Image may be NSFW.
Clik here to view.![អាជ្ញាធរស្រុកបាភ្នំ ខេត្តព្រៃវែង ហាមឃាត់មិនឲ្យសម្ព័ន្ធសហគមន៍កសិករកម្ពុជា (CCFC) រៀបចំកិច្ចប្រជុំជាមួយសមាជិកសហគមន៍កសិករ នៅថ្ងៃទី២៣ ខែឧសភា ឆ្នាំ២០១៦។ Photo Provided]()
ដោយ ថា កិត្យា RFA 2016-05-23
អាជ្ញាធរស្រុកបាភ្នំ ខេត្តព្រៃវែង ហាមឃាត់មិនឲ្យសម្ព័ន្ធសហគមន៍កសិករកម្ពុជា (CCFC) រៀបចំកិច្ចប្រជុំជាមួយសមាជិកសហគមន៍កសិករ ដើម្បីពង្រឹងគណៈកម្មាធិការ និងពិភាក្សាការអភិវឌ្ឍសហគមន៍លើគម្រោងលើកកម្ពស់ជីវភាពរស់នៅរបស់ប្រជាកសិករឡើយ នៅថ្ងៃទី២៣ ខែឧសភា។
អាជ្ញាធរលើកហេតុផលថា សម្ព័ន្ធសហគមន៍កសិករកម្ពុជា មិនបានជូនដំណឹងជាមុន រីឯសង្គមស៊ីវិល ថាការជួបជុំពិភាក្សាការងារ គ្មានច្បាប់ណាតម្រូវឲ្យសុំច្បាប់ ឬជូនដំណឹងទៅអាជ្ញាធរនោះទេ។
អង្គការសង្គមស៊ីវិល ចាត់ទុកថា បម្រាមរបស់អាជ្ញាធរឃុំបឹងព្រះ ស្រុកបាភ្នំ នេះ គឺជាការរឹតត្បិតសិទ្ធិសេរីភាពក្នុងការចូលរួមប្រជុំ និងការចូលរួមពិគ្រោះយោបល់ជាសាធារណៈ។
អគ្គលេខាធិការសម្ព័ន្ធសហគមន៍កសិករកម្ពុជា លោក ថេង សាវឿន មានប្រសាសន៍ថា ទង្វើរបស់អាជ្ញាធរនេះ គឺផ្ទុយពីគោលការណ៍ណែនាំរបស់ក្រសួងមហាផ្ទៃ ដែលចេញជាព្រឹត្តិបត្រជាមួយឧត្ដមស្នងការអង្គការសហប្រជាជាតិ ថាការជួបជុំក្រៅពីការតវ៉ា ដូចជាជួបជុំដើម្បីស្វែងរកដំណោះស្រាយ ការបណ្តុះបណ្តាល សិក្ខាសាលា វេទិកាសាធារណៈ និងសន្និសីទសារព័ត៌មានជាដើម ពុំចាំបាច់ជូនដំណឹងទៅអាជ្ញាធរនោះទេ៖ «យើងជួបជុំនេះ គឺអត់មានបំណងអីផ្សេងទេ គឺយើងពង្រឹង និងការអភិវឌ្ឍសហគមន៍ ជាពិសេសយើងជ្រើសរើសសកម្មជនដែលជាកសិករដែលកំពុងរងគ្រោះដោយសារតែអត់មានមុខរបរ ហើយធ្វើចំណាកស្រុក។ អ៊ីចឹងដើម្បីទប់ស្កាត់ការធ្វើចំណាកស្រុក យើងក៏ទៅប្រជុំដើម្បីជ្រើសសកម្មជនទាំងអស់នោះ ដើម្បីចូលរួមក្នុងគម្រោងមួយលើកកម្ពស់ការរស់នៅ គឺចែកមាន់ចែកទា និងចែកដើមឈើហូបផ្លែ និងដាំដំណាំតាមបែបប្រព័ន្ធជីវចម្រុះឲ្យគាត់ ដើម្បីឲ្យពួកគាត់ទ្រទ្រង់ចិញ្ចឹមជីវិត កាត់បន្ថយទៅថៃ និងវៀតណាម»។
លោក ថេង សាវឿន បញ្ជាក់ថា ការជួបជុំនៅតាមភូមិ-ឃុំឋិតក្នុងស្រុក-ខេត្តផ្សេងៗទៀត ពុំមានការរារាំង ឬហាមឃាត់ឡើយ គឺមានតែអាជ្ញាធរឃុំបឹងព្រះ ស្រុកបាភ្នំ មួយទេ ដែលហាមឃាត់ពួកគាត់ពីរលើកមកហើយ។
ឆ្លើយតបចំពោះបញ្ហានេះ មេឃុំបឹងព្រះ លោក ណុប ចឹក មានប្រសាសន៍ថា លោកមិនជំទាស់មិនឲ្យជួបជុំនោះទេ ប៉ុន្តែលោកគ្រាន់តែសុំឲ្យមានសេចក្តីជូនដំណឹង ដើម្បីរាយការណ៍ជូនថ្នាក់លើ ទោះបីជាសេចក្តីណែនាំរបស់ក្រសួងមហាផ្ទៃ ថាមិនតម្រូវឲ្យពួកគាត់សុំច្បាប់ក្តី៖ «ខ្ញុំដឹងថាមានច្បាប់ចេញពីក្រសួងមហាផ្ទៃ ហើយ ប៉ុន្តែអាជ្ញាធរមូលដ្ឋានសុំដឹងថា អង្គការហ្នឹង និងសមាគមហ្នឹង មកធ្វើអីនៅកន្លែងណា តែប៉ុណ្ណឹងទេ»។
រីឯអគ្គលេខាធិការនៃអង្គការសម្ព័ន្ធភាពការពារសិទ្ធិមនុស្សកម្ពុជា លោក សួន ប៊ុនស័ក្តិ លើកឡើងថា ថ្វីត្បិតតែការហាមឃាត់របស់អាជ្ញាធរនេះរំលោភគោលការណ៍ច្បាប់ក្តី តែអង្គការសង្គមស៊ីវិល គួរតែមានចរិតទន់ភ្លន់ជូនដំណឹងទៅអាជ្ញាធរដែរ៖ «គាត់ជាអ្នកចាត់ចែងទឹកដីនៅកន្លែងនោះ ដូច្នេះការដែលយើងជូនដំណឹងទៅគាត់ ក៏ជាសីលធម៌មួយ និងជាទំនាក់ទំនងមួយដែលត្រូវសហប្រតិបត្តិការជាមួយអាជ្ញាធរដែរ»។
មួយរយៈពេលចុងក្រោយនេះ អាជ្ញាធរហាក់ដូចជាខ្លាចការប្រមូលផ្តុំរបស់ប្រជាពលរដ្ឋ និងក្រុមអង្គការសង្គមស៊ីវិល ជាពិសេសថ្មីៗនេះ អាជ្ញាធរបានរឹតបន្តឹងយ៉ាងខ្លាំង ដើម្បីទប់ស្កាត់អ្នកពាក់អាវខ្មៅ ឬពណ៌ណាក៏ដោយ ឲ្យតែជួបជុំប្រមូលផ្តុំគ្នា។
សម្ព័ន្ធសហគមន៍កសិករកម្ពុជា (CCFC) ជាស្ថាប័នសមាជិកភាពមានសមាជិកសហគមន៍ចំនួន៤០ នៅក្នុងខេត្តចំនួន៨ ផ្ដោតលើសកម្មភាពចំនួន ៤ ធំៗ គឺចងក្រងពួកគាត់ជាសហគមន៍ដើម្បីធ្វើការរួមគ្នាដោះស្រាយបញ្ហាប្រឈមនានា ដូចជាបញ្ហាដីធ្លី ធនធានធម្មជាតិ និងការបណ្ដេញដោយបង្ខំ និងពង្រឹងសមត្ថភាពដល់ប្រជាពលរដ្ឋ ពាក់ព័ន្ធនឹងវិស័យច្បាប់ ការតស៊ូមតិ ព្រមទាំងលើកកម្ពស់ជំនាញវិជ្ជាជីវៈ ដូចជាវិស័យកសិកម្ម និងឧស្សាហកម្ម ជាដើម៕
Clik here to view.
ដោយ ថា កិត្យា RFA 2016-05-23
អាជ្ញាធរស្រុកបាភ្នំ ខេត្តព្រៃវែង ហាមឃាត់មិនឲ្យសម្ព័ន្ធសហគមន៍កសិករកម្ពុជា (CCFC) រៀបចំកិច្ចប្រជុំជាមួយសមាជិកសហគមន៍កសិករ ដើម្បីពង្រឹងគណៈកម្មាធិការ និងពិភាក្សាការអភិវឌ្ឍសហគមន៍លើគម្រោងលើកកម្ពស់ជីវភាពរស់នៅរបស់ប្រជាកសិករឡើយ នៅថ្ងៃទី២៣ ខែឧសភា។
អាជ្ញាធរលើកហេតុផលថា សម្ព័ន្ធសហគមន៍កសិករកម្ពុជា មិនបានជូនដំណឹងជាមុន រីឯសង្គមស៊ីវិល ថាការជួបជុំពិភាក្សាការងារ គ្មានច្បាប់ណាតម្រូវឲ្យសុំច្បាប់ ឬជូនដំណឹងទៅអាជ្ញាធរនោះទេ។
អង្គការសង្គមស៊ីវិល ចាត់ទុកថា បម្រាមរបស់អាជ្ញាធរឃុំបឹងព្រះ ស្រុកបាភ្នំ នេះ គឺជាការរឹតត្បិតសិទ្ធិសេរីភាពក្នុងការចូលរួមប្រជុំ និងការចូលរួមពិគ្រោះយោបល់ជាសាធារណៈ។
អគ្គលេខាធិការសម្ព័ន្ធសហគមន៍កសិករកម្ពុជា លោក ថេង សាវឿន មានប្រសាសន៍ថា ទង្វើរបស់អាជ្ញាធរនេះ គឺផ្ទុយពីគោលការណ៍ណែនាំរបស់ក្រសួងមហាផ្ទៃ ដែលចេញជាព្រឹត្តិបត្រជាមួយឧត្ដមស្នងការអង្គការសហប្រជាជាតិ ថាការជួបជុំក្រៅពីការតវ៉ា ដូចជាជួបជុំដើម្បីស្វែងរកដំណោះស្រាយ ការបណ្តុះបណ្តាល សិក្ខាសាលា វេទិកាសាធារណៈ និងសន្និសីទសារព័ត៌មានជាដើម ពុំចាំបាច់ជូនដំណឹងទៅអាជ្ញាធរនោះទេ៖ «យើងជួបជុំនេះ គឺអត់មានបំណងអីផ្សេងទេ គឺយើងពង្រឹង និងការអភិវឌ្ឍសហគមន៍ ជាពិសេសយើងជ្រើសរើសសកម្មជនដែលជាកសិករដែលកំពុងរងគ្រោះដោយសារតែអត់មានមុខរបរ ហើយធ្វើចំណាកស្រុក។ អ៊ីចឹងដើម្បីទប់ស្កាត់ការធ្វើចំណាកស្រុក យើងក៏ទៅប្រជុំដើម្បីជ្រើសសកម្មជនទាំងអស់នោះ ដើម្បីចូលរួមក្នុងគម្រោងមួយលើកកម្ពស់ការរស់នៅ គឺចែកមាន់ចែកទា និងចែកដើមឈើហូបផ្លែ និងដាំដំណាំតាមបែបប្រព័ន្ធជីវចម្រុះឲ្យគាត់ ដើម្បីឲ្យពួកគាត់ទ្រទ្រង់ចិញ្ចឹមជីវិត កាត់បន្ថយទៅថៃ និងវៀតណាម»។
លោក ថេង សាវឿន បញ្ជាក់ថា ការជួបជុំនៅតាមភូមិ-ឃុំឋិតក្នុងស្រុក-ខេត្តផ្សេងៗទៀត ពុំមានការរារាំង ឬហាមឃាត់ឡើយ គឺមានតែអាជ្ញាធរឃុំបឹងព្រះ ស្រុកបាភ្នំ មួយទេ ដែលហាមឃាត់ពួកគាត់ពីរលើកមកហើយ។
ឆ្លើយតបចំពោះបញ្ហានេះ មេឃុំបឹងព្រះ លោក ណុប ចឹក មានប្រសាសន៍ថា លោកមិនជំទាស់មិនឲ្យជួបជុំនោះទេ ប៉ុន្តែលោកគ្រាន់តែសុំឲ្យមានសេចក្តីជូនដំណឹង ដើម្បីរាយការណ៍ជូនថ្នាក់លើ ទោះបីជាសេចក្តីណែនាំរបស់ក្រសួងមហាផ្ទៃ ថាមិនតម្រូវឲ្យពួកគាត់សុំច្បាប់ក្តី៖ «ខ្ញុំដឹងថាមានច្បាប់ចេញពីក្រសួងមហាផ្ទៃ ហើយ ប៉ុន្តែអាជ្ញាធរមូលដ្ឋានសុំដឹងថា អង្គការហ្នឹង និងសមាគមហ្នឹង មកធ្វើអីនៅកន្លែងណា តែប៉ុណ្ណឹងទេ»។
រីឯអគ្គលេខាធិការនៃអង្គការសម្ព័ន្ធភាពការពារសិទ្ធិមនុស្សកម្ពុជា លោក សួន ប៊ុនស័ក្តិ លើកឡើងថា ថ្វីត្បិតតែការហាមឃាត់របស់អាជ្ញាធរនេះរំលោភគោលការណ៍ច្បាប់ក្តី តែអង្គការសង្គមស៊ីវិល គួរតែមានចរិតទន់ភ្លន់ជូនដំណឹងទៅអាជ្ញាធរដែរ៖ «គាត់ជាអ្នកចាត់ចែងទឹកដីនៅកន្លែងនោះ ដូច្នេះការដែលយើងជូនដំណឹងទៅគាត់ ក៏ជាសីលធម៌មួយ និងជាទំនាក់ទំនងមួយដែលត្រូវសហប្រតិបត្តិការជាមួយអាជ្ញាធរដែរ»។
មួយរយៈពេលចុងក្រោយនេះ អាជ្ញាធរហាក់ដូចជាខ្លាចការប្រមូលផ្តុំរបស់ប្រជាពលរដ្ឋ និងក្រុមអង្គការសង្គមស៊ីវិល ជាពិសេសថ្មីៗនេះ អាជ្ញាធរបានរឹតបន្តឹងយ៉ាងខ្លាំង ដើម្បីទប់ស្កាត់អ្នកពាក់អាវខ្មៅ ឬពណ៌ណាក៏ដោយ ឲ្យតែជួបជុំប្រមូលផ្តុំគ្នា។
សម្ព័ន្ធសហគមន៍កសិករកម្ពុជា (CCFC) ជាស្ថាប័នសមាជិកភាពមានសមាជិកសហគមន៍ចំនួន៤០ នៅក្នុងខេត្តចំនួន៨ ផ្ដោតលើសកម្មភាពចំនួន ៤ ធំៗ គឺចងក្រងពួកគាត់ជាសហគមន៍ដើម្បីធ្វើការរួមគ្នាដោះស្រាយបញ្ហាប្រឈមនានា ដូចជាបញ្ហាដីធ្លី ធនធានធម្មជាតិ និងការបណ្ដេញដោយបង្ខំ និងពង្រឹងសមត្ថភាពដល់ប្រជាពលរដ្ឋ ពាក់ព័ន្ធនឹងវិស័យច្បាប់ ការតស៊ូមតិ ព្រមទាំងលើកកម្ពស់ជំនាញវិជ្ជាជីវៈ ដូចជាវិស័យកសិកម្ម និងឧស្សាហកម្ម ជាដើម៕
