Image may be NSFW.
Clik here to view.
ដោយ ដែន អយុធ្យា RFA 2016-05-28
មន្ត្រីសង្គមស៊ីវិល និងប្រជាពលរដ្ឋនៅតាមសហគមន៍ជាង ២០ នាខេត្តព្រះសីហនុ ទទូចដល់ស្ថាប័នពាក់ព័ន្ធជួយពន្លឿនការងារចុះវាស់ និងកាត់ឆ្វៀលដីផ្ដល់ប្លង់កម្មសិទ្ធិជូនពលរដ្ឋឲ្យបានឆាប់ ដើម្បីជៀសផុតពីបញ្ហាផ្សេងៗ និងផ្ដល់ឱកាសឲ្យពលរដ្ឋអាចបង្កបង្កើនផលកសិកម្មឲ្យទាន់រដូវភ្លៀងធ្លាក់។
អភិបាលខេត្តព្រះសីហនុ អះអាងថា កង្វល់ពលរដ្ឋនៅតាមសហគមន៍នានា អាជ្ញាធរមិនព្រងើយកន្តើយទេ ហើយមន្ត្រីជំនាញកំពុងចុះអនុវត្តការងារកាត់ឆ្វៀលដី ឈានដល់ផ្ដល់ប្លង់កម្មសិទ្ធិជូនពលរដ្ឋដោយយកចិត្តទុកដាក់។
មន្ត្រីសម្របសម្រួលអង្គការលីកាដូ (LICADHO) ខេត្តព្រះសីហនុ លោក ប៊ួន ណារិទ្ធិ មានប្រសាសន៍ថា រាល់ថ្ងៃនេះមានសហគមន៍ដែលមានកង្វល់លើបញ្ហាសុវត្ថិភាពដីធ្លីជាង ២០សហគមន៍ កំពុងទន្ទឹងរង់ចាំមន្ត្រីជំនាញចុះវាស់ដី និងផ្ដល់ប្លង់កម្មសិទ្ធិជូនពួកគាត់ប្រើប្រាស់ឲ្យបានស្របច្បាប់ ពិសេសអាចឲ្យពួកគាត់អាចបង្កបង្កើនផលកសិកម្មឲ្យទាន់រដូវមានភ្លៀងធ្លាក់មានសុវត្ថិភាព។
មន្ត្រីសិទ្ធិមនុស្សរូបនេះស្វាគមន៍ចំពោះសកម្មភាពលោក យន្ត មីន អភិបាលខេត្តព្រះសីហនុ ដែលក្នុងអាណត្តិរបស់លោកបានដឹកនាំមន្ត្រីជំនាញ ចុះពិនិត្យផ្ទាល់ដល់មូលដ្ឋានប្រជាពលរដ្ឋរស់នៅតាមសហគមន៍នានា និងទទួលយកសំណូម ឬកង្វល់ពលរដ្ឋមកដោះស្រាយ។
ទន្ទឹមគ្នានេះ លោក ប៊ួន ណារិទ្ធិ ក៏បានសំណូមពរដល់អភិបាលខេត្តព្រះសីហនុ ឲ្យជួយជំរុញមន្ត្រីជំនាញឲ្យពន្លឿនការងារចុះវាស់ដី ឈានដល់ផ្ដល់ប្លង់កម្មសិទ្ធិជូនពលរដ្ឋនៅតាមសហគមន៍នីមួយៗឲ្យបានឆាប់ ព្រោះសព្វថ្ងៃនេះពលរដ្ឋនៅតាមសហគមន៍ជាង ២០ ក្នុងខេត្តនេះ ព្រួយបារម្ភពីការរំលោភដីធ្លីពីសំណាក់ក្រុមហ៊ុន និងមន្ត្រីមានអំណាច៖ «ជាការល្អ អាជ្ញាធរខេត្តព្រះសីហនុ បានបង្កើតគណៈកម្មការមួយដើម្បីចុះវាស់វែង និងកាត់ឆ្វៀលដីនៅតាមសហគមន៍របស់ប្រជាពលរដ្ឋ ពិសេសសហគមន៍កំពុងមានទំនាស់ជាមួយក្រុមហ៊ុនយិះជៀ ចេញពីគម្រោងវិនិយោគក្រុមហ៊ុននេះក្នុងពេលឆាប់ៗ ប៉ុន្តែមកដល់ពេលនេះ ប្រជាពលរដ្ឋបានទន្ទឹងរង់ចាំក្រុមការងារចុះកាត់ឆ្វៀលដីជូនពួកគាត់ ខេត្ត តែមិនទាន់ឃើញចាត់វិធានការនោះទេ»។
ចំណែកអ្នកស្រី ជៀប សុធារី មន្ត្រីសម្របសម្រួលសមាគមអាដហុក (ADHOC) ប្រចាំខេត្តព្រះសីហនុ ដែលបានចុះផ្ទាល់ដល់មូលដ្ឋានប្រជាពលរដ្ឋនៅតាមសហគមន៍នានា មានប្រសាសន៍ថា អាជ្ញាធរខេត្ត ពិសេសរដ្ឋាភិបាល ត្រូវមានយន្តការដោះស្រាយវិវាទដីធ្លីរ៉ាំរ៉ៃ ឬជួយពន្លឿនការងារចុះកាត់ឆ្វៀលដីផ្ដល់ប្លង់កម្មសិទ្ធិជូនពលរដ្ឋដែលមានវិវាទជាមួយក្រុមហ៊ុន ឬរងការរំលោភបំពានផ្សេងៗចប់ឲ្យបានឆាប់ និងតម្កល់ផលប្រយោជន៍ពលរដ្ឋជាធំ។
អ្នកស្រីកត់សម្គាល់ថា ក្នុងអាណត្តិកន្លងមក ថ្នាក់ដឹកនាំខេត្តព្រះសីហនុ ទទួលរងនូវការរិះគន់ពីសាធារណជនទូទៅ ថាគ្មានឆន្ទៈជួយដោះស្រាយជម្លោះដីធ្លី ឬជួយពន្លឿនការងារចុះកាត់ឆ្វៀលដីផ្ដល់ប្លង់កម្មសិទ្ធិជូនពលរដ្ឋឲ្យបានឆាប់ទេ ហើយគិតពីប្រយោជន៍ផ្ទាល់ខ្លួន និងបក្សពួកច្រើនជាងជួយដោះស្រាយកង្វល់ពលរដ្ឋ៖ «ខែវស្សា ឬខែមានទឹកភ្លៀងបានចូលមកដល់ ហើយប្រជាពលរដ្ឋជាអ្នកប្រើប្រាស់ដីកសិកម្មក្នុងសហគមន៍នេះត្រូវការសិទ្ធិក្នុងការប្រើប្រាស់ដី ដាំដំណាំ ដើម្បីកុំឲ្យមានការរំលោភបំពានពីក្រុមហ៊ុន ឬមន្ត្រីមានអំណាចផ្សេងៗ ទៅលើដីលំនៅឋាន និងដីកសិកម្មរបស់ពួកគាត់»។
ប្រធានសហគមន៍ព្រែកត្របែក អណ្ដូងទឹក និងថ្មធំ លោក សេន ចន្ថា ហៅតា ឆក ស្ថិតក្នុងចំណោមប្រជាពលរដ្ឋនៅតាមសហគមន៍ជាង ២០ទៀត នាខេត្តព្រះសីហនុ ក៏ស្នើដល់ប្រមុខដឹកនាំជួយជំរុញឲ្យអាជ្ញាធរខេត្តនេះ ឲ្យជួយពន្លឿនសកម្មភាព ឬកំណត់ថ្ងៃចុះកាត់ឆ្វៀលដីផ្ដល់ប្លង់កម្មសិទ្ធិជូនពលរដ្ឋក្នុងសហគមន៍នេះ មានប្រជាពលរដ្ឋសរុបចំនួន ១០៦គ្រួសារ នៅឃុំរាម ស្រុកព្រៃនប់ ដែលកំពុងមានទំនាស់ដីធ្លីជាមួយក្រុមហ៊ុន យិះជៀ ឲ្យបានឆាប់។
លោក សេន ចន្ថា បានចោទក្រុមហ៊ុនចិន ឈ្មោះ យិះជៀ ថា ស្ទើរជារៀងរាល់ថ្ងៃ តែងបានប្រើកម្លាំងសន្តិសុខប្រដាប់អាវុធយាមដីឲ្យក្រុមនេះ មកគំរាមបណ្ដេញពួកគាត់មិនឲ្យសង់ផ្ទះ ឬធ្វើរបរកសិកម្មលើដីធ្លាប់បង្កបង្កើនផល តាំងពីឆ្នាំ១៩៩២ ជាបន្តបន្ទាប់។
តំណាងរូបនេះអំពាវនាវឲ្យលោកនាយករដ្ឋមន្ត្រី ហ៊ុន សែន ជួយជំរុញឲ្យមន្ត្រីក្រោមឱវាទជួយពន្លឿនការងារចុះកាត់ឆ្វៀលដីលំនៅឋាន និងដីកសិកម្ម ផ្ដល់ប្លង់កម្មសិទ្ធិជូនពួកគាត់ចេញពីគម្រោងអភិវឌ្ឍន៍របស់ក្រុមហ៊ុនចិន យិះជៀ ឲ្យបានឆាប់ ហើយស្នើឲ្យពលរដ្ឋអភិវឌ្ឍមូលដ្ឋានខ្លួននៅនឹងកន្លែង៖ «សូមសម្ដេចនាយករដ្ឋមន្ត្រីជួយបញ្ជាទៅអាជ្ញាធរខេត្តព្រះសីហនុ ជួយពន្លឿនការងារចុះកាត់ឆ្វៀលដីចេញពីគម្រោងវិនិយោគរបស់ក្រុមហ៊ុន យិះជៀ ជូនពលរដ្ឋពួកខ្ញុំឲ្យបានឆាប់»។
ទាក់ទិនបញ្ហានេះ លោក យន្ត មីន អភិបាលខេត្តព្រះសីហនុ ផ្ដល់សម្ភាសន៍ដល់វិទ្យុអាស៊ីសេរីថា ចំពោះការងារចុះកាត់ឆ្វៀលដីជូនពលរដ្ឋនៅតាមសហគមន៍នានា គឺអាជ្ញាធរខេត្តនេះបានដាក់ផែនការចុះតាមសហគមន៍ទៅតាមកាលកំណត់របស់មន្ត្រីជំនាញ។ លោកបន្តថា ក្រុមការងារនេះនឹងចុះពិនិត្យជាក់ស្ដែងដល់មូលដ្ឋានពលរដ្ឋកំពុងរស់នៅនឹងឈានដល់វាស់បែងចែកផ្ដល់ប្លង់កម្មសិទ្ធិជូនពលរដ្ឋឲ្យស្របតាមច្បាប់ជាធរមាន។
យ៉ាងនេះក្ដី លោក យន្ត មីន ស្នើសុំពេលវេលា និងការយោគយល់ពីប្រជាពលរដ្ឋនៅតាមសហគមន៍នីមួយៗ ចំពោះភាពយឺតយ៉ាវរបស់អាជ្ញាធរ ពីព្រោះមន្ត្រីជំនាញខេត្តព្រះសីហនុ មានចំនួនតិច ហើយមានការងារច្រើនត្រូវដោះស្រាយជាប្រចាំថ្ងៃ។
របាយការណ៍អង្គការលីកាដូ ខេត្តព្រះសីហនុ ឆ្នាំ២០១៦ បានបង្ហាញថា ខេត្តនេះមានប្រជាពលរដ្ឋជាង ២០សហគមន៍ បន្តកើតមានទំនាស់ដីធ្លី ហើយអាជ្ញាធរមិនទាន់ដំណោះស្រាយជូនពលរដ្ឋនៅឡើយទេ។ ទំនាស់ខ្លះបានអូសបន្លាយពេលចន្លោះពី ៥ឆ្នាំ ទៅដល់ ១៥ឆ្នាំ ឬច្រើនជាងនេះ នៅមិនទាន់មានដំណោះស្រាយជូនពលរដ្ឋឲ្យទទួលបានយុត្តិធម៌ពិតប្រាកដនោះទេ ហើយមានពលរដ្ឋខ្លះដែលទន្ទឹងរង់ចាំយុត្តិធម៌នេះ ក៏មានវ័យជរា និងបាត់បង់ជីវិតជាបណ្ដើរៗហើយដែរ៕
Clik here to view.
ដោយ ដែន អយុធ្យា RFA 2016-05-28
មន្ត្រីសង្គមស៊ីវិល និងប្រជាពលរដ្ឋនៅតាមសហគមន៍ជាង ២០ នាខេត្តព្រះសីហនុ ទទូចដល់ស្ថាប័នពាក់ព័ន្ធជួយពន្លឿនការងារចុះវាស់ និងកាត់ឆ្វៀលដីផ្ដល់ប្លង់កម្មសិទ្ធិជូនពលរដ្ឋឲ្យបានឆាប់ ដើម្បីជៀសផុតពីបញ្ហាផ្សេងៗ និងផ្ដល់ឱកាសឲ្យពលរដ្ឋអាចបង្កបង្កើនផលកសិកម្មឲ្យទាន់រដូវភ្លៀងធ្លាក់។
អភិបាលខេត្តព្រះសីហនុ អះអាងថា កង្វល់ពលរដ្ឋនៅតាមសហគមន៍នានា អាជ្ញាធរមិនព្រងើយកន្តើយទេ ហើយមន្ត្រីជំនាញកំពុងចុះអនុវត្តការងារកាត់ឆ្វៀលដី ឈានដល់ផ្ដល់ប្លង់កម្មសិទ្ធិជូនពលរដ្ឋដោយយកចិត្តទុកដាក់។
មន្ត្រីសម្របសម្រួលអង្គការលីកាដូ (LICADHO) ខេត្តព្រះសីហនុ លោក ប៊ួន ណារិទ្ធិ មានប្រសាសន៍ថា រាល់ថ្ងៃនេះមានសហគមន៍ដែលមានកង្វល់លើបញ្ហាសុវត្ថិភាពដីធ្លីជាង ២០សហគមន៍ កំពុងទន្ទឹងរង់ចាំមន្ត្រីជំនាញចុះវាស់ដី និងផ្ដល់ប្លង់កម្មសិទ្ធិជូនពួកគាត់ប្រើប្រាស់ឲ្យបានស្របច្បាប់ ពិសេសអាចឲ្យពួកគាត់អាចបង្កបង្កើនផលកសិកម្មឲ្យទាន់រដូវមានភ្លៀងធ្លាក់មានសុវត្ថិភាព។
មន្ត្រីសិទ្ធិមនុស្សរូបនេះស្វាគមន៍ចំពោះសកម្មភាពលោក យន្ត មីន អភិបាលខេត្តព្រះសីហនុ ដែលក្នុងអាណត្តិរបស់លោកបានដឹកនាំមន្ត្រីជំនាញ ចុះពិនិត្យផ្ទាល់ដល់មូលដ្ឋានប្រជាពលរដ្ឋរស់នៅតាមសហគមន៍នានា និងទទួលយកសំណូម ឬកង្វល់ពលរដ្ឋមកដោះស្រាយ។
ទន្ទឹមគ្នានេះ លោក ប៊ួន ណារិទ្ធិ ក៏បានសំណូមពរដល់អភិបាលខេត្តព្រះសីហនុ ឲ្យជួយជំរុញមន្ត្រីជំនាញឲ្យពន្លឿនការងារចុះវាស់ដី ឈានដល់ផ្ដល់ប្លង់កម្មសិទ្ធិជូនពលរដ្ឋនៅតាមសហគមន៍នីមួយៗឲ្យបានឆាប់ ព្រោះសព្វថ្ងៃនេះពលរដ្ឋនៅតាមសហគមន៍ជាង ២០ ក្នុងខេត្តនេះ ព្រួយបារម្ភពីការរំលោភដីធ្លីពីសំណាក់ក្រុមហ៊ុន និងមន្ត្រីមានអំណាច៖ «ជាការល្អ អាជ្ញាធរខេត្តព្រះសីហនុ បានបង្កើតគណៈកម្មការមួយដើម្បីចុះវាស់វែង និងកាត់ឆ្វៀលដីនៅតាមសហគមន៍របស់ប្រជាពលរដ្ឋ ពិសេសសហគមន៍កំពុងមានទំនាស់ជាមួយក្រុមហ៊ុនយិះជៀ ចេញពីគម្រោងវិនិយោគក្រុមហ៊ុននេះក្នុងពេលឆាប់ៗ ប៉ុន្តែមកដល់ពេលនេះ ប្រជាពលរដ្ឋបានទន្ទឹងរង់ចាំក្រុមការងារចុះកាត់ឆ្វៀលដីជូនពួកគាត់ ខេត្ត តែមិនទាន់ឃើញចាត់វិធានការនោះទេ»។
ចំណែកអ្នកស្រី ជៀប សុធារី មន្ត្រីសម្របសម្រួលសមាគមអាដហុក (ADHOC) ប្រចាំខេត្តព្រះសីហនុ ដែលបានចុះផ្ទាល់ដល់មូលដ្ឋានប្រជាពលរដ្ឋនៅតាមសហគមន៍នានា មានប្រសាសន៍ថា អាជ្ញាធរខេត្ត ពិសេសរដ្ឋាភិបាល ត្រូវមានយន្តការដោះស្រាយវិវាទដីធ្លីរ៉ាំរ៉ៃ ឬជួយពន្លឿនការងារចុះកាត់ឆ្វៀលដីផ្ដល់ប្លង់កម្មសិទ្ធិជូនពលរដ្ឋដែលមានវិវាទជាមួយក្រុមហ៊ុន ឬរងការរំលោភបំពានផ្សេងៗចប់ឲ្យបានឆាប់ និងតម្កល់ផលប្រយោជន៍ពលរដ្ឋជាធំ។
អ្នកស្រីកត់សម្គាល់ថា ក្នុងអាណត្តិកន្លងមក ថ្នាក់ដឹកនាំខេត្តព្រះសីហនុ ទទួលរងនូវការរិះគន់ពីសាធារណជនទូទៅ ថាគ្មានឆន្ទៈជួយដោះស្រាយជម្លោះដីធ្លី ឬជួយពន្លឿនការងារចុះកាត់ឆ្វៀលដីផ្ដល់ប្លង់កម្មសិទ្ធិជូនពលរដ្ឋឲ្យបានឆាប់ទេ ហើយគិតពីប្រយោជន៍ផ្ទាល់ខ្លួន និងបក្សពួកច្រើនជាងជួយដោះស្រាយកង្វល់ពលរដ្ឋ៖ «ខែវស្សា ឬខែមានទឹកភ្លៀងបានចូលមកដល់ ហើយប្រជាពលរដ្ឋជាអ្នកប្រើប្រាស់ដីកសិកម្មក្នុងសហគមន៍នេះត្រូវការសិទ្ធិក្នុងការប្រើប្រាស់ដី ដាំដំណាំ ដើម្បីកុំឲ្យមានការរំលោភបំពានពីក្រុមហ៊ុន ឬមន្ត្រីមានអំណាចផ្សេងៗ ទៅលើដីលំនៅឋាន និងដីកសិកម្មរបស់ពួកគាត់»។
ប្រធានសហគមន៍ព្រែកត្របែក អណ្ដូងទឹក និងថ្មធំ លោក សេន ចន្ថា ហៅតា ឆក ស្ថិតក្នុងចំណោមប្រជាពលរដ្ឋនៅតាមសហគមន៍ជាង ២០ទៀត នាខេត្តព្រះសីហនុ ក៏ស្នើដល់ប្រមុខដឹកនាំជួយជំរុញឲ្យអាជ្ញាធរខេត្តនេះ ឲ្យជួយពន្លឿនសកម្មភាព ឬកំណត់ថ្ងៃចុះកាត់ឆ្វៀលដីផ្ដល់ប្លង់កម្មសិទ្ធិជូនពលរដ្ឋក្នុងសហគមន៍នេះ មានប្រជាពលរដ្ឋសរុបចំនួន ១០៦គ្រួសារ នៅឃុំរាម ស្រុកព្រៃនប់ ដែលកំពុងមានទំនាស់ដីធ្លីជាមួយក្រុមហ៊ុន យិះជៀ ឲ្យបានឆាប់។
លោក សេន ចន្ថា បានចោទក្រុមហ៊ុនចិន ឈ្មោះ យិះជៀ ថា ស្ទើរជារៀងរាល់ថ្ងៃ តែងបានប្រើកម្លាំងសន្តិសុខប្រដាប់អាវុធយាមដីឲ្យក្រុមនេះ មកគំរាមបណ្ដេញពួកគាត់មិនឲ្យសង់ផ្ទះ ឬធ្វើរបរកសិកម្មលើដីធ្លាប់បង្កបង្កើនផល តាំងពីឆ្នាំ១៩៩២ ជាបន្តបន្ទាប់។
តំណាងរូបនេះអំពាវនាវឲ្យលោកនាយករដ្ឋមន្ត្រី ហ៊ុន សែន ជួយជំរុញឲ្យមន្ត្រីក្រោមឱវាទជួយពន្លឿនការងារចុះកាត់ឆ្វៀលដីលំនៅឋាន និងដីកសិកម្ម ផ្ដល់ប្លង់កម្មសិទ្ធិជូនពួកគាត់ចេញពីគម្រោងអភិវឌ្ឍន៍របស់ក្រុមហ៊ុនចិន យិះជៀ ឲ្យបានឆាប់ ហើយស្នើឲ្យពលរដ្ឋអភិវឌ្ឍមូលដ្ឋានខ្លួននៅនឹងកន្លែង៖ «សូមសម្ដេចនាយករដ្ឋមន្ត្រីជួយបញ្ជាទៅអាជ្ញាធរខេត្តព្រះសីហនុ ជួយពន្លឿនការងារចុះកាត់ឆ្វៀលដីចេញពីគម្រោងវិនិយោគរបស់ក្រុមហ៊ុន យិះជៀ ជូនពលរដ្ឋពួកខ្ញុំឲ្យបានឆាប់»។
ទាក់ទិនបញ្ហានេះ លោក យន្ត មីន អភិបាលខេត្តព្រះសីហនុ ផ្ដល់សម្ភាសន៍ដល់វិទ្យុអាស៊ីសេរីថា ចំពោះការងារចុះកាត់ឆ្វៀលដីជូនពលរដ្ឋនៅតាមសហគមន៍នានា គឺអាជ្ញាធរខេត្តនេះបានដាក់ផែនការចុះតាមសហគមន៍ទៅតាមកាលកំណត់របស់មន្ត្រីជំនាញ។ លោកបន្តថា ក្រុមការងារនេះនឹងចុះពិនិត្យជាក់ស្ដែងដល់មូលដ្ឋានពលរដ្ឋកំពុងរស់នៅនឹងឈានដល់វាស់បែងចែកផ្ដល់ប្លង់កម្មសិទ្ធិជូនពលរដ្ឋឲ្យស្របតាមច្បាប់ជាធរមាន។
យ៉ាងនេះក្ដី លោក យន្ត មីន ស្នើសុំពេលវេលា និងការយោគយល់ពីប្រជាពលរដ្ឋនៅតាមសហគមន៍នីមួយៗ ចំពោះភាពយឺតយ៉ាវរបស់អាជ្ញាធរ ពីព្រោះមន្ត្រីជំនាញខេត្តព្រះសីហនុ មានចំនួនតិច ហើយមានការងារច្រើនត្រូវដោះស្រាយជាប្រចាំថ្ងៃ។
របាយការណ៍អង្គការលីកាដូ ខេត្តព្រះសីហនុ ឆ្នាំ២០១៦ បានបង្ហាញថា ខេត្តនេះមានប្រជាពលរដ្ឋជាង ២០សហគមន៍ បន្តកើតមានទំនាស់ដីធ្លី ហើយអាជ្ញាធរមិនទាន់ដំណោះស្រាយជូនពលរដ្ឋនៅឡើយទេ។ ទំនាស់ខ្លះបានអូសបន្លាយពេលចន្លោះពី ៥ឆ្នាំ ទៅដល់ ១៥ឆ្នាំ ឬច្រើនជាងនេះ នៅមិនទាន់មានដំណោះស្រាយជូនពលរដ្ឋឲ្យទទួលបានយុត្តិធម៌ពិតប្រាកដនោះទេ ហើយមានពលរដ្ឋខ្លះដែលទន្ទឹងរង់ចាំយុត្តិធម៌នេះ ក៏មានវ័យជរា និងបាត់បង់ជីវិតជាបណ្ដើរៗហើយដែរ៕