Image may be NSFW.
Clik here to view.
តាំង វីដា Friday, 27 May 2016 ខ្មែរថាមស៍
ភ្នំពេញ៖(ខ្មែរថាមស៍)លោកសមរង្ស៊ីប្រធានគណបក្សប្រឆាំងដែលកំពុងនិរទេសខ្លួនក្រៅប្រទេសបានរិះគន់គណបក្សកាន់អំណាចថាកំពុងប្រើល្បិចកលដើម្បីយកឈ្នះការបោះឆ្នោតនៅថ្ងៃខាងមុខតាមរយៈការគាបសង្កត់គណៈកម្មាធិការជាតិរៀបចំការបោះឆ្នោត និងការប្រើប្រាស់ប្រព័ន្ធតុលាការ ធ្វើទុក្ខបុកម្នេញផ្នែកនយោបាយលើគូបដិបក្ខ។
កាលពីថ្ងៃពុធ លោកនាយករដ្ឋមន្ត្រី ហ៊ុនសែនបានប្រកាសថាការដែលលោកប្រកាសកាលបរិច្ឆេទនៃការបោះឆ្នោតក្រុមប្រឹក្សាឃុំសង្កាត់និងការបោះឆ្នោតថ្នាក់ជាតិគឺដើម្បីជួយសម្រួលឲ្យគ្រប់ភាគីពាក់ព័ន្ធរួមមានគណៈកម្មាធិការជាតិរៀបចំការបោះឆ្នោត ក្រសួងសេដ្ឋកិច្ច និងហិរញ្ញវត្ថុ គណបក្សនយោបាយ ក៏ដូចជាប្រជាពលរដ្ឋ មានពេលវេលាគ្រប់គ្រាន់ ក្នុងការត្រៀមលក្ខណៈសម្បត្តិប្រកួតប្រជែង។ លោកនាយករដ្ឋមន្ត្រី ក៏បានរំពឹងថា នឹងមិនមានការអត្ថាធិប្បាយណាមួយឲ្យលើសពីអ្វី ដែលលោកបានលើកឡើងនេះ ដើម្បីជាប្រយោជន៍របស់ភាគីណាមួយឡើយ។
យ៉ាងណាក៏ដោយ លោក សម រង្ស៊ី មេដឹកនាំគណបក្សសង្គ្រោះជាតិ កាលពីម្សិលមិញ បានបង្ហោះនៅលើ Facebook របស់លោក ដោយបង្ហាញការយល់ឃើញទៅលើការប្រកាសកាលបរិច្ឆេទទាំងនោះ មិនគ្រប់គ្រាន់ទេ ដើម្បីធានាថា ការបោះឆ្នោតទាំងពីរនោះ នឹងមានលក្ខណៈអាចជឿទុកចិត្តបាន ហើយអាចទទួលយកបាន សម្រាប់ប្រជារាស្ត្រខ្មែរ និងសហគមន៍អន្តរជាតិ។
លោក សម រង្ស៊ី បានហៅការប្រកាសពីកាលបរិច្ឆេទនៃការបោះឆ្នោតនៅពេលនេះថា អាចធ្វើឲ្យមានការភ័ន្តច្រឡំ អំពីបំណងពិតប្រាកដរបស់រដ្ឋាភិបាល ពីព្រោះវាអាចបង្វែរអារម្មណ៍ពីទង្វើជាក់ស្តែងរបស់រដ្ឋាភិបាល ដែលកំពុងតែត្រៀមល្បិចកល ដើម្បីដណ្តើមយកជ័យជម្នះក្នុងការបោះឆ្នោតខាងមុខ ទោះជាប្រជាប្រិយភាពរបស់ខ្លួនបានធ្លាក់ចុះយ៉ាងណាក៏ដោយ។ លោកថា៖ «រដ្ឋាភិបាល បានយកតុលាការ ដែលខ្លួនគ្រប់គ្រង និងបញ្ជាតាមចិត្ត ធ្វើជាឧបករណ៍នយោបាយរបស់ខ្លួន ក្នុងការបង្ក្រាបអ្នកដែលហ៊ានប្រឆាំង និងហ៊ានទិតៀនខ្លួន ក្នុងនោះមានទាំងថ្នាក់ដឹកនាំ និងសមាជិកសង្គមស៊ីវិលផងដែរ ដែលត្រូវបានគេចាប់ខ្លួន និងឃុំខ្លួន តាមការចោទប្រកាន់ដែលគ្មានមូលដ្ឋានត្រឹមត្រូវទាល់តែសោះ»។
លោក សម រង្ស៊ីបានអះអាងបន្ថែមទៀតថា បច្ចុប្បន្នគណបក្សប្រជាជនកម្ពុជា មិនត្រឹមតែបំបាត់សិទ្ធិសេរីភាព របស់ប្រជារាស្ត្រខ្មែរ ក្នុងការសម្ដែងមតិប៉ុណ្ណោះទេ តែបានទាំងបំផ្លាញតុល្យភាពនយោបាយក្នុងសមាសភាពគណៈកម្មាធិការជាតិរៀបចំការបោះឆ្នោត (គ.ជ.ប.) ដោយបានចាប់មន្ត្រីជាន់ខ្ពស់មួយរូបនៃ គ.ជ.ប. ដែលមកពីសង្គមស៊ីវិល ព្រមទាំងត្រៀមឲ្យតុលាការកោះហៅសមាជិកដ៏សំខាន់មួយរូបនៃ គ.ជ.ប. ដែលត្រូវបានតែងតាំងតាមសំណើរបស់គណបក្សប្រឆាំង។
លោកបន្តថា៖ «ទង្វើបែបនេះរបស់រដ្ឋាភិបាល គឺជាការបំផ្លាញការជឿទុកចិត្តរបស់ប្រជារាស្ត្រចំពោះ គ.ជ.ប. ថ្មី ដែលទើបតែបានបង្កើត ព្រមតាំងជាការបំផ្លាញដំណើរការបោះឆ្នោតទាំងមូលតែម្តង។ ជាចុងក្រោយ រដ្ឋាភិបាល និងគណបក្សកាន់អំណាចសព្វថ្ងៃ ត្រូវយល់ឲ្យច្បាស់ថា ក្នុងរបបប្រជាធិបតេយ្យអាស្រ័យសភា ការបោះឆ្នោតនីមួយៗ ត្រូវតែមានការចូលរួមដាច់ខាត ពីប្រធានគណបក្សប្រឆាំង។ បើមិនដូច្នោះទេ ការបោះឆ្នោតនោះគ្មានន័យ និងគ្មានតម្លៃទាល់តែសោះ»។
តបនឹងការចោទប្រកាន់នេះ អ្នកនាំពាក្យគណបក្សប្រជាជនកម្ពុជា លោក សុខ ឥសាន្តបានឲ្យដឹងថា ការប្រកាសកាលបរិច្ឆេទបោះឆ្នោត ត្រូវបានធ្វើឡើង បន្ទាប់ពីគណបក្សនយោបាយ អង្គការសង្គមស៊ីវិល និងគណៈកម្មាធិការជាតិរៀបចំការបោះឆ្នោត បានជំរុញរដ្ឋាភិបាលសុំការកំណត់ឲ្យឆាប់រហ័ស ក្នុងគោលបំណងងាយស្រួលរៀបចំការងាររៀងៗខ្លួនតែប៉ុណ្ណោះ។
លោកបានមានប្រសាសន៍ថា៖ «ឯកឧត្តម សម រង្ស៊ី តែងតែបែបនេះ មុននឹងទាមទារឲ្យប្រកាស ដល់ពេលយើងប្រកាសទៅ កាត់រិះគន់វាយប្រហារ មកលើគណបក្សប្រជាជនកម្ពុជា… វាក្លាយជាវប្បធម៌របស់គាត់ទៅហើយ យើងមិនខ្វល់នោះទេ»។
ក្នុងស្ថានការណ៍នយោបាយចុងក្រោយនេះ សមាជិកសភាមកពីគណបក្សសង្គ្រោះជាតិ ទាំង ៥៥រូប តំណាងឲ្យអ្នកបោះឆ្នោត ៤៥ ភាគរយបានចុះហត្ថលេខារួមគ្នាលើលិខិតអន្តរាគមន៍ផ្ញើជូនលោក បាន គីមូន អគ្គលេខាធិការនៃអង្គការសហប្រជាជាតិ ដោយរៀបរាប់ថា ជិត ២៥ឆ្នាំតាំងពីមានកិច្ចព្រមព្រៀងសន្តិភាពក្រុងប៉ារីស មក ប្រជាធិបតេយ្យនៅកម្ពុជា បានគាំងដំណើរ ដោយហេតុថា ស្ថាប័នសំខាន់ទាំងបីរួមមាន អង្គការនីតិប្បញ្ញត្តិ នីតិប្រតិបត្តិ និងតុលាការ ត្រូវបានគណបក្សកាន់អំណាច យកទៅប្រើប្រាស់ដើម្បីរំលាយគណបក្សប្រឆាំង។
បើតាមការប្រកាសរបស់លោកនាយករដ្ឋមន្ត្រី ការបោះឆ្នោតក្រុមប្រឹក្សាឃុំ-សង្កាត់ នឹងធ្វើឡើងនៅថ្ងៃទី៤ ខែមិថុនា ឆ្នាំ២០១៧ ចំណែកការបោះឆ្នោតជ្រើសតាំងតំណាងរាស្ត្រ អាណត្តិទី៦ នឹងធ្វើឡើងនៅថ្ងៃទី២២ ខែកក្កដា ឆ្នាំ២០១៨៕
Clik here to view.
តាំង វីដា Friday, 27 May 2016 ខ្មែរថាមស៍
ភ្នំពេញ៖(ខ្មែរថាមស៍)លោកសមរង្ស៊ីប្រធានគណបក្សប្រឆាំងដែលកំពុងនិរទេសខ្លួនក្រៅប្រទេសបានរិះគន់គណបក្សកាន់អំណាចថាកំពុងប្រើល្បិចកលដើម្បីយកឈ្នះការបោះឆ្នោតនៅថ្ងៃខាងមុខតាមរយៈការគាបសង្កត់គណៈកម្មាធិការជាតិរៀបចំការបោះឆ្នោត និងការប្រើប្រាស់ប្រព័ន្ធតុលាការ ធ្វើទុក្ខបុកម្នេញផ្នែកនយោបាយលើគូបដិបក្ខ។
កាលពីថ្ងៃពុធ លោកនាយករដ្ឋមន្ត្រី ហ៊ុនសែនបានប្រកាសថាការដែលលោកប្រកាសកាលបរិច្ឆេទនៃការបោះឆ្នោតក្រុមប្រឹក្សាឃុំសង្កាត់និងការបោះឆ្នោតថ្នាក់ជាតិគឺដើម្បីជួយសម្រួលឲ្យគ្រប់ភាគីពាក់ព័ន្ធរួមមានគណៈកម្មាធិការជាតិរៀបចំការបោះឆ្នោត ក្រសួងសេដ្ឋកិច្ច និងហិរញ្ញវត្ថុ គណបក្សនយោបាយ ក៏ដូចជាប្រជាពលរដ្ឋ មានពេលវេលាគ្រប់គ្រាន់ ក្នុងការត្រៀមលក្ខណៈសម្បត្តិប្រកួតប្រជែង។ លោកនាយករដ្ឋមន្ត្រី ក៏បានរំពឹងថា នឹងមិនមានការអត្ថាធិប្បាយណាមួយឲ្យលើសពីអ្វី ដែលលោកបានលើកឡើងនេះ ដើម្បីជាប្រយោជន៍របស់ភាគីណាមួយឡើយ។
យ៉ាងណាក៏ដោយ លោក សម រង្ស៊ី មេដឹកនាំគណបក្សសង្គ្រោះជាតិ កាលពីម្សិលមិញ បានបង្ហោះនៅលើ Facebook របស់លោក ដោយបង្ហាញការយល់ឃើញទៅលើការប្រកាសកាលបរិច្ឆេទទាំងនោះ មិនគ្រប់គ្រាន់ទេ ដើម្បីធានាថា ការបោះឆ្នោតទាំងពីរនោះ នឹងមានលក្ខណៈអាចជឿទុកចិត្តបាន ហើយអាចទទួលយកបាន សម្រាប់ប្រជារាស្ត្រខ្មែរ និងសហគមន៍អន្តរជាតិ។
លោក សម រង្ស៊ី បានហៅការប្រកាសពីកាលបរិច្ឆេទនៃការបោះឆ្នោតនៅពេលនេះថា អាចធ្វើឲ្យមានការភ័ន្តច្រឡំ អំពីបំណងពិតប្រាកដរបស់រដ្ឋាភិបាល ពីព្រោះវាអាចបង្វែរអារម្មណ៍ពីទង្វើជាក់ស្តែងរបស់រដ្ឋាភិបាល ដែលកំពុងតែត្រៀមល្បិចកល ដើម្បីដណ្តើមយកជ័យជម្នះក្នុងការបោះឆ្នោតខាងមុខ ទោះជាប្រជាប្រិយភាពរបស់ខ្លួនបានធ្លាក់ចុះយ៉ាងណាក៏ដោយ។ លោកថា៖ «រដ្ឋាភិបាល បានយកតុលាការ ដែលខ្លួនគ្រប់គ្រង និងបញ្ជាតាមចិត្ត ធ្វើជាឧបករណ៍នយោបាយរបស់ខ្លួន ក្នុងការបង្ក្រាបអ្នកដែលហ៊ានប្រឆាំង និងហ៊ានទិតៀនខ្លួន ក្នុងនោះមានទាំងថ្នាក់ដឹកនាំ និងសមាជិកសង្គមស៊ីវិលផងដែរ ដែលត្រូវបានគេចាប់ខ្លួន និងឃុំខ្លួន តាមការចោទប្រកាន់ដែលគ្មានមូលដ្ឋានត្រឹមត្រូវទាល់តែសោះ»។
លោក សម រង្ស៊ីបានអះអាងបន្ថែមទៀតថា បច្ចុប្បន្នគណបក្សប្រជាជនកម្ពុជា មិនត្រឹមតែបំបាត់សិទ្ធិសេរីភាព របស់ប្រជារាស្ត្រខ្មែរ ក្នុងការសម្ដែងមតិប៉ុណ្ណោះទេ តែបានទាំងបំផ្លាញតុល្យភាពនយោបាយក្នុងសមាសភាពគណៈកម្មាធិការជាតិរៀបចំការបោះឆ្នោត (គ.ជ.ប.) ដោយបានចាប់មន្ត្រីជាន់ខ្ពស់មួយរូបនៃ គ.ជ.ប. ដែលមកពីសង្គមស៊ីវិល ព្រមទាំងត្រៀមឲ្យតុលាការកោះហៅសមាជិកដ៏សំខាន់មួយរូបនៃ គ.ជ.ប. ដែលត្រូវបានតែងតាំងតាមសំណើរបស់គណបក្សប្រឆាំង។
លោកបន្តថា៖ «ទង្វើបែបនេះរបស់រដ្ឋាភិបាល គឺជាការបំផ្លាញការជឿទុកចិត្តរបស់ប្រជារាស្ត្រចំពោះ គ.ជ.ប. ថ្មី ដែលទើបតែបានបង្កើត ព្រមតាំងជាការបំផ្លាញដំណើរការបោះឆ្នោតទាំងមូលតែម្តង។ ជាចុងក្រោយ រដ្ឋាភិបាល និងគណបក្សកាន់អំណាចសព្វថ្ងៃ ត្រូវយល់ឲ្យច្បាស់ថា ក្នុងរបបប្រជាធិបតេយ្យអាស្រ័យសភា ការបោះឆ្នោតនីមួយៗ ត្រូវតែមានការចូលរួមដាច់ខាត ពីប្រធានគណបក្សប្រឆាំង។ បើមិនដូច្នោះទេ ការបោះឆ្នោតនោះគ្មានន័យ និងគ្មានតម្លៃទាល់តែសោះ»។
តបនឹងការចោទប្រកាន់នេះ អ្នកនាំពាក្យគណបក្សប្រជាជនកម្ពុជា លោក សុខ ឥសាន្តបានឲ្យដឹងថា ការប្រកាសកាលបរិច្ឆេទបោះឆ្នោត ត្រូវបានធ្វើឡើង បន្ទាប់ពីគណបក្សនយោបាយ អង្គការសង្គមស៊ីវិល និងគណៈកម្មាធិការជាតិរៀបចំការបោះឆ្នោត បានជំរុញរដ្ឋាភិបាលសុំការកំណត់ឲ្យឆាប់រហ័ស ក្នុងគោលបំណងងាយស្រួលរៀបចំការងាររៀងៗខ្លួនតែប៉ុណ្ណោះ។
លោកបានមានប្រសាសន៍ថា៖ «ឯកឧត្តម សម រង្ស៊ី តែងតែបែបនេះ មុននឹងទាមទារឲ្យប្រកាស ដល់ពេលយើងប្រកាសទៅ កាត់រិះគន់វាយប្រហារ មកលើគណបក្សប្រជាជនកម្ពុជា… វាក្លាយជាវប្បធម៌របស់គាត់ទៅហើយ យើងមិនខ្វល់នោះទេ»។
ក្នុងស្ថានការណ៍នយោបាយចុងក្រោយនេះ សមាជិកសភាមកពីគណបក្សសង្គ្រោះជាតិ ទាំង ៥៥រូប តំណាងឲ្យអ្នកបោះឆ្នោត ៤៥ ភាគរយបានចុះហត្ថលេខារួមគ្នាលើលិខិតអន្តរាគមន៍ផ្ញើជូនលោក បាន គីមូន អគ្គលេខាធិការនៃអង្គការសហប្រជាជាតិ ដោយរៀបរាប់ថា ជិត ២៥ឆ្នាំតាំងពីមានកិច្ចព្រមព្រៀងសន្តិភាពក្រុងប៉ារីស មក ប្រជាធិបតេយ្យនៅកម្ពុជា បានគាំងដំណើរ ដោយហេតុថា ស្ថាប័នសំខាន់ទាំងបីរួមមាន អង្គការនីតិប្បញ្ញត្តិ នីតិប្រតិបត្តិ និងតុលាការ ត្រូវបានគណបក្សកាន់អំណាច យកទៅប្រើប្រាស់ដើម្បីរំលាយគណបក្សប្រឆាំង។
បើតាមការប្រកាសរបស់លោកនាយករដ្ឋមន្ត្រី ការបោះឆ្នោតក្រុមប្រឹក្សាឃុំ-សង្កាត់ នឹងធ្វើឡើងនៅថ្ងៃទី៤ ខែមិថុនា ឆ្នាំ២០១៧ ចំណែកការបោះឆ្នោតជ្រើសតាំងតំណាងរាស្ត្រ អាណត្តិទី៦ នឹងធ្វើឡើងនៅថ្ងៃទី២២ ខែកក្កដា ឆ្នាំ២០១៨៕