមស៊ីវិលរូបនេះនៅតែព្រួយបារម្ភថា កម្ពុជាជាប្រទេសមួយដែលជនភៀសខ្លួនពិបាករស់នៅ ខណៈប្រទេសមួយនេះ មានកេរឈ្មោះមិនសូវល្អរឿងគោរពសិទ្ធិមនុស្ស៖ «»។
រដ្ឋាភិបាលអូស្ត្រាលី បានផ្ដល់កញ្ចប់ជំនួយមានទឹកប្រាក់ប្រមាណ ៤០លានដុល្លារអូស្ត្រាលី ឬស្មើប្រមាណ ៣៥លានដុល្លារអាមេរិក ជាថ្នូរនឹងកិច្ចព្រមព្រៀងទទួលយកជនភៀសខ្លួនដែលត្រូវបានចុះហត្ថលេខាកាលពីឆ្នាំ២០១៤។
អ្នកនាំពាក្យក្រសួងមហាផ្ទៃ លោក ខៀវ សុភ័គ ប្រាប់វិទ្យុអាស៊ីសេរីថា ជនភៀសខ្លួនខ្លះចង់មកកម្ពុជា ដើម្បីងាយស្រួលវិលត្រឡប់ទៅប្រទេសកំណើតវិញ។ ប៉ុន្តែមន្ត្រីជាន់ខ្ពស់នៃអង្គការសិទ្ធិលីកាដូ លោក អំ សំអាត និយាយថា ជនភៀសខ្លួនពេលកំពុងរស់នៅលើកោះណាវរូ បើចង់វិលទៅប្រទេសកំណើតក៏បានដែរ ដោយមិនបាច់ឆ្លងកាត់កម្ពុជាទេ៕
